2 Soon Cafe

营业中

休息中

位於太子花墟附近呢間2 soon cafe，menu除左有西班牙tapas同埋唔同既意粉之外，甜品都好好食！甜品menu好豐富，而且每一樣都係高質既🤩1⃣️蒜香蜜糖焗原隻布里芝士配酸種麵包（$108）呢款餐前小食係出面冇見過，中間一大塊布里芝士，原隻鐵鍋烤熱再上檯，放上脆脆既酸種麵包食，芝士本身既鹹香配上少少蜜糖既甜，特別又好食🧀2⃣️伊比利亞火腿忌廉薯餅 （$48）有兩件，炸得好脆身香口，中間既cream好滑～3⃣️蟹肉伏特加蕃茄忌廉粗管通粉（$148）粗管通粉食落煙韌，佢既坑紋沾滿蕃茄醬汁，醬汁酸甜帶微辣，加上滿滿既蟹肉，呢款食落好食而且唔膩👍4️⃣明太子忌廉煙肉菠菜大蝦意粉（$148）賣相好靚，意粉卷得好靚咁上碟～明太子醬汁掛曬係每一條意粉上面，仲有四隻蝦加三文魚籽。中間意粉仲有啲洋蔥、煙肉、菠菜，一路食落去都唔會覺得單調😋5️⃣流心焦糖燉蛋法式西多士配合桃碎及焦糖餅乾（$78）甜品好正！呢個西多士面頭滿滿既焦糖燉蛋醬汁勁邪惡！上面既焦糖脆面，切落去果下已經覺得好療癒🥰西多士係偏軟淋質感，配上流心燉蛋醬整體食落好滿足～仲配有合桃碎同埋lotus餅，多一層脆脆口感。6️⃣焙茶tiramisu（$68）茶味

今日嚟到太子一間紅色磚牆嘅咖啡店有個好靚拱門設計 增添咗空間層次感出面仲可以坐 少少綠色植物點綴成個環境更顯生機 好有自然氣息啱晒同朋友嚟打卡 當日揀咗戶外座位叫咗以下幾樣嘢食 部份係新菜單推出- - - - - - - - - - - - - - - - - - - - - - - - 1. 燒飯團（明太子）另外仲有牛肉醬油漬蛋黃可揀呢個飯團燒到外脆內軟金黃表面好似食緊飯焦咁樣佢散發嘅香氣都幾誘人上面除咗有原粒明太子之外仲有明太子醬 鹹香十足入口好有海鮮風味 唔辣好易入口2. 黑松露芝士雜菌忌廉通粉用咗長通粉整 個人嚟講好鍾意食佢以濃郁嘅黑松露同芝士醬汁做基底比起奶香 黑松露嘅香氣比重更多所以食落唔會好膩 加埋足料雜菌成個口感細膩 意外食晒成碟3. 梅子檸香酒浸蜆呢碟都幾特別 竟然諗到用梅子檸檬酒浸泡住鮮嫩嘅蜆肉 酒味唔算好濃有淡淡清新酸甜感 唔會搶晒主角蜆肉風頭同埋用嚟做前菜都幾令人覺得開胃4. 西班牙油炸鬼配玉桂糖、香濃朱古力醬同雲尼拿雪糕本身揀咗即上 見落單後都等咗一段時間嚟到仲係熱氣騰騰 應該係有即叫即炸食落外脆內軟 裹上香甜嘅玉桂糖已經好食或者搭配濃郁朱古力醬/香滑雲尼拿雪

今日揸車兜去太子，去左呢間朋友推介嘅cafe食飯。Tapas叫左個西班牙菜蒜片欖油大蝦，配有麥香口感煙韌嘅酸種麵包，欖油有蒜香辣香，蝦好爽脆，好味～主菜就要左一個烏冬同一個飯，煮法係好特別嘅配搭；牛肉壽喜燒炒烏冬，牛肉充滿壽喜燒嘅香甜，配濕炒都唔錯；最讚係油封鴨腿配西班牙焗飯，法國菜撞上西班牙文菜配搭，原來極襯，鴨腿味道好濃郁，飯粒紮實彈牙有飯焦，食落有油封鴨味道。西班牙油炸鬼係即整甜品，賣相味道好正宗，香脆的Churros配朱古力同呍呢拿雪糕，兩三個人share食fit哂。茘枝烏龍茶係一壺上，好香亦好保溫，沖左幾杯都仲夠熱。感覺上呢間小店嘅裝修店面、食物賣相、味道都好用心，有水準小店少，用心經營更唔易，值得再幫襯～

見到comment幾好，特別那個慢煮豬肉，一心特登帶埋太太來試。上枱時，個樣都可以，但味道偏鹹，還有肉身一啲都不鬆化，有啲似阿媽煲完湯嗰嚿豬展另外，我們點了牛面頰肉，這個都還可以最後我們叫了西班牙油炸鬼，這個就加了少少分