滾爺火鍋 (上海街)

营业中

休息中

今日約咗朋友去旺角上海街打邊爐。我哋叫咗個套餐，叫做滾得飽二人餐$396。入邊有一個鴛鴦鍋，皮蛋芫荽湯底同埋沙嗲湯底。沙嗲湯底嗰邊有好多豆卜同埋大豆芽菜，味道比較濃郁啲，芫荽皮蛋湯底，就比較重芫荽味，皮蛋都算足料，味道就會比相對下清啲。套餐入邊有海蝦四隻、花甲六隻、西班牙無激素豬肉、手包韭菜餃四粒、鮮甜手打鯪魚滑、山根同埋讚岐烏冬。由於套餐冇嘢飲，我哋額外添加咗兩個椰青，再叫多個紅薯粉。海蝦同埋花甲都好新鮮，都好容易滾得熟。西班牙無激素豬頸肉，都算快熟嘅，熟咗之後會好白同埋容易吸收湯底味道。烏冬本身有兩塊，容易吸收湯汁放落沙嗲嗰一個鍋，覺得會咸咗啲，如果放喺芫荽皮蛋湯底，反而會幾好味。手包韭菜餃四隻，韭菜豬肉新鮮，放入火鍋其實都幾快熟，味道幾好。鮮甜手打鯪魚滑，新鮮同埋口感彈滑。最後，我哋都會覺得唔夠，所以叫多咗個紅薯粉，放入芫荽湯底幾好食。

食得多火鍋放題，食吓散叫打邊爐又係另一番風味。上海街「滾爺火鍋」係港式打邊爐，店面不算太大但有兩層，裝修以深啡色為主，燈光暗暗的幾有氣氛，設有獨立卡座坐得舒服。仲有啲有趣字句紙牌可以俾一班朋友攞住影相打卡。自助醬料區可以混醬，鍾意佢有原粒青檸提供，新鮮唧啲青檸汁落醬料度更加惹味，特別係豉油斟出嚟係熱嘅，蘸醬汁時食物都唔會降溫，好細心啊。QR code落單，我哋揀咗個二人餐。► 滾得飽 (2人餐) $598有四款湯底選擇：胡椒蘿蔔豬尾鍋、芫茜皮蛋鍋、鴛鴦鍋 (麻辣＋沙嗲)、鴛鴦鍋(沙嗲＋芫茜皮蛋)。◉ 胡椒蘿蔔豬尾鍋打邊爐前先飲啖湯，好香胡椒嘅辣味。我應該無試過一味餸係用豬尾做主角，呢個豬尾鍋就比想像中正，豬尾煮得腍，入口又充滿彈性，每一件都有皮有肉有骨，我覺得比起食豬手嘅皮更加滿足，因為皮比例多，啖啖都滿滿膠質，而且份量十足，食吓食吓全部食晒。蘿蔔清甜，熬多陣湯先食就更入味。◉ 海鮮上枱時有乾冰煙霧效果，仙氣十足，有海蝦四隻、花甲六隻，全部鮮甜。◉ 西班牙無激素豬頸肉出嚟打邊爐難得有無激素嘅豬頸肉，切得薄身，油脂似雪花分布平均，基本上無咩肥肉，入口肉嫩爽口。◉ 手包韭菜餃 (4粒) 係

係久違嘅邊爐🥺都唔知幾耐無打過見次次同親男朋友幾乎都係食西餐多🤥要整返次邊爐先得🔥🔥滾爺啲邊爐配料都算多選擇仲有套餐俾你選擇🍴完全唔洗你諗而佢地更有特製嘅豉油第一次斟豉油係會出熱🫣❣️滾得飽 (2人餐) $396🍲鴛鴦鍋:有好幾款湯底任你揀想淨係單味又可以想要鴛鴦兩款味又得🥰❤️叫鴛鴦湯底仲要係唔洗額外收費👏🏼整左個麻辣加沙嗲嘅鴛鴦鍋麻辣有分大中小辣 辣味係極出而另一面嘅沙嗲湯底係勁香濃 係好出花生香味🥜*🦞海蝦 4隻🐚花甲 6-8隻海蝦同花甲擺盆勁靚靚👀啲海鮮處理得好乾淨唔會有沙嘅出現😍😍😍粒粒花甲同海蝦都係好新鮮 又鮮甜🐖西班牙無激素豬頸肉好難得有”無激素“嘅豬頸肉出現係打邊爐切得夠薄身 食落口感岩岩好 仲要好嫩身 肥肉幾乎上都無咩🥹🫰🏻🥟手包韭菜餃 4粒韭菜餃皮薄餡靚粒粒包都好到實🥬落完order真係見staff姨姨即刻包👩🏻‍🍳🐟鮮甜手打鯪魚滑鯪魚滑好彈牙手打得夠實淨🤪🤪食落又爽口最介意啲魚腥味都無🤤⛰️山根分量都俾得幾多下兩個人食係絕對足夠的😎🤟🏻*🍜讚岐烏冬打邊爐點可以唔整返個烏冬食個烏冬連埋個湯底真係絕配🫶🏻成餐食埋個烏冬真係飽飽😽*❣️美國安格斯板眼 $188係高質牛牛～🐃 🐃

放假點少得打邊爐😆呢日喺旺角睇完戲 時間都仲早 但已經好肚餓 見到滾爺火鍋有個優惠 7pm前離座先有嘅抵食二人餐 仲有三個價位嘅餐可以揀 我哋就揀咗最基本嗰個餐 另外再點咗份牛 超飽超滿足☺️🍽️滾得飽 💰398🥘鴛鴦鍋 (沙嗲湯+芫荽皮蛋湯)超級推薦呢兩個湯底😍兩個味道都好濃郁 食到最後加咗幾次湯 都仲好重沙嗲味芫荽味😋🐽西班牙無激素豬頸肉豬頸肉肥瘦適中 肉質軟腍 一啲都唔嚡套餐其他配料都好高質 海鮮鮮甜且冇沙 韭菜餃好足料好香👍🏻最後落埋個烏冬 吸晒個湯底 完美🤤🦐海蝦x4🦪花甲x6🥟手打鯪魚滑x2🥟手包韭菜餃x4🥟生根x8🍜讚岐烏冬x2🥩美國安格斯板眼 💰188上枱嘅時候有煙霧效果 好有睇頭🤭啲肉唔太肥 好有牛味 落落邊個湯底都一樣好味😋🥤津路烏龍茶 💰22🔔醬料費 💰18/位🔔另設加一