鮮入圍煮 (已搬遷) 新店位置

放假又係約阿女行街食嘢，兩丁友行旺角，阿女話想打邊爐，我忽然間諗起之前有朋友推介一間食花膠雞煲湯底好正嘅火鍋，即刻打俾個friend問佢攞地址然後上去食入到餐廳，裝修真係好似喺街市海鮮檔，有很多新鮮的海鮮，可買來即劏打邊爐，新鮮得很👍牆壁上邊寫咗好多毛筆字，有啲似已經過咗身嘅九龍皇帝筆跡，好街坊好親切今次我哋兩個要來個特別嘅食法，所以一坐低叫咗呢度嘅招牌原隻雞煲花膠湯，一上枱即刻每人飲番兩碗，濃厚奶白的湯底鮮甜無比，仲有大量花膠厚大彈牙，半只雞嫩滑入味，果然係呢度嘅招牌重點推介👍😋飲咗湯後加入娃娃菜同蟹子蝦滑，滾一陣之後再加西班牙腩肉片同稻庭烏冬，滾兩滾之後熄火，熱辣辣稻庭烏冬西班牙肉片蟹子蝦滑花膠雞湯煲，每條烏冬都掛滿湯汁，真係好味到講不出聲，下星期再同屋企人來食多次😋

晏晝先決定要食呢間，竟然即日book到夜晚7點。去到冇咩人，本來話限時兩個鐘，過咗鐘都冇人干涉我哋 坐低畫完點心紙就出去水缸點咗芒蜆，新鮮到撈起嗰陣仲噴緊水。芒蜆食落肉唔算厚，但幾鮮甜芫茜皮蛋湯底，皮蛋好足料，味道就係坊間嗰啲差唔多 桶蠔好大隻，食落creamy，咬一啖啲蠔味蠔汁充滿成個口腔，好正鵝腸有兩款，我哋嗌咗少肥膏都仲有少少連住，咁先唔會乾食落夠甘香爽脆! 桂花蚌夠新鮮，好爽好鮮甜，近年嚟未食過咁好食，必試!手切安格斯牛肉，量唔多，用好多冰墊底。起雙飛，油花均勻，但好快膩，其實都食唔到幾多 西班牙豬腩片雖然有肥肉，但食落唔肥膩而且爽爽地，推介!鴨血唔會有陣令人不快嘅鴨味，又唔會一夾就散，不過不失帶子水餃，帶子用咗貝柱，如題，無咩驚喜但用料實在，味道唔錯墨汁墨魚滑，裡面好多墨魚粒，爽口彈牙，推介!油麥菜、生菜，新鮮薯粉係爽滑但唔煙韌嗰種，吸曬湯嘅精華，我哋食完一轉要再加單，推介! 最後一定要飲個湯，對比返開頭咩都未落嗰陣鮮甜勁多，好精彩，飲埋都唔覺好味精 雖然呢度食物種類唔算多，又唔係標榜自家出品嘅特色材料，但用料新鮮，性價比高，未試過嚟呢度坐得咁舒適咁闊落，而且全單7折，嗌埋

其實每次經過登打士街都比"鮮入圍煮"大招牌吸引, 今晚落毛毛雨, 涼返少少, 就同屋企人去打邊爐暖下胃。餐廳內面積不大, 但每檯之間都幾闊落, 裝修樸素, 其中一面放了海鮮, 佈排很有街市style湯底方面, 有雞煲同埋普通款式湯底選擇, 但今晚還是想食返清清地, 揀左【粟米濃湯】HK$78湯底中有栗米粒, 整體味道好似飲緊酒樓既粟米魚肚羹, 夠哂清甜。【牛胸白肉】HK$138質地超爽嫩滑, 充滿油花, 牛脂豐富【西班牙豬腩片】HK$58味道好有驚喜, 一致覺得呢款仲好食過牛, 非常嫩口。肥瘦平均, 但不會有種油膩感, 反而有淡淡豚肉香, 推介!!【爽口花膠雲吞】HK$48似乎是即包, 不是長期的雪藏貨, 雲吞中釀滿粉嫩鮮甜豬肉, 不過就食唔出/睇唔出有花膠。【蟹子墨汁墨魚滑】HK$88蟹籽份量太少, 其實唔太食得出加左蟹籽既口感, 不過墨魚滑中加入左墨魚幼粒, 食落總算有層次, 同埋墨汁香味幾出, 整體質地偏林, 不是彈牙口感。【蝦子麵】HK$12打邊爐通常食開出前一丁/烏冬, 但原來配蝦子麵, 味道又幾正, 幼麵質地易索湯, 今次揀左個清甜湯底, 襯托到個蝦子麵清清地味道。 Ord