五月星牛肉麵

营业中

休息中

駱駝漆多野食就大家都知 唔知大家有冇試過呢間台灣野？抵食之餘仲要係黃店💛🐮凡惠顧晚市主食 +$32 可以任食十款小食包括 麻辣鴨血，蒜泥白肉，麻辣豬耳，甜不辣，麻辣菇菌，涼拌茄子，手拍青瓜，白灼菜，涼拌海帶同黃金皮蛋🐮個人最推介係蒜泥白肉，鴨血同菇 我encore左3次 麻辣唔算辣 小麻 但有陣好香嘅麻辣香 等麵黎嗰陣忍唔住狂食 好好食🥺🐮紅燒蜂巢牛肚麵 $73 (9/10)個湯底好濃郁 但唔會咸 食完唔會口渴 好鍾意個湯底 😍真係好濃牛肚好淋 超入味😋蘿白都煲到入晒味 勁好食重點係湯底 所以牛肉麵都一樣好食 🐮試管鹽酥菇 $10Like 社交平台 就可以加$10要埋，雖然係$10但俾左超大碟我🙊試管意思就係可以加試管入面嘅調味粉。有孜然，海苔等。🐮店舖唔大 坐得會有少少逼 但店員服務好好 你一舉手基本上會衝埋黎 勁快 同埋叫係等等嘅野食真係會番黎跟進上左菜未🥰百二蚊食左一碗都同十一款小食 好抵味道：環境：服務：性價比：回頭率：

素聞駱駝漆有唔少好野食，今次就同朋友試下位於3座11樓的五星月牛肉麵啦一入到去，夜晚8點尼講人流唔算多，可以俾我地靜靜咁傾下偈野食方面，我地叫左招牌紅燒牛肉麵，五月星拌麵（古早味），加一個試管鹽酥菇！紅燒牛肉麵湯頭濃郁，麵身煙韌有咬口，牛肉肉質煮得夠腍又入味，不愧係招牌菜！至於五月星拌麵就加入左魯肉和菇類，麵身同牛肉麵一樣咁煙韌有咬口，但醬汁就偏淡口！平時比較少見到鹽酥菇，難得見到當然要一試！結果一試愛上個菇炸得幾乾身，同鹽酥好夾！飲品方面，我地試左黑糖珍珠撞奶同埋水蜜桃綠茶！我一直好少飲黑糖飲品，因為好怕太甜嘅飲品，但呢個唔會好甜，我ok！雖然黑糖味唔算好濃，但啲珍珠補救番～ 啲珍珠好軟腍，口感幾特別！而水蜜桃綠茶就正正常常，冇咩特別！總結，呢間台灣菜性價比唔錯，會再來！

上星期係觀塘上完堂後, 順便係附近覓食, 今次去了工廠大厦裡的五月星牛肉麵食飯.小食點了試管鹽酥菇.主菜點了清燉牛肉麵.飲品點了黑糖珍珠撞奶. 試管鹽酥菇. 枱上放了六款不同的調味粉, 客人可以因應自己的喜愛混入菇中.我選了海苔, 芝士. 我特別鍾意海苔粉.而菇的粉漿唔算厚身, 而且放耐咗仍能保持脆身.這個是相當重要.黑糖珍珠撞奶.賣相幾靚.珍珠夠煙韌, 而且唔會太甜, 入口有淡淡的奶味, 啱晒我口味.清燉牛肉麵. 牛展的份量比我想像中多.而且夠大塊, 偏向厚身, 所以口感較佳. 肉質夠稔身, 完全唔覺得硬身和乾. 麵質軟硬適中. 估唔到個湯底咁香濃, 又鮮味.原來用了大量的骨頭煲出來, 完全無精味, 飲晒所有湯都無問題.觀塘的工厦真係有好多好味的食店.