馬來椰爺

营业中

休息中

此店已bookmark好耐, 終於嚟到可以試下 食物 : 越南原隻炸軟殼蟹蜆肉摻摻 $128 ~ 湯底非常濃郁好味, 軟殼蟹大隻, 炸得香脆唔油膩, 麵好大碗食完好飽 越南虎蝦青口海鮮摻摻 $98 ~ 湯底味道一樣, 海鮮新鮮, 虎蝦好大隻, 味道好味 飄雪咖央 $48 ~ 好味的叻央多, 適逄聖誕就有特別板本, 味道正常好味 話梅桔仔水(涷) $10(跟餐加配特價) : 味道酸酸甜甜, 幾好味 環境 : 小店坐住有限, 要先在門外排隊等候 服務 : 由老闆親自招呼 價錢 : HK$289 (無加一服務費), 留意此店只收現金

街坊推薦系列🥳！講起大角咀大家都知道小店特別多，亦知道點搵食😏但眾多當中總有漏眼，今次我去依間係大角咀街坊推薦比我的，仲話食過返唔到轉頭，講到咁厲害😏立即約飯腳啦～「馬來椰爺」位置喺富多來商場，係真正的小店，座位大約16個左右，門口有指示牌排隊等候！鮮牛油班蘭椰香咖央多士(自家鮮製）$38特別之處在於個椰香咖央醬，淡淡椰香又唔會太甜加埋件鮮牛油😌不解釋！虎蝦帆立貝三重香蝦喇沙湯摻摻$98好澎湃呀！🤣除左二隻大虎蝦，仲有甜甜地既蜆肉、櫻花蝦同炒過既辣香蝦，仲有一粒大大的帆立貝！佢地湯底係自家秘製喇沙醬調製而成，有濃濃既喇沙香，一點都不過覺得咸，椰奶唔會好多唔會搶走喇沙原有既味道👅，加埋滲滲每啖都掛上湯汁，真係街坊說的「返唔到轉頭」！好食到不得了✨✨✨✨✨原隻炸軟殼蟹蜆肉椰爺秘傳喇沙摻摻$128換一換個配搭，就係一隻「巨蟹座」😌巨型軟殼蟹坐定定喺到，我好耐無食過一隻咁有質素既軟殼蟹，厚肉又爆膏🤤外層微脆炸得啱啱好，廚師堅持去除蟹腮及蟹腸，令客人可安心原隻食用！配料仲有吸哂湯既豆卜、白魚蛋同芽菜，係超級豐富！果然無味精湯底係唔同，成晚都無口渴感，而平時食完喇沙留下口腔既咸味都沒有出現！真百香

大角咀一到夜晚，除咗酒吧，其他餐廳多數門可羅雀，但喺富多來偏偏有間馬拉餐廳仔誇張到，天黑都要等位好彩大胃早啲到，免受等位之苦呢間有好幾款湯底嘅摻摻選擇，其中呢款招牌椰爺秘傳叻沙湯底，自家製醬汁，真材實料熬製至少9粒鐘，唔需要味精，已經非常香濃，而且好暖胃軟殼蟹大大隻又夠實，唔會好空氣感，去咗蟹腮同蟹腸，放心食用，浸吓湯底食，更係好食到癲咗。食到一半，再唧啲青檸汁落湯底，頓時變咗另一種風味，更清新更有南洋feel另一碗就係三重香蝦叻沙湯底，混合咗叻沙香蝦、日本櫻花蝦、爆炒辣香蝦同虎蝦，哈哈哈哈咁熬成嘅湯麵，嗰種香辣，係史無前例嘅新境界，眼見連蝦花蝦都熬成不一樣嘅紅，就知個湯底幾耐人尋味摻摻唔係用一般嘅油麵嚟撈米粉，而係用類似意粉嘅麵，唔會變腍又更爽口馬拉嘅甜品點少點班蘭多士呢？呢款仲要係溝埋香蕉蓉，組合新奇，咖央醬屬於高難度製作，但竟然都係自家製作，令人欽佩。醬汁易溶，所以一上檯要即刻食，外脆內綿，又唔會太甜，真係五體投地除咗咖央，炸香蕉都係馬拉名物，其實香港好易炸爛，呢間炸完仲咁有質感，保持綿綿地嘅誘人口感，太神奇喇雖然好想飲熱拉茶試吓，不過真係需要凍飲解辣，服咗仲飲到熱飲嘅胃民凍拉茶