上海弄堂菜肉餛飩 (歌賦街)

营业中

休息中

今晚晚餐係餛飩宴😂呢間餐廳應該都出名餛飩 ，一路食都一路有人買餛飩外賣~一入到去店員都好有禮貌咁安排入座同講解。但實在太多選擇，揀左好耐先落到單，haha! 最好揀左好特別嘅法國鵝肝有機紫洋蔥餛飩，弄堂菜肉餛飩，西洋菜肉餛飩同雲吞雞湯，真心全部都餛飩，但我真係幾中意食餛飩，所以絕對ok~特別推介：✨法國鵝肝有機紫洋蔥餛飩 - 好香鵝肝味，估唔到呢個配搭有驚喜✨弄堂菜肉餛飩 - 經典款，店員有講解佢地嘅餛飩係菜多肉少，比較清d健康d, 食得多都唔怕滯✨雲吞雞 - 好足料，有6隻大餛飩，個湯都好入味，飲完成個人暖笠笠餐廳環境都幾別緻，有d五，六十年代嘅插畫做裝飾，座位闊落，平日晚餐時段都算多人，不過我由7點坐到9點幾，坐到d人都食完走lu, 先影到個靚環境😝

大學時期曾到上海做intern，最愛上海嘅小籠包、賽螃蟹同豆沙鍋餅，今日嚟到中環上海弄堂終於食到久違嘅地道滋味！ 前菜 $10，茗茶 $5/位前菜一點都不馬夫，香脆花生拌入辛麻香料，帶微微麻辣味，十分惹味。小籠包(4隻) $40小籠包皮薄之餘夾起又唔會穿 , 一口咬下香濃肉汁伴隨嫩滑肉餡蜂擁而至。賽螃蟹+蛋黃 $108賽螃蟹係一道幾考功夫嘅菜，蛋白炒得夠嫩滑，加入少少魚肉，食之前再混入生鮮蛋黃，食落很有層次。薺菜餛飩 升級響螺蟲草燉雞湯 $70餛飩皮又軟又滑，薺菜餡非常鮮味，響螺湯無加味精，味道自然，滋補養生。豆沙鍋餅 $45呢度嘅豆沙鍋餅很有驚喜！餅皮鬆脆無比 , 咬落內層又煙煙靭靭，口感極佳，皮同餡比例恰到好處，唔會太甜，出色！

在中環想有恬靜優美的晚膳環境首選九如坊。今晚選了上海菜。即使時繁忙的時間，這兒也令你感到置身國外，感覺輕鬆。干扁四季豆味道適中，不會過咸或油膩。菜肉雲吞擔擔麵雲吞餡料豐富，外皮幼滑。擔擔麵湯底辣道不錯。🙂小籠包不俗，肉汁豐富，外皮厚度適中。湯圓甜湯薑味十足，餡料不會過甜，湯圓跟甜湯一起進食，味道非常和諧。豆沙鍋餅這個是全餐最有趣的體驗，一般的豆沙窩餅外皮比較軟身，這裏非常脆口，一點也不油膩，一流