詠藜園四川擔擔麵

营业中

休息中

喺黃埔睇完電器之後，見好耐無食過上海菜，決定喺詠藜園食返籠小籠包先～呢度嘅小籠包即叫即蒸，外皮薄軟，餡料豐富，咬一啖就試到鮮甜湯汁，配埋醋和薑絲，咁好食點可以錯過呀🤤主食我哋就叫咗擔擔麵，擔擔麵嘅麵條煙韌彈牙，湯汁濃郁之外，仲有肉醬同花生碎，辣味啱啱好，食唔停呀口👍👍另外，我哋仲叫咗蒜茸豆苗同炸饅頭。蒜茸豆苗色澤嫩綠，鮮嫩香口，蒜茸味香濃郁，仲好爽身！而炸饅頭嘅表面同底面都炸到金黃色，賣相吸引，而且外脆內軟，金黃鬆脆，一食就上癮！😏 最後仲叫埋豆沙鍋餅，外皮炸得香脆煙韌，內餡有香甜豆沙，入口甜而不膩。✨楊家小籠包✨擔擔麵✨蒜茸豆苗✨炸饅頭✨豆沙鍋餅

好耐未黎過呢度。一坐低奉上酸菜同魚皮花生。應該係自家製嘅酸菜非常開胃。已經很少餐廳會提供酸菜。這裏的擔擔麵係我喜歡嘅類型，味濃但湯底唔會杰撻撻，更加唔會好似其他川菜或上海菜館咁為咗令到湯底更濃而加入花生醬。黃金蝦仁非常適合啲懶同唔想剝蝦殼嘅人。蝦仁尚算鮮甜，蛋黃亦剛好包滿每粒蝦仁。麻婆豆腐食落令我想起傳統嘅家常菜。雖然已經食咗碗麵但係都忍唔住叫咗一碗白飯撈豆腐食。蝦醬通菜炒得幾有鑊氣。甜品豆沙鍋餅即叫即煎，豆沙餡唔算多不過都足夠。餅煎得剛好夠脆。

由於搬屋仲有大量雜物未執好，放假都要叫埋男友幫手，當然要同佢去食番d好野，慰勞下佢啦 ~~ 是日我地去左「詠藜園」食馳名擔擔麵! 擔擔麵 : 我食唔辣，男友食辣，兩隻味都食晒, 正!! 招牌擔擔麵花生香濃肉鬆惹味，麵條爽口，果然係正宗手打麵。而辣既擔擔麵味道更搶口，岩晒無辣不歡既男友。 小籠包 : 一睇就知皮勁簿，筷子夾大力d都流晒d湯汁，肉汁鮮甜，每人兩個都唔夠喉呀 ~~ 火腿娃娃菜 : 火腿甘香，唔會一味得鹹味，娃娃菜夠晒甜，岩晒我地呢d OL。咕嚕肉 : 甜酸汁味道岩岩好，咕嚕炸到外脆內嫩，咬落仲係JUICY。咕嚕肉用左腩肉黎做，肥瘦肉相間完全無骨，岩晒我呢個懶鬼。 豆沙鍋餅 : 都話女仔有兩個胃，雖然已經飽飽地，但都要叫埋個甜品先叫畫上完滿既句號。豆沙鍋餅熱辣辣送到，豆沙餡料夠多，就算角落果四件都爆晒豆沙，豆沙唔太甜，連我男友都幫手食左幾件。