素年 (三陂坊)

营业中

休息中

素年開左咁耐咁出名，真係想試好耐成日覺得香港搵有蛋奶素ge餐廳都唔係話太易，更何況係無蛋無奶ge純素呢預早訂定位，七點半黎到即時入座食物款式唔算多，最後揀左忌廉菠菜闊條麵，豆腐芝士蛋糕同兩個飲品 抺茶梳打同朱古力我地黎時未坐爆曬，但等左好耐先黎左兩杯野飲朱古力賣相好靚，但朱古力味唔算濃，抺茶梳打唔推薦，無加甜味，係平時梳打水加抺茶味咁，不過我本身唔鐘意飲無糖梳打水，如果鐘意飲無糖梳打水ge人都可以嗌黎試下食物等左好耐先上，隔離枱遲我地最少有半個鐘先入座落單，但最後食物竟然一齊黎，野飲啲冰溶得七七八八食物先黎，前後等左有九個字，呢方面非常急切性要改善麵賣相唔太好，但味道OＫ，仲食到少少綠茶味，唔知係麵ge顏色搞到有錯覺定係麵真係用綠茶粉整出黎，加埋彩椒都幾清新，不過成到幾條菠菜渣豆腐芝士蛋糕有少少失望，樣靚但豆腐味唔濃，糕身質地較粗糙試完覺得無想中咁好 ，整體算還可以，可能自己太高期望上菜時間方面真係好需要改善，我地七點半入座，都未食到甜品就要埋左單先，因為已經花太多時間等上菜，轉眼間已經九點幾十點，最後搞到食得有啲趕

29-5-2021(Sat)晏晝,同老公去完銀行就行嚟男友人NT介紹嘅呢間食晏,好彩時間尚早未full,坐低睇完menu,決定要:5. $38.00嘅熱抹茶燕麥奶雖然出面好熱,但因為呢喥冷氣充足,所以我要熱飲,上到枱睇,有拉花,thank you.呢杯味道唔太甜,飲到尾,飲到抹茶嘅甘味.味道: 3分4. $38.00嘅凍髒髒咖啡睇見顏色有層次,而呢杯嘢食凍嘅,但一粒冰都冇,原來係雪住嘅.老公對佢冇任何評價.2. $68.00嘅黑松露純素芝士蕃薯條一嚟到睇,嘩!咁多嘅?蕃薯條新鮮炸起熱騰騰,外脆內軟,大家都知道蕃薯嘅味道係甜,食得多鹹脆薯條,不妨試吓甜脆嘅蕃薯條.而佢嘅黑松露純素芝味道啱啱好,唔錯.不過份量真係可以變做主食,老公建議價錢同份量減半.味道: 5分1. $88.00嘅忌廉菠菜闊條麵嚟到睇到,相對起黑松露純素芝士蕃薯條嘅份量少,食落,滿口都係菠菜味,闊條麵口感啱啱好.味道: 3分3. $58.00嘅豆腐芝士蛋糕落完單,店員問即上定後上?我答後上.呢個size正常,豆腐味好清淡,絕對要好細心至食得出,而佢又唔太甜,ok嘅.味道: 3分 6. 凍伯爵茶由於我哋覺得兩杯飲品唔多夠,而

呢排食左好多肉...想食下齋平衡一下身心...睇住個location充滿疑惑既我地，都係跟住google map黎黎到先知原來係打卡熱點...好彩呢日lunch時間唔多人，無等就坐底左佢鋪面感覺唔細但正中間棵樹好鬼大，坐位編排又有d怪......入正題 我地先叫左個忌廉波菜闊條麵同芫茜意大利飯...兩樣都好綠，好特別~~芫茜意大利飯真係食得芫茜先好叫!! 質感好creamy，味道岩岩好，但好主要係飯...配料少得可憐.....睇圖都知一塊蓮藕兩粒粟米心....波菜闊條麵其實都係差唔多，除左麵有落到三色椒，闊條麵硬度適中幾清新~雖然佢聲稱份量較大，但唔知係咪我地太肚餓，唔夠飽咁...再叫左個甜品 - 豆腐芝士蛋糕同小食 - 香芋蕃薯波波~比較下，個人中意波波多過蛋糕，波波熱辣辣、好脆口，唔會好甜你睇我食左大半先記我影就知 而豆腐芝士蛋糕唔知點咁，又唔豆腐又唔芝士~個人幾欣賞佢隨餐奉送既玄米茶，好多玄米好香!!!

門面超靚嘅餐廳😻本身以為淨係得coffee，睇到有野食，就入左去幫襯😋問店員有咩推介，佢非常有禮，形容呢個價錢都係大份量的，如果唔係好肚餓就可以揀其他小食🤣但我係屬於好肚餓嘅🤣所以就叫左個impossible burger用左純素芝士，完全食唔出係同普通burger有咩分別😍如果我係素食者一定好開心～ 番薯條好香甜，不油膩，點住個茄汁食一流👍🏻黃薑燕麥奶，用左本地黃薑粉，我都係諗住嘗下鮮，發現唔識欣賞，記得記得要趁熱飲，如果唔係去到後面會苦！自家製豆腐芝士蛋糕，可以後上，賣相同味道都咁得😍中間軟林林但不稀稠，淡淡濃郁豆腐，忍不住一直叫好😋

@kan.teen有驚喜的素食店 仲估唔到幾重口味😇打破對食素有既定印象啦🌱我覺得依家素食逐漸發展得多元化🌳希望之後食素成為大趨勢啦🌎荃灣嘅素年係粉紅色主題💗靚靚💗.👅日式咖喱吉列豬扒意大利飯 $108運用新豬肉整吉列豬扒✨ 「肉質」的確冇豬肉咁實淨 係偏腍個種我係幾鐘意植物肉嘅質地嘅🪴😇～呢個炸衣又薄又脆 覺得完美還原了🍛咖喱味risotto岀色 好creamy好濃飯粒有煙韌感 每粒都沾滿咖哩 邪惡到🔥.👅泰式香辣不可能肉碎意粉 $88不可能牛肉碎🥒辣辣地好惹味🌶不過我覺得個意粉本人🍝冇咩味呢個較為遜色.👅黑松露純素芝士蕃薯條 $68必定會再食素年 為左呢個蕃薯條🍟！係我食過最好食～真係 齒頰留蕃薯香🥰一黎到熱辣辣 忍唔住食咗幾條先影相😜脆到呢🥺而且好甜 啲蕃薯一定好甜🍠加上黑松露醬嘅點綴 無懈可擊💥請大家！一定要單叫呢個❤️❣️其實好大碟 但好食到我哋食晒🤪.👅豆腐芝士蛋糕 $58素蛋糕太正了😭好愛豆腐味🍰豆腐味超濃 質地方面似雪糕🍦係無芝士蛋糕個黎好heavy嘅感覺但都好綿滑 又唔會好甜☁️讚！.👅青檸接骨木花梳打 跟餐+ $24又係汽水🍹好耶😆我鍾意汽水啊仲要係有花味嘅汽水😚🌸🌼.👅

與友人難得平日下午有空檔便尋找食店一齊tea一tea記得荃灣這間素食店是我之前週末想排隊食卻排唔到今日再來試下此店隱藏在大街小巷之中要先找到眾安街行到甜品店與涼茶藥材舖附近便會見到三陂坊的指示牌之後走進這小巷裡彷彿穿越結界走入香港的另類空間其實香港真係一個多元的美食天堂 想食咩都隨街可以找到 想試美食當然亦要下一番功夫尋找一個轉角便看到在眾多午場休息的黑漆漆火鍋店之中有這間白雪清新的店 叫friends 亦即係素年的第三間分店 friends are u alright? Wish u all the best!就是這店給我的第一感覺沒有旅行的日子超過一年了這店卻讓我再有旅行中的慢活感原來只開1130-2030 大家要留意時間來平日下午真係少人啲可以直入看到香港蘿蔔的單張我一定會再來這些支持本地農夫的小店嘗嘗鮮甜蘿蔔的味道菜單也有不同選擇我和友人都食過午飯再出來聚一聚所以只叫了一些飲品小食這杯奇異果羽衣甘藍富士蘋果燕麥奶真係好好飲 清新的味道 沒有苦澀或過酸 另外墨西哥脆片配辣沙沙醬都好夠份量果個脆片係紫色 可能係紫薯製作的配上新鮮蕃茄粒和辣醬 好滋味好夠辣份量太多 我哋食唔晒仲要打包

素年今年終於喺荃灣進駐左，而我住喺呢一區當然要過嚟試一試啦！而佢選擇嘅地址都幾隱蔽，不過一見到佢嘅門面，相比隔離嗰幾間舖頭就非常突出，佢以全白色嘅門面同簡約嘅設計為主！客人可以選擇坐喺室外或者室內，但外邊嘅位置只有幾個，應該比較適合淨係過嚟飲嘢嘅人。相比起深水埗果兩間分店，荃灣相對性比較少人，對我來講係一件好事！而且座位都算多。而我今次就過嚟試一試佢啲嘢飲同埋一啲小食。首先叫左兩杯凍飲，一杯係凍朱古力，另一杯係焙茶，嘢飲都係主要用燕麥奶！朱古力味都好濃郁，唔會話好甜👍🏻另外，佢嘅焙茶都好好飲，只可惜茶味唔算好濃郁，相對燕麥奶味會比較重。另外，我亦都點左佢哋嘅番薯條，如果你哋有嗌漢堡包嘅話，就應該配埋呢一個薯條。我個人非常之鍾意呢一個番薯條，番薯味好濃郁，而且炸得非常之香脆，另外配合埋佢哋嘅黑松露蛋黃醬，簡直係一絕！！甜品方面，就是試左佢哋豆腐芝士蛋糕，豆腐味都好重，個餅底都係用咗燕麥去整，而佢哋嘅cream亦都唔係用牛奶，都係用咗燕麥奶去整成！完全符合左佢哋餐廳嘅主題，個蛋糕都值得一試！