興記菜館

营业中

休息中

突然好想食大排檔🤩，諗咗好耐究竟去邊度好呢🤔？ 最後決定到興記菜館，位於油麻地廟街12, 14, 15, 17, 19號地舖。 一次過點了我喜歡的小炒🤟🏻， 椒鹽九肚魚、椒鹽焗鮮魷、椒鹽瀨尿蝦、 通菜煲、鴨血煲、三色椒炒豬大腸、豉椒炒蜆、中式牛柳、薑蔥焗蠔和田雞煲仔飯。 個人感覺特別喜歡港式風味， 今次多款小菜裏面我推介🥢椒鹽九肚魚，外脆內軟， 蘸上喼汁，食到停唔到口。 🥢薑蔥焗蠔都相當肥美，口感厚肉飽滿。🥢三色椒炒豬大腸做得幾惹味， 適合重口味人士。(沒有提及的菜式都係味道正常，但不算出色。) 整體份量偏小🤏🏻， 幸好我們四個人食，所以都算足夠，如果人多每一款都要叫兩碟了。🏷️溫馨提示～ 整個用餐體驗均屬個人分享意見， 只作參考😊。

。。。章魚雞粒煲仔飯。。。熱辣辣，章魚超惹味，雞粒唔會太多肥雞皮，飯粒粒分明，少少飯焦，剛剛好。。。。鹹魚滑雞煲仔飯。。。鹹魚好香，非常好送飯。滑雞無雪氣味，而且唔會好肥膩，啖啖肉。。。。豉椒炒蜆。。。太約有七，八隻炒唔熟，食唔到。不過豉椒好濃味，蜆肉無沙，整體來講都唔錯 。

天氣開始凍，又到左食煲仔飯既時候一講到食煲仔飯，朋友就即刻推薦我去食興記，我地8點左右去到，唔洗等位就有得入座我地一打開餐牌，見到超多款式既煲仔飯，有選擇困難症既我決定睇下邊啲菜式有就嗌個樣啦！😆最後我地2個人嗌左章魚雞粒煲仔飯、豉椒炒蜆、椒鹽焗鮮魷、啫啫通菜4個餸😋😋🦑🐙章魚雞粒煲仔飯我地一打開蓋，氣味撲出嚟，見到已經流晒口水！再加上豉油，配飯好惹味！雞既肉質好滑，飯夠乾身，有飯香，同朋友爭住食🤤食到最尾都有飯焦，但就比較痴底🌶豉椒炒蜆上枱個陣覺得份量都好多，不過食落都有啲係冇肉，味道整體都唔錯，夠香，餸飯嫁話冇得彈😋💛椒鹽焗鮮魷鮮魷香脆可口，食落唔會太外皮唔會太粉既感覺，如果飲酒嫁就嫁不妨嗌依個餸🍻😋😋啫啫通菜鍾意食菜既我，一定要嗌返碟菜！而依鍋菜的確冇令我失望，真係又香又熱又好食！😆👍🏻

有時候好想食吓麻甩嘅海鮮難得有人肯同我一齊去廟街食海鮮 我哋就揀咗興記 當晚十分滿座 等左10分鐘不到就有得坐 但就要搭枱我哋兩個人就叫左一個煲仔飯再加三個小菜1. 豉汁炒蜆 ($65)份量都OK 豉汁好入味 好少話有殻冇肉都冇乜沙 對於好鍾意食炒蜆嘅我 味道OK2. 煎蠔餅 ($40)我哋叫咗細size嘅煎蠔餅 細份兩個人食都啱啱好 有好多蠔肉 熱辣辣 加上胡椒粉真係好好味3. 椒鹽白飯魚 ($65)我哋都好鍾意食椒鹽白飯魚 份量好大碟 炸粉唔會太厚 可惜店舖冇淮鹽供應4. 章魚肉粒煲仔飯 ($51)建議大家叫煲仔飯要盡早叫 可能因為當晚煲仔飯的order太多 等了差不多45分鐘才有得吃 但煲仔飯本身的味道幾好 很多章魚粒 食煲仔飯當然要食埋飯焦 但興記座位之間相隔太迫有很多親密的身體接觸 所以有人肯陪你食馬甩餐先好去除咗等候煲仔飯的時間太久之外 整體嘅感覺都算良好平均每人消費$100左右

在廟街，有兩間吃煲仔飯的食店頗為出名，一是興記，二是四季。大約七時許，四季店外已大排長龍，最後選定人龍短一點而分舖多一點的興記晚膳。一客香煎蠔餅，都不算太油膩，蛋餅香脆，蠔肉美味，都幾好食，只是蠔仔數量稍嫌少了一點。豉椒炒蜆蜆肉很大隻，不過味道偏淡，口感略韌。蒜蓉蒸聖子，用料質素同樣平平，味道主要來自香口的蒜蓉。主打的煲仔飯有三個，分別是滑雞臘腸飯、鱆魚雞粒飯及白鱔飯。先談配料，滑雞確是幾滑，相較之下，雞粒顯然較韌較失色。臘腸肥肉比例相信較多，所以頗腍身及肥美。白鱔切得薄薄，魚味突出，都唔錯噃。再談煲仔飯身，用炭爐煮成，風味當然濃一些，飯粒煮得乾身得來又唔硬，煲邊黏着少許飯焦，既香口又有口感。不過，未知各配料是否後期才加上飯面，香氣油份未有滲入飯身，稍嫌可惜。菜蔬選了雜菜煲及炒通菜。雜菜煲都算幾大煲，雜菜亦煮得幾腍。炒通菜味雖濃，但質感比較老身，還是雜菜煲好吃一點。

上次0黎食已經係一年之前0既事,一時癮起, 好想食蠔餅~~~0黎到0個陣6:30 度,一入到去就有位la~~同個friend 叫0左3樣0野,蠔餅, 免治牛肉煲仔飯(加蛋), 仲有個豉椒炒蜆~~~最先上0既係蠔餅, 我0地叫0既已經係細0既蠔餅,但其實都可以分到一人一塊,未食, 就咁用筷子一夾都聽到佢好脆,絕對唔會做到好似某間台式餐廳0既0個種林bat bat 0既感覺雖然係好油, 不過都預0左ga la~~^^加上好多0既蔥花,可以用香脆可口0黎形容ar~~~不過個人比較鍾意濃味少少, 如果加返少少豉油就好食0的~~~之後又等0左成2個字, 個煲仔飯先到新鮮滾熱辣, 即刻落隻蛋,正!!!!飯焦比起預期中0既少, 抵讚~~~兩個人一人都分0左兩碗(雖然佢0的碗好細下~~~)份量都ok ar~~~(haha~~~不過我見隔離檯係一人一煲^^)真係好好食呢~~~0係等呢個豉椒炒蜆0既時間裡面,我將一支大可樂飲剩4份1.....唔知佢係咪漏0左單, 由落單到豉椒炒蜆上檯, 足足一個鐘, 真係等到有0的嬲,不過都明白0既, 咁多人不停叫0野,仲要係有成3間舖, 點會唔漏ar~~~不過要催成4次