九記海鮮小廚

营业中

休息中

慶祝老爸牛一🎂新搬嚟土瓜灣區，唔熟地方🤔咪上open rice🧐揾推介夠鑊氣嘅地道小炒飯店，見到之前食評客人介紹及供應嘅食物圖片，非常吸引😍 膽粗粗🎉就拉大隊嚟試，一行12人有老有嫩🧓👶🏻 店舖不是奢華豪裝，係地道飯店風格 🏠但店舖老闆及侍應🫶全部都熱情款待及有禮貌, 全晚招呼好好👍傍晚6點開始嘅晚市🍻好快就座無虛席😳！大餐點唑： 椒鹽🐋九肚魚/椒鹽🦑鮮魷 /生炸🐷大腸/ 菠蘿🍍生炒骨/ 薑蔥🐟鯇魚腩煲/ 金菇沙爹肥牛煲🍲/ 蒜蓉炒🌱豆苗/下單時老闆介紹叫唑📣📣重頭氣嚟啦💥 豉汁蒸肥鱔/ 豉汁炒蟶子/ 豉油王乾煎🦐大蝦碌🤤🤤🤤 所有炸物冇得輸🤩勝過好多名牌飯店, 食材全部好新鮮🌱份量夠大😋絕不欺場😎( 我有去開容龍酒家,三聖海鮮,流浮山海鮮食飯㗎, 呢間啲鑊氣及炸物 真係非常出色✅️✅️ 絕不遜色🤟)一家人食得🥳開心又滿足💖💖 令我忍唔住要係度寫食評📝推介比大家知😁😁最重點係食完 之後完全🙅‍♂️🙅‍♀️冇頸渴嘅感覺, 因為有陣時食完啲濃味嘅煎炸及小炒, 會好頸渴, 但呢度完全冇,真係要比💯個Like佢😂😂😂良💜小店🤝真材實料🤜🤛性價比超高🍺←

昨天晚上去了一間從親戚朋友面書見到的一間在土瓜灣的大排檔食肆，九記海鮮小廚，論人氣，雖然不及同區相距8分鐘路程楚撚記，起碼唔使排隊。講吓食咩先⋯⋯豉油皇煎煆(必食、夠大隻、份量夠、每人3-4隻)，豉汁蒸鱔(夠入味，不過我自己覺得鹹咗少少)，椒鹽雙拼(九肚魚拼鮮魷)( －個字，正，外脆內鬆)，豉椒炒潮州蟶子，酥炸鯪魚球，加多個京都骨蒜蓉蒸絲瓜，另外，見到隔離枱蒜茸蒸扇貝都好大隻，整體來講，炸物較為出色，碟頭份量夠大，埋單每人唔使$250，大家不妨一試。

今晚同屋企人出街食，始終長輩都係喜受食中菜，所以又黎左我地既飯堂食飯。其實平時屋企唔煮飯就會黎依度食晚飯，主要叫小菜食飯，簡直係我地既飯堂 一般都要等一陣位, 因為實在太爆場, 老闆都好友善叫我地等等。終於等左5分鐘可以入座啦, 我地叫左四個小菜同四個白飯, 如果唔想食飯, 都可以叫白粥架!蒜蓉粉絲蒸扇貝: 扇貝大隻到同手掌有得揮, 超多蒜蓉同粉絲撈埋白飯食一流椒鹽鮮魷: 炸得岩岩好, 皮薄唔多粉, 鮮魷一咬就分開, 係依度既皇牌蒜蓉炒豆苖: 炒得好入味又多汁同份量好大碟豉汁蒸鱔: 豉汁多到可以撈飯食, 有少許陳皮碎, 鱔蒸得岩岩好, 肉質鮮嫩。依度除左哩幾款之外, 蒜蓉粉絲蒸開邊蝦同咸旦蒸肉餅都係我既至愛。 此外, 老闆都會依客人人數去預大中細既份量比客人自己選擇想要叫幾多份量。 所以想食多幾款餸, 可以叫細碟D, 因為細碟份量我都覺得已夠四個人食, 我叫左四個餸, 每人埋單都唔洗過百, 真係平靚正。

友人奇雲高達兄相約陵兄在土瓜灣交收,順便叫小弟一起晚飯.三個人在美景街的"九記"開餐.在土瓜灣吃鑊氣小炒,數到七喜,九龍居,新三興等等,但在偉恆昌近海邊的一帶,又只得九記,難怪平日晚上,也一樣爆場.先喝著冰凍青島再點菜,先來個豉汁蒸鱔,豉汁濃惹,但安於本份,不會搶去白鱔的鮮味.而白鱔經過豉汁提點之後,鮮味更出.接著的薑荵爆田雞,上桌時仍"沙沙聲",熱氣逼人.薑荵的辛辣,有助僻去田雞的腥味,兼令到田雞肉更加惹味.不知是否如前文鴨記祥興的即殺,但這煲田雞,肉質又嫩兼帶爽.來吃小炒,一定要些椒鹽菜式,九肚拼鮮魷,同上次外賣的經驗一樣,外層不厚,口感鬆花.九肚嬌嫩鮮魷爽口,佐酒佳品.這夜有聖子,理所當然要個豉椒炒聖子,聖子不是King size,只能用豉椒炒,聖子肉質漲卜,吃落爽甜,而個豉汁就極為惹味.最後才加的鯪魚球,再來白飯,用鯪魚球點送飯?當然是用跟上的蜆介醬,都說這個蜆介醬並不是人人受到,其味如嘔吐物的味道,個性極強烈,愛它就會愛到死,不好此味者就極為抗拒,沒有中間位.我們三個也是吃得之人,用來撈飯吃,簡直吃到不知其味.