玉子造屋 (已結業)

究竟有鷄先定有蛋先? 呢個問題相信唔知幾時先有真正答案!  但我今晚就肯定係呢度開餐之前食過佢嘅洋食之選 - 忌廉菠菜三文魚，令人耐唔耐就想食多次!今晚見到佢門口有新餐牌，多左火鍋同丼既然有新餐牌，當然想試新野啦，一於黎個丼丼餐，今晚係牛豚大比拼!首先出場有呢客特盛牛扒丼 ($108)，擺盤靚仔，一片片牛扒舖滿碗面，側邊以溫室菜苗圍邊，畫面上令人聯上到牛同青草，好新鮮呢.......!!牛扒燒至外香內仍然保持嫩紅色，肉質相當鬆軟，一咬就食到，相當滋味!飯粒加入飯素，就咁單食都OK，軟硬度適中，用筷子都可以夾到黎食!中間有隻鮮鷄蛋，可以撈均飯粒一齊食，蛋汁增加左飯粒及牛扒嘅香滑度，呢隻蛋加得好呀!另一客為豚肉生薑燒丼 ($75)，亦係豚肉舖滿飯面，中間有隻鮮蛋，再灑上少少蔥粒!豚肉片類似煙肉般肥瘦度，唔想食咁多肥肉部份都可以輕易分開，加入薑汁調味，減低膩感，唯薑汁味唔算太出，濃味些少會仲惹味!都係同一個飯底，加入飯素好惹胃口混入蛋汁就更易入口，就算飯嘅份量都唔少，要清晒成碗都無難度!粟米天婦羅唔係好多地方食到，呢到就有岩鹽粟米天婦羅 ($45)，一客兩球，炸至微金黃色!入口熱辣辣又唔係好

將軍澳中心翻新之後開左好多間新食店, 其中呢間玉子造屋係我同老婆去得最多嘅一間, 玉子造屋係一間以蛋為主題嘅中日Fusion餐廳, 好啱我地鍾意食日本野又鍾意食靚蛋嘅人。😋餐廳位於將軍澳中心地下, 裝修以木色同米白色為主, 簡約而富有格調。我地今晚收工未夠7點就到餐廳, 人未開始多。餐廳最近推出左全新嘅玉子丼飯, 共有8款, 由$68起, 價錢非常吸引, 我地點左兩個丼, 加左碟炒菜, 另外當然唔少得老婆最愛嘅Pancake啦。😁鵝肝牛扒丼 $118呢款鵝肝牛扒丼$118價錢雖然平, 不過用料絕不將貨就價, 鵝肝大大片又厚身, 兩面都煎至焦香, 油香豐腴, 味道濃郁, 牛扒約5成熟, 肉質細嫩, 配上餐廳招牌玉子同燒蘋果, 非常豐盛。😍豚肉生薑燒丼 $75老婆呢碗豚肉丼好多豚肉, 豚肉肥瘦有致富有肉汁, 配上洋蔥再混入招牌玉子, 非常惹味。👍轉定食 +$25丼飯加$25轉定食包括有赤味噌湯, 沙律同飲品, 價錢合理。炒野菜 $45老婆另點嘅炒野菜種類都好多, 味道爽甜唔油膩, 份量都唔少。😙原味班戟(楓樹糖漿, 鮮忌廉) $45去玉子造屋食飯我地每次都會點呢款班戟, 蛋味比其他餐廳嘅濃