為食火鍋公司

营业中

休息中

有留意開我ig都應該發現我超級鍾意去食放題/任食火鍋。前排仲發現左呢間可以慢慢食，唔限時嘅豐富火鍋放題！❣️無限時之餘，有成5round 豐盛野食（小食、刺身、雞煲、海鮮盤、豪食牛肉盤），超高cp值❣️任食火鍋配料都好有水準，超級🈵️足❣️一睇就知店長係愛🐶之人，店內好多🐶🐶佈置，仲有愛護🐶message1️⃣round 1:餐前小食（任食）- 主要都係小食，有蟹籽沙律、炸雞、薯條、炸大腸、雞腳等，輕食就可以～- 個人幾鍾意炸大腸，外層好脆，入面有咬口。鮑汁雞腳都入味，煮到好軟淋✨燉湯- 仲有真材實料燉湯，用雞同豬肉煲，好滋潤2️⃣round 2:五點刺身盛盒（一次）- 雖然係專做火鍋，但刺身出乎意料地都有水準。帶子厚切幾鮮甜，三文魚厚切肥美，刺身蝦肥美、彈口得來幾甜3️⃣round 3:雞煲/酸菜魚🐔雞煲- 好少放題食到出色雞煲，雞肉滑身，肉質幾甜而且唔會乾，連雞胸都嫩滑。- 炒上蒜頭、洋蔥，蒜頭更加係淋香惹味，配上微微麻辣，味道唔錯4️⃣豪食牛肉拼盤🐮（一次）- 勁多高質牛肉，有潮汕五花趾、吊龍伴、手切牛頸脊、黃喉、澳洲封門柳熊本雪花一口牛、SRF和牛肩胛肉眼芯、SRF和牛三角肉，全部紋理分明，油脂同肉比

呢間哥基主題嘅「為食火鍋公司」位於牛頭角，以哥基狗為主題嘅餐廳，裝修好可愛，好似哥基嘅屋企一樣！仲有包廂座位，適合同朋友坐得舒舒服服聚餐。佢哋嘅酸菜魚/雞煲+火鍋套餐真係包羅萬有！非酒精類飲品可以任飲。當點餐之後，店員會送上時令燉湯，今日我就飲咗「蟲草杞子雞湯」，好窩心又滋補。六款餐前小食係無限添加，我唔敢點太多，只係點咗：唐揚脆炸雞、蟹籽沙律同埋甜蕃薯條，因為太多好嘢食，要留肚🤭 新鮮刺身擺盤有驚喜，五款刺身放喺碎冰上面，可保持低溫之餘亦相當精緻。魚生片新鮮彈牙，北寄貝爽口鮮甜，大蝦晶瑩剔透，令人食指大動。我期待嘅雞煲都可以任添，辣度又可以自定，由完全唔辣到大辣都ok。餐廳用咗三黃雞，加入超過20種香料混合而成嘅醬汁，味道好惹味。食完雞煲之後就到打邊爐🍲有四款湯底選擇。我揀咗清清地嘅「櫻桃鮮茄薯仔」嚟試真食材嘅原味道。隨即送上嘅海鮮拼盤有七款，有蟶子、鮑魚、大蝦、蜆、脆肉鯇同埋龍躉片。蟶子質感好嫩滑，肉質鮮甜。鮑魚肉厚味美，有微微彈牙。大蝦有蝦膏，令鮮味更加濃郁。蜆肉質爽滑，無沙。脆肉鯇魚鮮甜又有爽脆嘅口感。龍躉片Q彈有嚼勁，鮮味十足。豐富嘅材料有豈只有海鮮呢？！套餐包括嘅「豪食牛肉

💛🤎🧡隱世無限時任食火鍋🍲(勁多選擇之前食火鍋放題有個唔好嘅經歷…就係餐廳火力細、漏單、岀餐慢😑都未到齊啲嘢就last order，所以都有一排冇食火鍋放題啦🤥前排意外發現依間無限時任食火鍋店，地址都幾隱世，穩陣起見都訂咗枱先😤入到餐廳先發現原來依度比想像中大，火鍋配料同飲品選擇都多😛睇嚟可以慢慢食啦！❣️豪食套餐❣️ $338/位套餐入面有4 Round 嘢食，食完一輪可以追加或者食下一輪😝🧡Round 1 餐前小食🧡 任食一坐低就可以order啦，食完再order幾多都得😆店員都好客氣嘅！炸瘋薯條🍟-有啲似啤酒薯條咁，酥脆好味唐揚脆炸雞🍗-炸雞無骨又啖啖肉蟹籽沙律🥗-沙律清新開胃👑酸甜炸大腸🐽-必食炸大腸，香脆過癮👑鮑汁雞腳🐥-軟腍入味，大大隻好滋味💛Round 2 前菜💛 一次性五點刺身盛合🍣-刺身好新鮮，當中最正就係三文魚，色澤鮮艷花紋分明😋💚Round 3 頭盤💚 一次性/任食酸菜魚就一次性嘅🐟雞煲就任食嘅🐥睇你哋當日想食魚定係雞啦！為食酸菜魚🐟-酸味同辣味都比較溫和易入口，魚肉嫩滑又冇骨 肉質新鮮，底部仲有薯粉🤭煙煙韌韌入味好過癮！💜Round 4 火鍋盛宴💜湯底揀咗高湯牛尾，

公司附近原來有間無限時打邊爐(ᯅ̈ )放工就約左frd去大吃一頓～分別有為食套餐$278 & 豪食套餐$358可揀!環境舒適寬敞 以店家的愛犬🐶哥基作主題 好可愛🥰食材都新鮮質素頗不錯 服務態度都好好雞煲都好惹味涮咀 基本上吃完雞煲我已經飽左大半😶所以無限時真是好讚! 可以閒聊著慢慢吃.▫豪食套餐 $358+1♪ 奉送時令燉湯 (要提早一天訂位先有!!)燉湯完全不馬虎 落足湯料去烹煮 當天是蟲草花燉雞湯 味道好香濃滋補 好值得飲🤤♪ round 1 : 餐前小食 可refill有炸瘋薯條🍟炸雞(炸衣剛好.香脆).蟹籽沙律.鮑汁雞腳(入味滑嫩).炸大腸(有酸甜醬好爽脆) ♪ round 2 : 五點刺身盛合帶子.牡丹蝦.三文魚.北寄貝.油甘魚 刺身們都肥美新鮮😚♪ round 3 : 頭盤二揀一 (酸菜魚/寵寵雞煲)酸菜魚是一次性供應 雞煲就可以任食🤗一場黎到梗係要試下招牌雞煲店員仲會好貼心幫你翻炒ჱ̒ ｰ̀֊ｰ́ )落左好多香料和醬汁調味 點左bb辣都好夠味!雞件啖啖肉索晒啲汁好惹味香口🤤食到一半可以落埋豬皮.牛柏葉.魷魚落去炒 收晒汁好入味好正desu～～～♪ round 4 : 火鍋盛宴

開返四人犯罪之後，例牌一定係報復性飯局，隔左半年藏友月聚終於又可以恢復喇~!!為食火鍋公司上年新開時已經食過一次，質素幾高，仲要無限時又坐得舒服，所以今次又再黎。座位非常闊落，店面整潔乾爽。飲品、醬料同蔬菜都可以喺自助區拎，其他任食火鍋料可以用QR code落單。野飲選擇未算好多，不過涼茶汽水都有。任食打邊爐分左$268/位同$338/位兩個價錢，後者最大分別係多左一次性嘅燉湯同任食滑類，另外一次性嘅海鮮拼盤同牛肉拼盤款式亦更多，所以我地就揀左$338嘅豪食套餐。蟲草花燉雞湯 - 燉湯係一次性同要預早一日預訂，燉湯好清冇乜油，燉得好入味，飲得出冇味精。小食 - 任食小食有六款揀，但留意因為出餐係要跟住餐牌個次序，所以如果下一道菜即係刺身上左枱，就唔可以再叫小食，因此可以先叫左小食先，食過邊款想再encore就要落左單先再叫佢起刺身。小食我最鍾意炸瘋薯條同酸甜炸大腸，薯條脆得黎幾有咬口，炸大腸唔會太韌，表皮仲脆脆地幾好食。五點刺身盛盒 - 刺身係一次性，有油甘魚、北寄貝、蝦、帆立貝同三文魚，刺質都唔差，比一般放題場嘅任食刺身質素高啲。寵寵雞煲 - 食完刺身可以揀食雞煲或者酸菜魚，前者係任

友人去觀塘跳舞，話約埋我，之後再食埋晚飯，仲話今年都未開爐，是時候啦!唔……跳舞就……唔好預我，去打邊爐就好樂意，真係成日掛住食。她揀了一個新店，門面光鮮，大型的玻璃窗，可清楚看到內裏的環境。內裏光猛新淨，長方形格局，地方都幾大，靠牆設有一排排舒適的沙發座，還有幾張闊落的卡座和多張二至四人枱，可容納不少客人，亦坐得挺舒適。最吸引我是牆上的竉物牆紙，好可愛呀! 仲提醒大家要好好愛惜和愛護牠們，難道店主是愛竉物之人? 看看貼在門口的餐牌，冇限時火鍋!! 正!! 咁就唔駛擔心究竟食嘢好?還是傾計好? 有兩個套餐供應，分別是為食套餐(成人$268)和豪食套餐(成人$338)，如果再想追加牛肉或刺身，就可以特惠添加。既然難得一聚，一於食好啲，就揀後者。豪食套餐(成人$338+10%)非常豐富，有任點小食六款、前菜五點刺身盛合、時令燉湯、二選一頭盤、火鍋盛宴、是日6-8款豪食海鮮拼盤、8款豪食牛肉拼盤、我不是配角、田園自助吧和任飲非酒精飲品。有一個小規則，就是要按次序點菜，唔可以點返轉頭呀!在未下單前， 先走去大雪櫃取飲品， 有各式汽水、韓式飲品、凍茶、涼茶等等，取了一支酸酸甜甜的山楂蘋果美顏茶，