群記牛肉圓豬手

营业中

休息中

由於我係一個獨來獨往,唔需要朋友的人,所以成日都可行到邊試到邊,都唔知算是好事定壞事來...本來呢間食想寫好耐,但等了又等都帶唔到人來食,應該都唔知要等到幾時,所以自己寫左佢...話說呢到日日爆滿,買晒就收檔,今日來到,都係爆滿,好在一個人易攝位,呢到好簡單,冇咩裝飾,姐姐見我坐下,就問係唔係食豬手,應該個個都呢味,要了個豬手河加個可樂,豬手不似我們平時叫開的南乳豬手或花生豬手,而是白色的炆豬手,份量好多,好多肉,口感不是淋,是爽口彈牙的,同我估計的有出入,但幾好味,也不肥膩,配埋佢地的辣汁一流,總結服務就無咩,要好努力找位,味道就唔錯,相信喜愛爽口豬手必定會鐘意,其實還有其他特色食物想試,如牛似卷,希望有機會帶到人先再來試..

難得一日假期，便和辣椒女到粉嶺試試這間出色的豬手。(很久前已聽說，可惜太遠，一直沒有時間一試。)本來打算坐小巴到聯和墟，但剛好滿坐，又不想行或等，最後決定坐的士去，一上車告知地點後，的士司機就像導遊一樣，不停說那一種好味，那一種不用叫，快肥就不要叫豬手，湯就味精太重不要喝....等等；實在想不到，短短的路程，便得到唔少的資料，可知這食堂真的幾出色。我們叫了一碗大的豬手河和一碗細的豬手麵。豬手河 - 豬手明顯皮爽肉鮮、不用怎樣加鹽加醋、已經很出色，實在值得一試；河粉是幼身的、都算幾滑口、但味道只是一般、。豬手麵 - 原本是叫大碗的，但伙記可能聽錯，來了一碗細的，無所謂就照食可也，麵明顯很大鹹水味，雖然都算幾彈牙，但鹹水味太濃，實在沒有什麼興趣，心想好在來錯一碗細的，下次還是叫一碗淨豬手好過。辣椒油，幾香幾好味，每人一小碟，可另加添。有時間，還會再來食，但只會叫淨豬手一碗。

六月未到,悶熱的風已迎面而來,如果還去一些沒有冷氣的食店,可話是"囉苦黎辛".粉嶺豬手名店群記,就是其中一間沒有冷氣的食店.只得天花上的風扇,傳來微弱的涼風.又熱又濕的天氣下,坐在群記.實在有點自虐狂.但是,其豬手,又絕對有能力,令到大家吃到汗流夾背也在所不計.一坐下即奉上一小碟辣油.未吃豬手先細味一番,香味四溢,辣味不算太重.如果不吃辣的人遇上它,好應該破一破戒.說不定試過之後,會從此改變自身的飲食口味呢.對上一次來已是兩年多前的事,當時吃的是豬手撈麵,今次本來要豬手米.差不多下午四點才到,已經沒有米粉,就要個豬手河粉.放湯也一樣,豬手也是一樣.肥大肉厚,豬手皮爽口,充滿著膠質,皮下的豬手肉極為豐厚,入口質感鬆化.有別用柱侯南乳系,群記的豬手,才真真正正能吃到豬手的原味.正在啜豬手上的細骨,傳來店員大叫:{豬手賣晒!}.想吃,就不要太遲來,否則盞掃慶.出到門口,成身焗到黐立立,但心靈上的滿足,已足以抵銷一切.