炊豕店 (加路連山道) (已結業)

自從無係銅鑼灣返工，好耐無食過炊豕店今日專登排隊幫襯食物選擇同以前一樣， 樣樣都令你食指大動！豬扒仍然係好好味。肉燥好正宗，又淋又入味。個汁要黎撈飯足以令你淨撈白飯都清碗但個厚切餐肉蛋飯確認係好驚喜個餐肉唔係就咁煎，係撲粉後再煎炸。撲粉後嘅餐肉香脆，外脆內軟。仲要唔油膩。完全否定咗以往餐肉多油嘅印象隻蛋仲要生熟加燶邊，真係撈飯嘅最佳組合。絕對睇得出廚師嘅心思同用心。而家出街食蛋好少遇到如此有誠意嘅煎蛋。絕對值得再撐場

間店都幾多人排隊，而且入面都幾細下。有點兒迫😕。.我地坐咗之後，之後枱上有點餐紙，點完餐之後交比服務員，而上餐都幾送，等咗5-10分鐘。我地叫咗個秘製豬扒飯（肉燥汁）$54。另外加多咗一隻煎蛋，$7。共$61蚊。另一碗叫咗個秘製豬扒飯（咖哩汁）$58。另外加多咗炒滑蛋，$10。共＄68蚊。.首先，塊豬扒真係好大，好似手掌🖐️咁大塊。而且咬落去好多汁，好香脆。而且豬扒好少肥肉同少骨。肉燥飯啲汁都幾多，仲好有肉燥味，甜甜地。而隻煎蛋有流心，撈埋飯一齊食比較好食。仲試咗隻咖喱汁，內面仲有幾塊薯仔添。🥳滑蛋都幾滑，仲有蛋嘅香味！最緊要，佢嘅飯都好多。一碗已經好大，真係好飽。如果細食，可以揀少飯，減一蚊。💵

今日特登去銅鑼灣搵朋友食LUNCH, 自從炊豕店搬左舖後都冇食過, 於是今日就去回味下。12點45分既時候去到, 未有人排隊, 店員用唔好既語氣話要人齊先入得, 坦白講心裡一沉.....點解可以好地地講既一句說話要用D令人覺得嬲既語氣去講?好~一點朋友黎到, 開始有人排隊, 我坐係佢擺放於門前個張櫈店等, 點知佢話要企個邊排隊先得!個個時候我同朋友真係想問貴店門口張櫈擺係門口裝飾架???!排第一都唔坐得?!忍!! 有位入到去, 坐位比以前迫好多, 就拿拿聲ORDER。我要左秘制豬扒飯(肉燥汁)朋友要肉燥滷蛋飯食物黎到, 我見到我個塊豬扒真係好想快D走!!點解人地個D豬扒係有肉, 而我個塊豬扒全部都係透明既膏???????!朋友話算喇, 唔好食囉, 比左D肉燥我撈飯食。平心而論, 肉燥係幾好食既, 半肥瘦咁~ 但個塊豬扒根本連豬扒都不如, 好失望!綜合食物質素同服務質素都唔合格, 無下次。