富臨薈 (已結業)

每次黎呢度，都會有好多特別既野食富臨呢間打造年輕人客路，其實都做得幾出色！每次節日都有特別既菜色，好有創意！今次年初8黎，有好多好彩頭既餸菜。今次叫左呢個「撈起」！真係好有彩頭！同平時既「撈起」好唔同，呢個都係用菜/生果絲做，有蜜瓜絲、紅蘿蔔絲、青瓜絲等等，中間部分有一個煙三文魚花，其實食落都幾fresh! 但$288就唔係太抵！黎到呢度一定要幫襯食「紅燒乳鴿」！呢度既紅燒乳鴿真係好正!皮好脆，乳鴿好嫩，連骨都可以咬到！好正！好貼心地有膠手套同靚靚小桶裝骨！值得一讚！仲要提一提個豬油撈飯！超正！唔太油！而且飯用砵仔裝，特別好味！推介！必食！總括每碟食物都唔錯，炒土豆絲有少少辣椒，辣辣地點綴番脆脆地既土豆絲，幾惹味！但油油地！如果少一點油會比較好！櫻花蝦炒高麗菜 麻麻地， 唔知點解高麗菜係椰菜！ 雖然菜甜甜地，但太硬同都算太多油了！酸菜魚，好靚，有菊花瓣在上面點綴，好清新既感覺！酸菜魚味道還可，偏酸，但入面有薯粉同蒟蒻，唔錯！好地道感覺！魚好新鮮！酸菜好酸唔算好腍，未算煮左好耐！但都算ok! 糖醋排骨好似生炒骨！炸排骨，炸得外脆內軟！唔錯！有蜜桃一齊炒，吸左d糖醋味，蜜桃都好好味！整體呢

除左新式點心，呢度既豬油撈飯都好吸引！對新式點心有興趣既朋友可以搵返我上一篇文章🔹豬油撈飯 $18已經唔係好多地方有得食, 以我所知得返D元朗舊式茶樓同大榮華有得食。雖然都知唔健康, 但諗住又唔係成日食, 偶一為之, 少食多滋味！😈.豬油飯係乞衣砵上菜, 仲會附上頭抽。睇落去係咪好似普通白飯咁呢? 其實佢係整既時候已經拌入左豬油聞落去都有D油脂既香味.個飯細細砵, 2,3個人share, 唔會咁邪惡又可以嘗下鮮同埋唔知係咪錯覺呢, 撈左豬油好似飽肚D.如果我唔係減緊肥, 真係想食哂一碗!!D豬油索哂入D飯度, 唔會成口油, 亦無油膩感, 只係覺得好香, 加埋頭抽增加鮮味, 真係唔洗餸都食得哂成碗飯.未食過既朋友可以幻想下, 佢有少少似鳳爪蒸排骨下面既飯, D飯索哂D肉既精華, 就咁加豉油都食得哂.不過如果真係要比較, 都係覺得大榮華個個好食好多, 上菜時係比埋大大支豬油同頭抽你任落, 碗飯熱騰騰拌上豬油再加上頭抽, 粒粒飯都沾滿油花, 令立立咁, 真係諗到都流哂口水.呢碗雖不及記憶中的香氣四溢, 但不失為解相思(豬油撈飯)之苦既恩物.💡頭先特登打去問多次，原來如果客人另外要求，係可以另