小曼谷泰國美食站

营业中

休息中

同朋友慶祝生日，佢話想食泰國菜，於是揀左位於銅鑼灣 TOWER 535 嘅小曼谷泰國美食站。 七點鐘嚟到，餐廳已差不多滿坐。 豬肉碎生菜包 $118朋友想食生菜包，但又唔太食得辣，於是叫左少辣。生菜新鮮而且份量多，有成十幾塊。豬肉碎辣度剛好，好惹味。配上生菜，食極唔停。 泰式鹹肉炒椰菜苗 $128炒椰菜苗係我食泰國菜必點菜式。椰菜苗炒得爽脆，鹹肉脆邊，外脆內軟，唔會太鹹，而且份量都幾多。 泰式濕炒牛肉河 $118乾炒牛河食得多，濕炒真係未試過～ 朋友推介，一於試下。濕牛河真係好多汁，但廚師都炒得好夠鑊氣，牛肉好腍，再配上甘筍、芥蘭，好食～ 真係無介紹錯。 餐廳有 Live Music，有歌手駐唱 ~ 由 19：30 - 21：30 ，食住飯有歌聽，氣氛好正。

二訪小曼谷 意想不到呢度竟然有Music Live Show🎸我哋咁啱坐咗個靚位 可以望住個台食野美食配美聲🎶 人生一大享受也🤭******************************食物s:🍤泰式鮮蝦炒金邊粉 ($138) 金邊粉材料豐富 有大蝦、豆腐乾、蔥、蛋擠上新鮮青檸汁 再撈埋花生碎好香口 食落酸酸甜甜咁 🐷豬肉碎生菜包 ($118) 份量超級大碟 非常澎湃叫咗小辣 辣度較輕 下次可以挑戰返正常辣度呢度嘅豬肉肉質偏瘦 調味適中唔過咸配埋新鮮爽口生菜 食完都冇咩罪惡感🥬馬拉盞炒通菜 ($108) 又到每次食泰國菜必點嘅菜式❣️熱辣辣嘅通菜撈埋馬拉盞超級野味呀份量好多 鍾意重口味嘅人必點不過為食羊建議揀返少油 健康啲😜🧉珍多冰 ($45) 揀咗少甜 入口依然甜度十足 係解辣嘅首選飲落滿滿椰汁香味 仲有好多班蘭同水果絲可以咬下添******************************小結：今次人少少 冇辦法好似首訪時叫到成枱野食不過喺市區 可以搵到一間又平民又可以聽歌嘅餐廳 實屬難得餐廳食物份量都好大 真正嘅又平又抵食

今日約咗朋友嚟銅鑼灣食飯，喺Tower 575 地庫有好多野食，呢間有個特色火車頭嘅泰國菜餐廳好吸晴，裝修風格以型格黑色配上黃色鎢絲燈膽為主調，座位舒適。餐牌款式多元化，有泰式串燒、海鮮BBQ 、咖喱、沙律、小食炸物等等。每位都會附送一碗泰式酸辣湯，酸酸辣辣好開胃。泰式串燒：牛舌（4片）泰式串燒牛舌味道與口感同日式牛舌截然不同，質感軟熟，食落有鹹香，有啲似鹹牛肉嘅感覺，加咗黑椒更惹味。珍寶帶子沙嗲串燒：帶子鮮味，爽口彈牙，可以有兩種食法，第一種配埋車厘茄同沙嗲醬一齊食幾惹味；第二種就咁食，原汁原味可以食到帶子嘅鮮味。豬肉碎生菜包🥬辣度可自由選擇，呢個係小辣版本，豬肉碎嘅份量都幾多，吵到好香帶少少辣好惹味，用清甜爽脆嘅生菜包住食減少油膩感又開胃。泰式馬拉盞炒椰菜苗落單時可自行調節口味，可以少咸及少油更健康👍🏻 椰菜苗炒得好翠綠，味道甘甜爽脆，以馬拉盞方式炒非常惹味，好有鑊氣。椰青波波 🥥 其實係椰青起咗肉，好白好滑好cute，椰汁清甜，清新解膩。整體而言，食物質素不錯，份量充足；地點方面，環境舒適；服務態度良好。

終於都開放返堂食 所以即刻約朋友出去食野😆銅鑼灣嘅Tower 535 Basement 不嬲都有好幾間餐廳今次我地就食左小曼谷泰國美食站呢間泰國菜🇹🇭估唔到6點半都已經坐左一半人！睇黎都幾有人氣.🌟豬肉沙嗲串燒 ($24)🌟牛肉沙嗲串燒 ($24)想食到有炭燒味 肉質仲係腍嘅好味串燒真係好難🤔呢度就乎合我對完美串燒嘅要求！🤩豬肉同牛肉好厚肉 燒到好香 仲保持到夠腍點埋特製醬汁就更加美味😋.🌟豬肉碎生菜包 ($93)食泰國菜點少得生菜包！豬肉碎酸酸辣辣好醒胃 再用生菜包住 非常清新🥬分量亦都好多 肉碎多到唔夠生菜包🤣生菜包比較辣 食唔到辣嘅朋友記得點小辣🌶.🌟BTS 五星蒜香炸雞 （半隻）($128)炸雞有淡淡嘅蒜香味🧄 唔會搶晒雞嘅味道雞肉炸到非常香脆同嫩滑 唔會乾晒👍🏻配菜仲有蝦片同埋酸辣木瓜、紅蘿蔔食完炸雞再食佢就唔會咁油膩😄.🌟香芒蟹肉炒飯 ($101)因為驚唔夠飽所以就點左個清清地嘅炒飯炒飯用上香芒🥭同蟹肉🦀感覺好新穎 而且炒飯都好有鑊氣加左香芒落去令炒飯食落好清新唔會濟就算咁大碟我地都食得晒.餐廳用QR code 點單 夠晒衛生又唔使個個等menu 傳閱餐廳裝修都好特別 門口

之前見朋友嚟咗呢間餐廳食嘢，覺得個裝修好得意，係火車style，又係我鍾意食嘅泰菜，好似去咗泰國旅行咁！就決定嚟試吓喇～餐廳裝修都真係幾靚，仲有一個corner係for live band，不過我食嘅嗰日就冇show～食物選擇其實好多，不過我哋食嚟食去都係嗰幾樣嘢🤣又叫咗泰菜必叫嘅豬肉碎生菜包 ($92)😆呢個肉碎青檸味都幾重，同時亦都算係好惹味😚唔錯～另外亦叫咗個泰式生蝦刺身 ($128)🦐有六隻，隻隻都好新鮮，口感好膠🤣個泰式辣汁亦都好好食😆男朋友講明要食泰式鐵板蠔餅 ($138)🤣嚟到嘅時候嚇親，份量真係好大！蠔仔亦都唔少，啲蛋勁香脆，真係邪惡之最😆見佢仲有燒海鮮～叫咗牛油蒜蓉燒大蜆 ($122)😄蜆好新鮮，加埋啲蒜蓉好香，尤其是牛油味都係好出！上面仲有銀魚仔，增添咗啲口感😋嘢飲就叫咗椰青波波 ($53)～慳水慳力唔洗慢慢刮，啖啖肉勁滿足😚我自己本身食嘢都唔係太注重環境，但置身呢個火車設計嘅餐廳，又的確令人食得再享受啲😆

今日難得去銅鑼灣shopping, 一輪大出血後諗住搵一間舒服啲嘅餐廳食野，行行下見到呢間小曼谷泰國美食站，俾佢嘅火車頭吸引，走入去試吓啦！泰皇咖喱炒大蜆 $168一見到超吸睛！一黎好大碟，二黎d蜆真係好大隻！因為咁所以好大粒蜆肉，配上咖喱汁好好味！咖喱亦夠creamy, 有少少蛋花感覺好rich!❤️豬肉碎生菜包 $92可選唔辣、小辣同正常辣，而我哋就叫咗小辣。少少辣幾野味，豬肉碎亦用咗蒜頭洋蔥同唔同嘅香料炒，所以好香👍🏻而且亦有好多塊生菜，分量幾多。牛舌 $38燒牛舌肉質鬆軟，鹹度適中，亦有少少炭燒嘅香味，唔錯！雞軟骨沙嗲串燒 $24而雞軟骨串賣相唔錯，肉質一般，不過值得一讚嘅係沙嗲汁幾好味😋加番d分最後我哋嘅叫咗杯鹹檸七，酸酸美美好開胃😆總括來講餐廳位置旺中帶靜，佈置亦特別，幾適合傾偈！😊

小曼谷泰國美食站銅鑼灣謝斐道535號Tower 535地庫B02舖同朋友想搵間舒服嘅餐廳食下飯，所以今日就嚟咗小曼谷食泰國菜，呢間小曼谷同九龍城嗰間唔同，一入到門口就見到有好大嘅火車頭，可以俾人打卡影相我哋四個人叫咗幾款嘢share食，首先係菠蘿雞肉炒飯，有好香嘅薑黃味，飯粒炒得乾身唔油，菠蘿配埋肉鬆食鹹鹹酸酸好夾鐵板豬頸肉炒通菜豬頸肉份量比得唔孤寒，起碼有六至七嚿，鐵板熱辣辣上好夠熱，不過呢碟菜比較濃味，如果配埋白飯食就啱啱好啦風味燒豬頸肉豬頸肉多汁爽口，而且食得出加咗蜜糖炭烤過嚟，我哋最鍾意點個汁，甜酸得嚟又好香蒜味，同豬頸肉好夾小曼谷五星燒雞見到呢個係推介菜式之一，所以我哋都叫咗半隻試吓先，一嚟到嗰陣見到冒曬煙，就知道係即叫即燒，而雞肉燒得非常滑，雞胸都Juicy又啖啖肉，呢個真係必點菜式豬肉碎生菜包肉碎份量俾得多，味道同泰國食嘅一模一樣，好香青檸味得嚟又辣味十足，而且炒得香口，我哋都搶着嚟食，不過呢碟肉就比較辣啦，好彩我哋都食得辣姐泰王咖喱法包軟殼蟹朋友點左呢一個菜，我哋都覺得好好食，蟹分量多而且脆口，配埋咖喱一流，而且法包好脆身，一路沾咖哩汁一路傾，好快已經食晒添，我哋見到差

和朋友放工去完Sogo購物完，順路過來食泰菜，去到唔駛等位真開心。店內裝潢如置身小火車裡，美食放送到小曼谷。價錢經濟，食物有水準。泰式拼盤(小) $156四款小食每款四件，雞棗香口咬落滋味。蝦餅彈牙肉軟好味，魚餅鬆軟香草味，春卷大件餡料飽滿，有椰菜絲甘荀絲爽爽口感。冬蔭功湯 $138一窩分到四碗幾好，有小火熱住湯夠熱夠好味，湯味酸辣飲落醒胃，而且唔會好辣但又好刺激，大頭蝦肉質唔鬆散新鮮彈牙，湯料有秀珍菇夾到絕，如果可以俾多幾片就更滿足啦。豬肉碎生菜包 $928片生菜可包幾轉，肉碎份量多好夠食，酸酸辣辣肉碎夾雜紅蔥頭碎，用手拎住食好有風味。

小曼谷泰國美食站銅鑼灣謝斐道535號Tower 535地庫B02舖一直都有幫襯開係九龍城既小曼谷，食左好好幾年係長期fans, 知道佢地而家係港島區銅鑼灣都開左分店，當然一定要黎試下啦餐廳係商場既B1層，一落扶手電梯就見到，一入餐廳見到大大架火車頭係到，好興奮呀必定要打咭留念啦，好特式即刻令我唸起曼谷既鐵路夜市，好掛住最愛既泰國呀雖然而家疫情嚴重唔可以飛住，但起碼都黎嘆下正宗既泰國美食，頂下癮先啦呢到除左食之外，仲安排左駐場有人即席唱live, 真係好好feel, 香港已經好少餐廳有呢樣嘢，咁岩食食下隔離檯原來有人生日，最後大家仲一齊唱生日歌，好開心呀豬肉碎生菜包---肉碎炒得好乾身，少少辣非常惹味，而生菜大大塊好新鮮，包住肉碎食一流呀泰王咖哩法包軟殼蟹---好濃好香既咖喱味，軟殼蟹炸得好香脆。。。自己最鐘意就係泰式既咖喱，因為加入左洋葱，蛋去整，特別滑，精華所在當然就係個麵包到啦，索晒d汁，好正泰式乾炒海鮮米粉---好足料，有魷魚，帶子，大蝦。。炒得好好味又唔會太乾身，值得推薦

呢間九龍城泰菜喺銅鑼灣開咗分店。平日都會有個corner比表演者唱歌。我去嗰日嘅表演者（應該係老闆？）唱咗首十八送俾梁天琦，同路人無誤！！🤧唉，天生帶有政治風采嘅領袖啊。·講返嘢食，講咗食芒果糯米飯幾個月之後終於終於食到。佢嘅糯米飯係熱糯米， 配埋香甜嘅原隻芒果同椰奶，好邪惡🤤·香芒蟹肉炒飯整體出色，香甜嘅芒果又再一次令個飯昇華咗。果然係推介美食🤤·豬肉碎生菜包同馬拉盞炒通菜整體來講都幾辣，但又忍唔住食落去🤣·環境幾chill，有音樂聽，有pepe黑膠碟裝飾。嗰日去到滿滿的人，個live共鳴100%！黃店果然係唔同啲💕-豬肉碎生菜包｜$92泰式馬拉盞炒通菜｜$89香芒蟹肉炒飯｜$98小曼谷原隻芒果糯米飯｜$88-小曼谷泰國美食站 (銅鑼灣)銅鑼灣謝斐道535號Tower 535地庫B02舖-