坐忘

营业中

休息中

近排轉左黎鰂魚涌返工，一直有聽聞呢間既咖喱飯好好食，但每次12點搭2左右落到嚟都已經好多人排隊🥲今次同事特登提早左少少落嚟攞位，終於等左15分鐘之後入到去🥹佢出名既咖喱飯就已經有7款咁多，另外仲有各款既忌廉烏冬同定食，以小店黎講選擇都算幾多。第一次黎當然要試試店舖推介既豬軟骨咖喱飯喇！😌一黎到見份量都幾大，佢既咖喱唔係個種好濃稠既，係偏向日本家庭式既湯咖喱，未必每個人都中意，但佢食落比較清爽，味道唔錯但未算突出。但反而我覺得豬軟骨比較有驚喜，煮到非常腍身，味道亦好夠😋但同咖喱擺埋一齊就有少少蓋過左咖喱既味…所以店家可以考慮將個餸分開擺會好啲…大概食左大半個鐘，食完出黎仍然有好多人排緊隊。總括黎講，呢間係比較有誠意、價錢合理、味道亦唔錯既小店，但係未算好驚艷，所以係未需要排半個鐘或以上就真係見仁見智啦～

Lunch經過成日見到餐廳門口大排長龍👭👬👫食過一次就明白點解咁多人夏日炎炎都願意係到排隊等位💦因為食物真心高質🍽👍🏼今次我地12:05pm去到仲有最後一張空枱吾洗等 (但人齊先入得架👭) 到我地食完出泥就見到好多人等緊位🤪豬軟骨咖喱烏冬🍛色香味俱全 正呀🤓🤓其實入到舖頭坐低已經聞到陣陣好香嘅咖喱味 而我哋嘅烏冬上枱後咖喱嘅香味簡直係衝入鼻腔👃🏼一定要大讚嘅係個兩大舊豬軟骨 份量豐富 炆得好入味之餘仲好夠淋 (聽聞係慢煮7小時先咁入味同軟腍) 肉質口感非常好 真係好好味呀☺️☺️☺️烏冬配糖心蛋 糖心蛋睇個賣相都知道好糖心😂而且同時椰菜 粟米 蔥花🌽 感覺健康👣豬軟骨咖喱飯🍛朋友食嘅豬軟骨份量同樣豐富 🙌🏼而飯亦選用薑黃飯 配以粟米 同多款蔬菜例如翠玉瓜蘿蔔椰菜花等 係有心思嘅配搭😽令人食完再食一再回味嘅lunch🤤💭

🍛鰂魚涌美食，鰂魚涌出名係美食沙漠🤦🏻‍♀️喺附近返工真係日日諗爆頭都唔知食咩好🤦🏻‍♀️好彩有camper’s 救命Camper’s出名日式咖喱，香料味道比一般日式咖喱濃，我最鍾意食豬軟骨，老婆就叫左黑芝麻咖喱牛肋，黑芝麻咖喱真心出色，咖喱加芝麻真第一次試，但出奇地夾👍🏻牛肋又夠淋，但有肉的咬口，唔係鬆肉粉霉的感覺👍🏻👍🏻豬軟骨都一樣又淋又入味，撈飯真係正😋仲要個飯係南瓜粟米底，同超多菜，超過十款，絕對係健康人生🤣$70有找，真心大推👍🏻（💡溫馨提示：咁正嘅地方當然多人排隊，要食就早啲啦❤️）

依間店舖既concept好得意，大概意思都係坐低感受眼前一切，其他野就放低啦，好似有啲禪味咁。之前陪叮叮做野行過，見到7點幾排哂隊。叮叮又話間野都出名，決定今日試一試。我地不約而同叫左豬軟骨咖喱飯(5/5)依個真係5粒聲，佢個咖喱汁特別餚制，食到有少少薑茸口感，配上兩大舊豬軟骨，會可以解去食肉既油膩感。而且配菜都好豐富，成個presentation係好既。我地貪心叫感一份兩件烤雞share，有煎香外皮但食唔到有油，very nice。Ummmmmm，係依度因爲掛住望周圍既人食野而得罪左叮叮，真係嚇死me。叮叮話依度既感覺似apartment，我都認同依度好舒服既。好彩美食征服左叮叮既心，如果唔係我就無機會再寫食評，橫屍街頭。「我嬲㗎，不過食咩喇？」叮叮既金句。身於坐忘，目空一切。眼前只有美食跟叮叮，可以好好享受恬靜的一晚。