京饌 (已結業)

本身我好鍾意食片皮鴨, 咁啱過開嚟觀塘, 一行六人又諗唔到食咩,  咁我就提議走去呢間食京菜.  因為呢隻鴨份量都几多, 要多D人食先可以叫其他菜式, 呢間之前其實我都嚟過几次架喇, 覺得食物水準都keep到, 而且佢地D侍應服務態度都几有禮貌.

星期日的晚上7時多來到APM,一定好多食店都要等位...本身想食壽司, 不過又係有排等...最後我地黎到京饌, 2人檯都只係等第一張, 所以我地好快就有得入坐喇!入面有好morden chinese嘅裝潢, 就連天花板都有畫公仔, 個感覺都幾young! 不過可能樓底不太高而又放得多檯, 呢度傾計都有少少嘈吵~器皿我都覺得好靚, 忍唔住都想同大家分享一下, 哈哈!叫完茶佢就有一大壺茶放低比你自己慢慢飲, 都幾方便~呢間食店都係Under King Parrot Group, 所以都有做信用卡優惠,食滿$400減$100~所以我地又好努力咁叫$400嘅野食喇, 哈哈!四喜烤麩 - 我地中意佢有大大隻菇同埋個醬汁有菇味, 個醬汁夠香濃, 唯一不好就是我地覺得"四喜烤麩"應該係一味涼菜, 即係應該係凍食嘅, 不過呢個就係暖暖地嘅, 所以我地之後就冇食, 食哂其他野最後先食番佢, 因為想"攤凍"番佢, 之後我地反而覺得更加好味!貝勒爺灌湯小籠包 - 一共有4件熱辣辣咁上檯。個皮做得好薄, 見到D湯喺入面"浪下浪下"咁XD不過我覺得個湯唔算好突出~ 整體黎講係好食嘅!三菇小唐菜 - 我發現呢度製

２０１４最後一餐好難食，２０１５第一餐要搵間好！！！近近地去ＡＰＭ新開京菜館京饌。新餐廳加上紅日。。。竟然唔使等位真係有D奇怪！原來京饌係King Parrot Group.....到處都係集團經營，小店真係好難生存～京饌餐廳寬敞，有不少大枱及梳化位，坐得舒適。雖然有落地大玻璃，有自然光進入，但位置不高，景色一般只望舊樓。裝潢簡約但富有北京味道，有不少中國特色擺設。京式蔥油餠$48　（2件）家常餠$40手工北京鮮肉水餃 $55　（6只）一咬即爆汁！味道真係好似北京食的～正！皮厚但易咬開，汁多好味，肉鮮，好好味～貝勒爺灌湯小籠包 $45　（４只）湯汁夠，不夠熱，整體味道一般，不過不失。大白菜肉絲炒粗麵 $78粗炒通常好油好濃味，但這裹的粗炒竟然不太油。。。。好多好粗好大條大白菜，肉條不太多，但味道好淡好淡黃袍北京填鴨 $320英文名ＫＩＮＧＤＵＣＫ，當然要試下啦！侍應先送上拍照留念～好期待有京蔥，青瓜，醬汁外，還有自製的山楂膏條，可以中和烤鴨的味道。只食山楂膏條都幾好味！幾特別薄餅摺成三角形，好整齊。平時疊在一起，成日痴住一起。這裹的做法不錯。今大隻鴨，切下切下得番今多，D肉唔知餐廳點處

巧手拌扁豆苗$55有啲金黃色脆卜卜嘅炸絲係上面, 青瓜比起平時嘅少啲水份, 加埋底下經烹調過嘅豉油, 寧舍野味  擂麻椒茄子$58有麻辣嘅花椒油, 香濃嘅芝麻醬輕輕摏下啲茄子就入哂味!蟹粉小籠包$32/隻蟹膏味好豐富, 好多肉汁, 好好食, 始終要咁先滿足到我 貝勒爺灌湯小籠包$45對小籠包的餅皮好有信心, 絕對唔會一夾就穿, 所以係必食推介!鮮肉鍋貼$62水份太多, 所以個皮煎得唔夠脆身, 用筷子切開嘅時候有啲皮會黏住宅門烤饃羊肉$120羊肉有孜然粉嘅香味, 肉質較瘦, 唔係太羶, 配合京蔥, 芫茜, 好有風味烤饃, 落好重麵粉, 質感好結實 韮菜花醬, 唔係想像中嘅清香, 唔係咁配合手工北京鮮肉韭黃水餃$55雲豆糕$55裏面有綠豆紅豆蓉, 賣相好精緻, 好有古代宮廷嘅感覺, 食落唔會好甜

拌北京西葫蘆絲$68 葫蘆瓜切到拉麵咁幼, 整成一個個小山丘, 醬汁有啲芥末味, 唔會太攻鼻, 都接受到 貝勒爺灌湯小籠包 $45 一如以往咁多肉汁, 食一籠邊到夠 手工北京鮮肉水餃 $55/6隻個人應為最佳食法係將水餃沐浴係醬汁入面, 連埋芫茜同生蒜一齊食!麻辣香炸鳳尾魚 $60食落甜甜地, 傳統做法會係有醬汁同甜味, 而呢個就有麻嘅感覺, 但鳳尾魚太薄啦, 薄到好似薯片咁脆, 到底世上邊到仲會有厚身嘅鳳尾魚?蟹粉扒滑豆腐 $168有一絲絲嘅蟹肉, 好欣賞拆肉嘅心思, 啲蟹肉好夠味, 亦都好有蟹膏味, 用黎拌麵一流 大排湯麵 $58因為無陽春麵或者淨麵, 唯有嗌炸豬扒麵, 豬扒就一般, 啲麵感覺就似手造, 有啲不規則, 令蟹粉底更加可以掛係麵上面  *之前呢個舖位係我最喜歡嘅飯堂之一家傳滬曉, 拔絲糖蓮藕, 黑醋排骨, 小籠包都係必嗌嘅 因為呢間餐廳都係同一個集團, 佢嘅小籠包keep到水準咁好, 亦留意到有啲店員嘅溝通能力可能弱啲, 又有唔同國籍嘅店員, 感覺係好一間好有責任感嘅社企, 朋友同屋企人時不時都會幫襯呢個集團嘅餐廳, 今次選用京菜俾左我地一個新驚喜