古今

营业中

休息中

週二約了朋友在銅鑼灣吃晚飯，在Openrice預訂了古今這家很多好評的日式餐廳。工作日的晚上6點，我們到店時是唯一一枱客人被安排坐在了窗邊的位置，可惜銅鑼灣鬧市區沒有什麼景色可以欣賞店裡採用了QR code自助落單，可以慢慢揀選想吃的食物。因為沒有晚市套餐，所以單點了5款菜（最後發現還是眼闊肚窄了XD）。落單前可以確認一次所選菜色，亦顯示了訂單總價錢（網頁顯示的總價錢是還未加一的）。網燒過的味淋魚乾很香口，配合沙律醬，是不錯的小食。朋友讚不絕口的網燒牛舌。牛舌爽口，牛味香濃。我個人略嫌牛舌調味較重手，鹹了一點。之前的牛舌調味重手，七味唐揚雞軟骨對我來說又有點調味不足了。雞軟骨的口感其實很好的，炸得酥脆又不算油，份量也足。但是有點吃不出七味粉的味道，不夠惹味。超級龍卷風好吃，炸蝦很新鮮，調味恰到好處。蟹膏帶子炒飯超出預期的好吃。頂頭的帶子鮮甜，炒飯鹹香，亦炒得乾身、粒粒分明。雖然分量不少（也有可能是我們胃太小XD），還是努力吃完了整碟炒飯。古今的店員都很有禮貌、友善。食物的用料都很新鮮，味道亦不錯，是有誠意的日式餐廳

餐廳：古今地點：銅鑼灣澳門逸園中心菜式：日式居酒屋餐牌：主打特色創意卷物。主餐牌有前菜沙律，刺身，壽司，多款特色卷物，燒物，串燒，鍋物，天婦羅，小食炸物，飯類，清酒同飲品，仲有二人套餐。落單用QR code。埼玉網燒牛舌 $78 另加一琦玉網燒牛舌一客4大件，熱辣辣上枱，有返相當厚度。咬落去完全唔韌，口感超彈牙，味道夠鹹，伴有椰菜絲沙律可解膩同減鹹度。另外仲有酸汁可平衡鹹味。日式章魚小丸子 $48 另加一日式章魚小丸子一客6粒，熱辣辣上枱。面頭滿滿木魚花同紫菜絲，居然加埋椰菜絲同生菜。章魚小丸子整得脆皮，入面就滑溜，真係食到煙韌章魚粒，如果多d邪惡沙律醬就perfect啦。超級龍卷風 $98 另加一超級龍卷風一客8件，兩件尾六件身，飯卷包住紫菜，入面有啖啖肉炸蝦，加上鰻魚，忌廉芝士，青瓜絲同脆脆，面頭再加上脆脆同醬汁。食落口感好豐富，有脆口脆脆同滑溜忌廉芝士，而炸蝦都好脆口，味道口感豐富，又唔會過鹹或者膩。我特別鍾意有忌廉芝士。蜘蛛 $103 另加一蜘蛛一客5件，兩件尾三件身，紫菜外皮包住飯卷，飯卷加有好多蟹籽，入面就係炸軟殼蟹，加上蟹柳，青瓜絲，牛油果。食落口感有脆口炸軟殼蟹又有爽口

係銅鑼灣要找一間性價比高既日本菜一d都唔易呀，古今係其中一間我認為係相當唔錯的餐廳。餐廳主打一D不同的壽司刺身、串燒燒等的日本料理，當中餐廳的特式卷門亦都係十分出色。煙花:自由辣味三文魚、辣味吞拿魚，加上少少脆片，口感偏向清新同帶微辣，相當開胃超級龍卷風：份量十足，真係明白點解叫超級龍卷風，鰻魚，炸蝦，芝士，食落都香口好味，唯一美中不足芝士落得太較多，感覺有少少膩大阪自家炸雞：炸粉唔厚，炸雞都多汁嫩口，鐘意香口炸物，一定要試下網燒牛舌：牛舌經過簡單調味，肉味香濃，同燒的熟度岩好，味道相當出色。

這間連鎖居酒屋於銅鑼灣、觀塘、尖沙咀及荃灣均有分店，主打多款創意卷物，銅鑼灣分店的裝修寬敞舒適，設有廚師吧枱可欣賞師傅料理過程。雜錦刺身沙律超大碗新鮮翠綠的沙律菜，淋滿甜甜辣辣的沙律醬汁，大量角切刺身如三文魚、吞拿魚、油甘魚同章魚粒，爽滑鮮味，更有一粒粒爆汁的飛魚籽和蟹籽，好清新開胃。超級龍卷風長長的卷物一共八件，包裹著金黃酥脆的炸蝦天婦羅爽滑彈牙，鰻魚軟嫩滑順，更有鹹香的芝士和爽脆青瓜，層次好豐富。日式章魚小丸子六粒圓潤飽滿的小丸子，咬開熱呼呼的內餡好綿密軟糯，更有煙韌彈牙的章魚，撒滿木魚絲。黑豚豬頸肉串燒黑豚豬頸肉的油份比起一般更加豐富且均勻，炭燒逼出脂香之餘，更突出香濃的豬肉味，爽脆有彈性。鹿兒島黑豚荔枝卷串燒薄薄的豬肉包裹著荔枝，清甜的荔枝中和豬肉的油膩。

上次食過尖沙咀古今二 選擇都幾多好多都未食到 今日去開銅鑼灣行街 想encore多次❣️超級龍卷風 $98包住鰻魚 海老🦐芝士🧀青瓜🥒炸天婦羅蝦超脆同軟綿綿嘅芝士鰻魚有強烈對比 面頭仲灑咗啲薯片碎碎 成舊食落口感好得意❣️辣妹 $108大大粒吞拿魚波波放頂勁吸睛 微辣吞拿魚相當惹味內層仲包左炸蝦同芝士 一咬吞拿魚味滲透出嚟 略帶芝士奶香 脆片碎碎更令成舊卷物增加層次❣️櫻花蝦原條茄子燒 $88海量櫻花蝦舖滿成條茄子🍆就連皮都燒到脆皮 茄子肉吸收櫻花蝦精華 食落勁鮮味多汁 如果可以攞嚟送飯絕對一流❣️埼玉網燒牛舌(4件) $78大家都話必嗌嘅牛舌燒 塊塊都幾大塊 燒到令立立✨點少少特製嘅檸檬汁 酸酸地好解濟

觀塘嘅古今二以前食過好幾次，就係覺得佢啲卷物抵食夾大件，所以今次同朋友去銅鑼灣試下佢嘅分店平日夜晚去到都幾多人，坐到差唔多滿座，我同朋友叫咗個沙律、兩個卷物同一個燒物，食物好味而且唔貴，每人200蚊左右就已經夠飽，所以好抵食🌟龍卷風沙律好大碗下，有蔬菜、海藻、蟹柳絲、脆片，頂頭仲有一堆蟹籽，個沙律醬仲少少辣，撈埋黎食幾惹味，平時好少食到辣辣地嘅日式沙律🌟超級龍卷風個賣相幾有霸氣，個卷物有鰻魚、海老、芝士、青瓜、脆片，芝士好厚，食到好濃嘅芝士味但冇蓋過其他味道，而海老外面炸得好脆，海老肉新鮮爽口🌟金龍卷個擺盤真係成條龍咁幾靚，有三文魚、炸蝦同芝士，炸蝦同超級龍卷風嘅海老同樣出色，而三文魚幾鮮甜🌟琦玉網燒牛舌之前冇試過呢度嘅燒物，估唔到燒牛舌都幾正，牛舌油脂豐富，燒得幾嫩身，食落唔硬，個醬汁仲酸酸地幾開胃，我同朋友都好鍾意

依加係銅鑼灣反工，緊係要係附近搜羅下有咩美食啦。澳門逸園中心成棟大廈好多日本菜，今次試試”古今”。琦奇玉網燒牛舌牛舌大大塊，有d厚度，燒到剛剛好，嫩得來一啲都唔韌，配上酸酸地既汁，一啲都喎油膩。櫻花蝦原條茄子燒茄子好易夾起，滿滿既櫻花蝦，非常之香，櫻花蝦食落去唔會硬又唔會太淋。超級龍卷風卷入面有鰻魚、炸海老、芝士、青瓜。外面係脆片，配上鰻魚汁，口感非常豐富，芝士味唔會太重，冇搶到其他配料既風頭。一啖放入口，大大既滿足感！煙花Size比起龍卷風小，卷入面係辣味三文魚同芝士，卷上面係辣味吞拿魚，仲有少少既蟹籽點綴。辣味就好似佢個名一樣，係個口入面放煙花咁，唔會太辣，非常特別。環境方面，日式木系裝修，位置唔算太多，最好預約左先。總括嚟講，卷物非常創新、特別，而且又好食，鐘意試新野既朋友一定要試下！

自從有次去過古今食野後，就對這裡的創意卷物念念不忘，每隔一排都會來外賣/堂食，食下脆口+創意配搭卷物😋餐廳係日本居酒屋格局，播放著日本歌，幾有feel的～呢到嘅卷物全部用上特別嘅名如火山、倫敦橋、忍者雙辣等，真係要逐個睇先知係咩！💜「蜘蛛」係個人最喜歡嘅款式，係炸軟殼蟹配青瓜、牛油果、蟹柳。炸軟殼蟹脆香多肉，還有蟹膏香配上軟香牛油果同魚子，幾有層次感😋💜「超級龍卷風」有鰻魚、海老、芝士、青瓜、脆片，入面嘅炸蝦彈口之餘啖啖蝦肉，配上鰻魚肉+粒粒香口芝士同脆脆，口感層次豐富。另外仲可以配串燒同小食，食到好多款但又不heavy。🍢炸芝士年糕外層皮微微脆，入面流心軟香芝士非常香口。🍢芝麻雞翼外層好脆，加了少少辣香七味粉，好惹味。🍢雞腎大大粒，外層脆香配辣香惹味調味，入面juicy香口。下次一定再來食😋

店舖位置都幾方便，位於銅鑼灣SOGO旁邊嘅大廈21樓，入到去係幾簡約嘅木系風格，旁邊仲有好多日本酒樽做擺設🍶金龍卷($103)由三文魚、炸蝦🍤、芝士配搭而成嘅壽司🍣壽司嘅外圍有好多芝麻同埋似係鰻魚醬~食落口首先食到好香嘅炸蝦，仲好脆㗎！之後食到芝士醬三文魚，多種味道嘅混合💕超級龍卷風($93)係鰻魚同埋炸蝦嘅配搭，相比之下鰻魚味冇咁出，都係炸蝦🍤取勝👍🏻鰻魚炒飯🍚 ($143)鰻魚味好香！就算鰻魚切咗粒都冇碎哂~ 每一粒炒飯都充滿哂醬汁，都好濃鰻魚醬味💁🏻‍♀️份量都多，大約兩碗飯都有喇😆