越味皇 (已結業)

今日同朋友去荃灣買野，所以就係個頭揀左間越式野食。串燒是必嗌的，由其係雞肉，肉質嫩滑而且非常惹味，沙嗲醬都好濃郁，令人有想再食既衝動。椒鹽炸軟殼蟹炸得好脆好乾身，椒鹽味都算重，調味調得幾好。本身諗住嗌通菜但賣哂，所以嗌左越式馬拉盞配油麥菜，啲菜幾新鮮，係估唔到都幾辣下，不過辣得黎都幾好食，但食唔到辣既就唔建議食，可以試吓清炒蒜蓉或者越式蟹頭膏。招牌炒飯有好多細細粒既海鮮係入面幾有咬口，味道比較清淡，仲有兩隻炸蝦，都唔會太膩。然後牛油蒜蓉雞翼都係必嗌，新鮮熱辣辣炸到卜卜脆，入面肉質嫩滑，仲有陣陣牛油同蒜香味，味道濃郁。仲有柚子鮮蝦沙律，睇個名以為有普通鮮蝦，但原來係炸鮮蝦，味道酸酸甜甜，柚子都幾爽口，整體都唔錯既。然後食越式野通常都會嗌椰汁冰，呢間既椰汁冰都唔錯，幾香滑，椰汁味都濃郁。而朋友見到越式滴漏咖啡有個👍🏻又幾特別就試下，香味濃郁醇厚，略帶苦澀回甘，佢最底係奶，落既份量可以自己決定。

話說今日有間我用開嘅護膚品💖牌子喺呢區開倉，所以我今日係特登走入嚟買嘢嘅🛍❣️買完野之後，我哋就順便喺呢區食埋野先返去🤓❣️一搵之下見呢間越式餐廳幾多選擇🥢，而且價錢都幾吸引🤩，於是我哋就行左落去路德圍🤟🏻。餐廳唔大，但坐得舒服☺️。雖然座位格局有啲似茶餐廳，但啲佈置幾靚幾清新👍🏻Menu上面嘅價錢唔貴而且選擇多🥳，有沙律🥗、米紙卷🌯、串燒🍢、小食、湯粉🍜、飯類🍛、越式三文治、越式濱海同埋咖喱👳🏻‍♂️，仲有好抵食嘅優惠套餐添❣️越式串燒雙拼（雞肉、牛肉各三串）$88熱辣辣♨️串燒香味撲鼻🥰表面嘅油仲反緊光而未被肉類吸入去，可見係幾咁新鮮啱啱燒起🤤❗️牛肉同雞肉都好足料好厚肉💕雞肉鮮嫩惹味🉐，牛肉口感煙韌👍🏻配埋沙嗲醬，真係Perfect match呀‼️越式鳳爪沙律 $45一客有好多隻鳳爪，冇數到有幾多隻😝，但目測最少都有10隻😎酸辣味調得啱啱好，唔會太辣亦唔會太酸，好容易入口❣️越味皇雜錦拼盤 $98春卷好足料❗️餡料有蘿蔔、粉絲、碎肉、木耳、冬菇，配料分布平均🉐❣️表皮好鬆脆，仲好食過係越南度食💯～蒸粉包嘅餡料同春卷差唔多，粉皮做得超薄，完全唔會有厚粉厚皮嘅感覺，好易入口👍🏻溝埋啲魚露一齊食☑️，完全感

好耐冇黎荃灣食飯啦，今次友人帶我黎試呢間佢話好食又抵食既越南菜！我們晚上9點黎到還是座無虛席，看看餐牌，見佢2人餐其實都真係幾抵食，但因為想試其他野食，所以就冇揀到！越式串燒雙拼($88)，這個串燒有雞肉同牛肉，兩者都燒得香口之餘還能鎖住肉汁，配有花生味較出的沙嗲醬更為惹味！蝦頭膏炒芥蘭($58)，是店員推薦我們試的！完全冇諗過咁好食！芥蘭有淡淡的蝦膏味，蒜蓉味都幾濃，食落去完全唔覺有芥蘭的苦味！咖哩牛腩煲配蒜蓉包($78)，這裡的咖哩牛腩，可揀配飯或蒜蓉包，我們揀配包，蒜蓉包脆口，牛腩炆得好淋！越式鳳爪沙律($58)，鳳爪份量都幾多，唔會太辣，好開胃！越式燒魚($88)，這裡的燒魚跟平時食的有少許分別，這裡的燒魚會塗上燒魷魚既醬汁，魚肉有香茅的味道，再加上酸汁提鮮，更能特顯魚的味道！越式牛油果沙冰($22)，呢杯飲品其實都幾飽，因為係牛油果！牛油果味唔係好濃，但夠哂冰凍！總括黎講，食物價錢唔算好貴，份量唔會太少，而且食物質素都唔錯，會再黎！

今日冇食早餐返工，餓左成朝一到lunch即刻跑去搵野食！！ 實在太肚餓，一定要食返夠本先得 同事話呢間越式餐廳好抵食，咁一於食佢啦！！12點半去到有位呀，好好彩唔洗等！餐廳佈置幾特別，好精緻！牆上有唔同既擺設，天花就佈滿漁夫帽，充滿越南色彩！好有心思既設計呀！睇返餐牌先，40蚊個湯河湯飯，算幾抵食喎！ 餐牌入面嘅小食好吸引呀！！除咗午餐之外，都忍唔住叫咗好多小食冇計啦，今日真係太肚餓，要食多d叫左個午餐豬頸肉湯河...豬頸肉好大塊！！ 燒得好香！加埋蒜香一齊食 ，口感好豐富。最緊要係塊豬頸肉一啲都唔肥膩。碗河粉超大碗！好彩有人share，唔係既話我一個會食唔晒蜆港香蒜牛油焗青口 青口面鋪上滿滿嘅香蒜，堅多蒜蓉呢！！鍾意食蒜蓉嘅一定好喜歡。 青口完全吸晒蒜香牛油既味道，正越式燒蝦串燒 上碟外型精緻，已去外殼，三隻蝦大大隻！蝦頭有好多膏，蝦肉肉質彈牙！越式串燒雙拼三串雞肉三串牛肉，雞肉好嫩滑，牛肉小小靭。 特製嘅沙嗲醬味道唔錯。越式椒鹽軟殼蟹分量都唔少，應該有一隻嘅軟殼蟹。炸得鬆脆又香口，椒鹽味唔算太濃，軟殼蟹好多膏啖啖肉！越式炸蝦多士 淨係見到炸蝦多士外型就覺得好驚喜！！好大舊丫！法式麵