Just Eat (已結業)

今日為左去中環donki朝聖而走左轉港島區，順路搵食，就揀左西營盤站附近嘅Just Eat。餐廳外一片空地好空曠好舒服。之前爬過文，見到呢度嘅越南湯河幾吸引，於是就order左呢碗濃味牛湯浸手切牛肉河（$78），加牛丸（$24），先呷一啖湯，牛味濃郁；之後加檸檬及辣椒粒，口味又去左另一個層次。蒜香牛油雞翼（$36）：蒜蓉、牛油味都幾突出。香茅串燒牛（$40）：牛肉夠入味夠惹味。飲品方面，叫咗一杯越式凍檸茶（$26）及原個椰青（$42）；前者有驚喜，茶味有清香。

周末随便走走，隨着正街自動扶梯上，無意中逛到了英華臺，被JuetEat吸引住了。餐廳門前開陽，裝修乾淨企理，給我舒適寫意的感覺。剛好是Lunch 時間，有8款套餐可選擇，我們選特濃牛湯牛肉牛丸河粉和蕃茄濃湯海鮮檬粉。特濃牛湯牛肉牛丸河粉：湯底濃郁，牛肉鮮嫩，牛丸彈牙，河粉滑爽。蕃茄濃湯海鮮檬粉：湯底酸甜醒胃，有蝦、魷魚、蕃茄等好足料。絲綱春卷酥脆香口，好味👍。烤肉串中規中矩。滴漏咖啡香滑有層次感，甜着少少。越式凍檸茶清爽解渴。二人買單200有找，非常抵食，性價比超高。

裝修簡潔舒服，人流唔多，上菜快。食物味道77分，幾好食，但份量較少。.🔸泰式生菜包 ($72)肉碎炒得好香，少少辣，生菜包住黎食好惹味。但係得5塊生菜for你包肉碎。.🔸馬拉盞炒通菜 ($60)碟菜係廚房炒緊，我係出面都聽到好有鑊氣。果然食落真係炒到熱辣辣又香口。份量夠2個人食，但一個人都食得哂。.🔸燒牛肉撈檬 ($62)燒牛肉十分冧，又唔痴牙又入味。檬粉唔會好碎，撈埋汁食幾開胃。.🔸菠蘿冰 ($38)梳打水，底下有大量菠蘿同柚子碎，好夠味，味道較甜。.🔸越式凍檸茶 ($26)放左青檸清新左，中規中矩，味道較甜。

每次係正街搭扶手電梯時，我都會見到中間一條神袐既橫街，今日同朋友走去一探究竟，原來入面有兩至三間餐廳，其中一間係新開既越南餐廳Just Eat。餐廳面積比較細，但環境舒服，裝潢以白色為主，加上燈光十足，令人非常精神。- 濃味牛湯浸手切牛肉河餐廳用上金邊粉，口感煙韌。湯底非常濃味，當我嚐湯底既一剎那，牛肉既精華立即䆁放出嚟。手切牛肉切得幾厚，半生熟但入口仍然軟稔。- 濃味牛湯浸牛肉河牛肉份量幾多，粉麵方面都係用左金邊粉，湯底一樣非常香濃。- 青檸梳打而家天氣咁熱，仲要啱啱由地鐵站行過嚟，我一坐低就叫左杯涼透心既青檸梳打。甜度適中，感覺超級清爽！- 越式凍檸茶我覺得同港式有少少分別，茶底比較香，after taste比較強，不過比港式略甜。- Just Eat春卷加生菜越式春卷非常酥脆，餡料亦更豐富，生菜包住春卷食可以減低油炸既肥膩，而且更添爽口。手切牛河同春卷非常出色，尤其係手切牛河，我從未係香港食到湯底咁濃味既越南河。

來到西環特別多餐廳，特意找一下新餐廳找到了這家，裝潢簡潔乾淨。一般吃東南亞菜我們必點濃味牛湯浸手切牛肉河（$78），湯底果然濃郁，牛肉肉質不俗，河粉也夠滑，不錯！另外點的雞絲扎肉湯金邊（$52）轉了河粉，對比之下湯底比較淡，最欣賞扎肉口感豐富。香茅燒豬扒（$48）香口惹味，一大塊價錢也合理。馬拉盞通菜（$60）馬拉盞做得出色，菜也炒得香脆新鮮。青檸梳打（$24）酸甜清新，而越式凍檸茶（$26）比想像中偏甜，但也頗有特色。

今晚拎野過西營盤英華臺俾好友，順便依個晚飯兼聚下。朋友就問，佢屋企樓下開咗間新嘅越南菜，要唔要試下。鐘意試新野嘅我，當然無問題啦。Just Eat 店內環境舒適，員工都好友善，服務態度好好，食物嘅定價都好合理。我同好友今晚得兩個人食飯，所以都無叫特別多嘢食。泰式生菜包：肉碎係豬肉嚟嘅，調味做得好好，微辣中帶一點點檸檬汁既酸味，令人胃口大增。生菜菜都揀咗最靚嘅幾塊嚟做依度菜，而且相當乾淨。濃味牛湯浸牛肉河：想知一間越式餐廳做得好唔好，就必定要食生牛河。Just Eat嘅濃味牛湯浸牛肉河做得唔錯，牛肉夠薄，而且上到檯做係紅卜卜。湯頭牛味都好夠，而且唔好蓋過生牛肉嘅味道。燒雞撈檬：點完餐先後睇下OpenRice食評，見到有人話燒雞偏咸同太乾，起初個心都驚驚地唔好食，但一入口發覺一啲都唔似果篇食評講，燒雞一啲都唔乾，表面燒到脆哂，而肉仲係好嫩滑，而且味道剛剛好。越式凍檸茶：依個凍檸茶唔同之處，就係用咗青檸檬。好好飲。