1986地道越南餐廳 (東寶大樓)

营业中

休息中

之前喺澳洲好多時食越南野，因為好多越南人移民過來，所以都食過不少正宗越南野。今次又去北帝街搵食，見到呢間越南小店都幾多人，一於試下。喺澳洲時讀大學為左慳錢，成日食Banh mi，貪佢夠平又好味又夠飽今次難得見到，一定要嗌，烤豬肉片肥瘦適中，香茅味重，燒得乾身但不過硬，配上酸蘿蔔、青瓜、肝醬十分夾！法包十分脆但略嫌太脆，有d𠝹口建議可以不用對半切左再去烘，可先烘再切，保留一點包包軟熟口感更好！又嫌少少太乾，私心覺得可以學澳洲加少少蒜味美奶滋，就perfect蒸粉包好似腸粉！但口感較彈牙，覺得唔算太特別。佢個豬頸肉燒得香，油份已被燒得七七八八，所以不會過膩，檬粉好滑。但個魚露汁可以減少少甜多少少鹹味同酸味。仲叫左個蟹膏湯飯，湯都幾鮮，不過提議可以將飯同湯分開上唔會浸到d飯太淋，同加上食到最尾有點咸係幾滿意的一餐

見到Openrice嘅comment，全部都係好評，所以今日一於試試。1. 三拼湯河粉：必食！湯底濃郁且鮮味，牛肉新鮮，牛丸和扎肉質感和味道極佳。2. 北越鮮椰子炆豬腩肉：椰子汁味香，但較油，加上肥美的豬腩肉，只能淺嚐，不能吃得太多。3. 越式烤豬肉法包：必食！麵包烤得很脆，豬肉調味出色。4. 海防肝醬小法包：必食！肝醬味道濃鬱突出，另配一款越式 醬料，口味非常獨特。5. 越式沙爹牛柳：相信係用美國靚牛，而且係厚切，所以牛味濃郁和有口感。6. 越式沙嗲雞肉串：必食！調味非常獨特，經過燒烤後，烤味非常突出。7. 越式脆春卷：必食！外皮香脆夠薄，餡料一點也不油膩。8. 薄荷芫茜可樂：薄荷+芫茜+可樂，口味非常夾。9. 北越椰汁冰咖啡：椰汁香味濃郁，加上越南咖啡，味道非常融合。10. 越南雞蛋咖啡：咖啡上面有一個雞蛋布甸，加上1986的字樣，非常合適打卡。

土瓜灣特色越南餐廳見到有少有嘅蟹膏湯底既麵食，即刻叫左碗蟹膏海防湯濛黎試下。客人可以自行選擇河粉、檬粉、金邊粉、粉絲。蟹膏海防湯濛非常足料，材料有：蟹膏、蝦🦐、番茄 、扎肉、香菜肉丸、香菜等湯味濃郁，必試之選。而越色烤豬肉拌撈檬亦唔會油膩，真心推介。另外，叫多左個越色烤豬肉法包，配上辣醬，帶出豬肉既味道，不嗜辣嘅都可以試一試。飲品方面：紫米乳酪沙冰，唔會太甜，恰到好處。而薄荷芫荽可樂都出色，陣陣薄荷香味😋。

睇住🔸1986🔸短時間內由小店做起, 而家搬咗去大舖喇, 所以就想去試吓有無分別。環境比舊舖舒適嘅, 不過枱與枱之間嘅距離實在太少, 所以會有d 壓迫。🍜 海防蟹膏湯檬粉有2 片扎肉, 2 隻大蝦同2 粒豬肉丸, 扎肉係普通嘅越式扎肉, 大蝦新鮮彈牙, 豬肉丸有驚喜, 我平時好怕食豬肉丸, 覺得有怪味, 不過呢個豬肉丸混合咗冬菇, 唔知係咪手打, 不過好似手打肉丸咁爽口。湯底有濃濃嘅蟹膏味, 好鮮甜, 就咁飲都唔會覺得口乾。美中不足係個檬粉份量好少同好碎濕濕…🥖 越式烤豬肉法包包嘅外皮好脆, 夾住嘅烤豬肉好鬆化, 亦都好入味。份量好充足。🍹 北越椰汁冰咖啡 & 越式奶咖啡比一般咖啡甜, 不過咖啡味香濃, 有越南風味。💭 整體嚟講, 食物同飲品都好好, 不過如果個檬粉唔好咁碎就再好d, 係值得再食嘅。