美蘭廚房 (已結業)

平時去鰂魚涌都好鍾意去坐忘食飯🤪但原來對面有一間港式住家菜小店，深受街坊喜愛🥰於是同朋友試吓味道✨<無骨泰蔥雞飯|配秘製泰式汁熱奶茶> $62雞肉嫩滑，配上自家製嘅泰式汁，味道酸酸may May，感覺好開胃，啲飯嘅份量都好多，差啲食唔曬🤣🤣<有得揀車仔麵> $48(招牌辣汁|小辣|自家製麵條、自家製韭菜餃、南乳豬手、魚腐)點咗自家製麵條一試，麵體比較粗身，口感較為偏韌，不過都幾索湯汁☺️由於驚太辣所以叫咗小辣，不過其實都唔係好辣✅喺唔食得辣嘅人都可以食嘅程度～三樣餸入面最推介佢嘅南乳豬手，入味之餘又唔覺得好咸🙌🏻<趣緻四味> $68(豆乳鹽酥雞、酥炸雞軟骨、酥炸雲吞、一口排骨)拼盤有四樣嘢食，啱曬我呢啲心大心細嘅人🤣🤣所有炸物即叫即整，新鮮送上枱，而啲炸物嘅粉薄薄一層，唔會全部都喺粉團🤤<手拍青瓜> $18清脆既青瓜同辣椒油拌勻，比較似四川小菜😂

豬油渣，即係肥豬肉汆水，然後再落鑊炒完再炸，每一粒都炸至金黃，入口香脆甘香，但係健康著想，這個邪惡嘢不能成日食。出名啲嘅當然係大角咀英記出品，而最近鰂魚涌新開嘅 #美蘭廚房 亦都見到呢個邪惡嘢蹤影。小店本身喺長沙灣Food Court，據說曾經日賣過百碗。除咗豬油渣同麵條係自家製，就連辣菜甫都係出自老闆娘之手，食麵就得要試埋辣菜甫。叉燒油渣麵（自家製麵條）$42/大麵條由於係用鴨蛋，所以蛋香會再重啲。最重要係面層好多香脆豬油渣，加埋叉燒同冬菇，都算豐富。湯頭就不過不失，叉燒好似都係老闆娘醃同焗，以小店來講真係有心機！趣致四味 $68有豆乳鹽酥雞、酥炸雞軟骨、酥炸雲吞和一口排骨，基本上係炸炸炸炸，全部都係熱辣辣上檯，夠哂熱氣！自家製菜甫有大辣同小辣，真係食得到辣先好食大辣，加入個湯度食，增加味道層次。餐牌上都多食物款式，下次想食鴨肉翅！