大漁屋台 (已結業)

今晚得我同阿媽兩個人食飯 我哋就一早約好咗近近地喺九龍灣食個晚餐小店既裝潢設計都幾有心思 入到去就好似置身係日本既屋台一樣 好有氣氛Menu就連價格上都係走屋台路線媽媽一坐低就叫左幾款刺身黎試下 分別有赤貝 ($38) 三文魚 ($32) 同油甘魚 ($52) 刺身 色澤好鮮明 三文魚同油甘魚都係厚切 食落夠新鮮 赤貝好爽口軟殼蟹水菜卷 ($58)卷物既擺盤好靚 賣相吸引 粒粒嘅蟹子包住炸到好香脆嘅軟殼蟹 再加上爽口既水菜感覺好清新 我都係第一次試雜錦天婦羅手打烏冬 ($72)天婦羅另上 有蝦 冬菇同茄子等等 食落唔會一口炸粉咁既感覺 手打烏冬偏腍但都夠彈牙味增煮大根豬軟骨 ($52)呢個煮到超級入味 豬軟骨好似用過慢火慢慢炆咁 非常軟腍入口即溶 就連白蘿蔔同冬菇吸盡精華 香甜可口清酒煮蜆 ($48)清酒味唔會太濃烈 蜆肉夠飽滿 份量都唔少 但係就略嫌有沙 偷睇到午餐嘅Menu 發現定食嘅套餐好似抵食好吸引 下次會再搵一日嚟試吓

約了舊同事在其公司附近晚飯，餐廳位於九龍灣一個小屋苑的商場內。我們訂了位，而且7時已經到達，所以無需等位，不過雖然是在小屋苑的商場內，餐廳也很快已經坐滿了。食店內的裝潢是傳統日式，小桌用上金屬面，易於清潔及打理。我們點了前菜的味噌蒜頭漬($38)，刺身就有甜蝦4隻、赤身、帆立貝 及三文魚，卷物就要了軟殼蟹水菜卷($68)，串燒就點了日本白果($22)、杏鮑菇($16)及鲭魚($18)，關東煮則有山芋魚肉餅($12)、椰菜卷($16)及野菜油豆腐($16)，還有食事就選了安格斯牛肉鍋烏冬($78)，差不多每樣都有些。蒜頭對人的身體有益，所以就選了味噌蒜頭漬來做前菜。蒜頭食落有點像生的，蒜頭爽口容易食，但一點辛辣味都沒有，反而是甜甜的醬汁味。刺身方面，甜蝦鮮甜有油脂，帆立貝爽甜，赤身及三文魚都很新鮮甜美，伴碟還有兩片爽脆的蓮芋。卷物的軟殼蟹水菜卷，軟殼蟹藏於其中，擺放在首尾的兩件除插著水菜外，還有些軟殼蟹的腳伸了出來，卷物外面黏滿了蟹籽，還有幾片酸薑來伴碟。食事的安格斯牛肉鍋手打烏冬，內裡除了有腍滑的安格斯牛肉外，還有冬菇、金菇、松茸、鳴門卷、大蔥、甘筍及雞蛋等，材料豐富，手打烏冬較為腍身

黎到九龍灣陪朋友報完補習之後，就係呢到附近搵食。係得寶商場入面見到間好日式既門口，我地就決定今晚係大漁屋台享用我地既晚餐啦！坐底見到師傅忙碌咁預備食物，感覺同置身係日本小店一樣。啱啱開門做晚市，我地一坐低就即刻點野食。先黎一個刺身季節沙律，除咗有新鮮爽脆既沙律菜同埋車厘茄之外，仲有新鮮刺身如甜蝦、三文魚、八爪魚、三文魚籽同埋蟹籽，配起柚子醋混和後，整碟沙律都變得份外鮮味，作為前菜認真唔錯！食過沙律中的刺身，都感覺呢到提供既食材都十分新鮮，所以我地就叫咗少許刺身，有真鯛、赤身、三文魚。真鯛如白色外表一樣，味道比較清淡但口感鮮甜。赤身則脂肪較少，肉質結實有嚼口。三文魚同赤身一樣厚切，紋理呈現出脂肪分佈得好靚，放入口裏面，感覺份外肥美。見關東煮價錢唔貴，所以就叫咗蟹餅、板魚旦、鵪春蛋同埋大根，每樣都係$10串，好抵！大根即係白蘿蔔，十分厚切，盡吸湯汁既味道。蟹餅同埋板魚旦都口感彈牙，十分入味。鵪春蛋外表細細粒卻不失蛋香，十分過癮！鍾情軟殼蟹既朋友仔叫咗碟軟殼蟹水菜卷。軟殼蟹炸得十分酥香，與清新爽脆既水菜配搭得剛好，再用被蟹籽鋪滿既飯和紫菜卷起，賣相與味道都十分不錯～我地仲叫咗幾串串燒黎食下。

今日放工和太太往九龍灣大漁屋台滑蛋吉列黑豚飯, 軟殼蟹水菜卷、三文魚刺身、甜蝦刺身和赤身刺身。滑蛋吉列黑豚飯滑蛋食落香滑, 蛋味香濃, 吉列黑豚食落香脆, 食落肉質鮮甜味美, 食落啖啖肉, 口感十足, 吉列黑豚肉粉漿薄薄香脆, 飯食落香滑軟綿, 整滑蛋吉列黑豚飯份量十足,口感大滿足；軟殼蟹水菜卷賣相吸引, 軟殼蟹炸得香脆金黃, 食落熱辣辣香脆惹味, 水菜食落爽口, 飯酸甜度十足, 配上蟹籽令整份軟殼蟹水菜卷食落口感十足和層次, 味道一流。最後刺身我們點了三文魚刺身,甜蝦刺身和赤身三款, 三文魚和赤身食落口感鮮甜, 甜蝦壽司食落新鮮彈牙, 高質素的刺身。餐館怖置很有特色, 猶如置身日本的屋台似的, 而且餐店食物美味, 份量十足, 價錢合理, 高質美味的日本餐廳。