榮發粉麵專家 (已搬遷) 新店位置

Wing Fat Noodle

已搬遷至寶其利街59-67號寶威大廈地下1號舖

3.5

55 食记

味道

环境

服务

卫生

抵食

751

红磡

$50以下

港式粉面/米线茶餐厅/冰室

辣椒油

2 已推介

奧志雷

等级4

2.1K

想食榮發幾日喇，但一直都無機會，晚晚失眠起唔到身遲大到。已經操到散晒勁睏都訓唔著，請給我睡吧。依然被失眠困擾，再次只訓幾個鐘，唔夠瞓個人特別燥架喎！經常只瞓得三個幾鐘，昨晚亦不例外。辣一辣，醒一醒先得。琴晚零晨點幾已肚餓，終於忍到朝早食早餐喇！

落車時都爭札好一段時間想食出前一丁啊﹗最後理性戰勝慾望，依原定計劃進行。肥嬸親切有禮好溫暖，已預料朝早會等耐一點，肥嬸主動過黎解釋一下，明白的。肥嬸非常賣力主動推銷，連門口路過的都不放過，真係好有衝勁敬業樂業。香港民的精神本應就是這樣，雖然廿年來深受大陸、蝗蟲禍害！香港民加油，打不死。

天煞揀飲擇食，點解可以茶記唔肯去、大排檔又唔肯去呢？連去食碗魚蛋粉都厭三厭四！您唔喜歡我就自己食，依家分手我可以日日茶記，日日魚蛋粉添呀！食客阿叔阿嬸要求扣底，師傅一個個麵底捲好晒，您地玩野咩，雖然扣底老闆可以慳返幾蚊。

凍奶茶少甜，茶記口味蠻不錯，奶味濃加茶味濃，夠幼滑飲得過。紫菜牛筋腩麵走蔥，灑下大量紫菜從不手軟，足料無搵笨﹗脆脆咸香無霉味紫菜，染得湯底格外甜美濃郁，精神爽利﹗勁辣麻甩早餐颷晒汗，暢快滿足。

餐腿蛋麵走蔥，潮州麵檔出品既餐腿蛋湯麵居然可以如此色香味，完全出乎意料，拍案叫絕好好好味呀 ﹗厚厚餐肉鬆軟肥美，油香甘甜。腿絲滑彈，沒半點雪藏異味。即煎熱烘烘荷包蛋，蛋白嫩滑，蛋黃甜美黏黏。爽彈幼麵掛上辣椒油，夾著餐腿蛋享用，天堂的佳餚。

魚蛋牛筋腩麵走蔥，朝早九點的五香牛腩寧舍不同，頂級爽爽帶膏牛腩肉，散發清淡五香，跟午後鬆化軟綿濃味反差很大啊，幸好味道還是不錯。牛筋輕綿滑溜不硬而微爽，啖啖芳香柱侯非常甜美，食得我津津有味。勁大粒正宗潮州魚蛋彈滑非凡，陣陣咸香淺淺魚甜。就連伴碟生菜都毫不馬虎，爽甜不苦澀。辣椒油香辣並重，有料到夠惹味。爽爽幼麵每一啖都要掛滿辣椒肉，拖著靚湯大啖啜，腩汁湯底濃郁清甜香噴噴，不濁不咸高質素，沒有不好吃的理由。

鮮牛肉粗幼牛丸麵走蔥，原來真係有粗面及幼面兩款牛丸。幼面好滑好彈兼爽口，粗面牛味特濃牛汁超強勁。伴碟水通非常爽甜趙到索索聲，浸埋濃湯更美味。鮮牛肉見到個樣已心知不妙，勁乸滑潺潺鬆牛肉，假滑假彈，麻油味霸道野蠻，入得口唔難食。我食鮮牛係要無添加的靚牛肉，這質素完全不是我要的。幼麵爽彈湯香濃辣椒油香辣，熱騰騰一齊索入口，使得我欲仙欲死辣到滴汗，舒服無比。

雲吞牛腩麵走蔥，鬆化牛腩拍手叫好，味濃香醇。菜甜湯濃，還有雲吞紮實，肉鬆略咸，鹽醃啤水蝦爽而不彈。辣椒油質素高香辣均佳，連啪三四羮興奮滴汗。魚蛋牛腩麵走蔥，辣能喚醒您的靈魂！爽彈幼麵掛著兇湧辣椒油，豪快地索，啜得太狠，辣油射到隻眼，想乸盲我咩！完全唔留手﹗大大篤辣椒油隊落去，極香極辣﹗熱力由胃部運行全身。牛腩保持高質，牛筋滑腍不棉不彈但入味，腩汁湯香濃美味飲多兩啖。

南乳豬手撈粗走蔥，豬手有修甲非常好，免除我的心理關口。腍中帶微彈的質地，依然食得到乳香，不過損骨有點難度，處理需時。賣相閃令令，光亮耀眼的淺啡色非常吸引。濃濃入味，清爽甜美，不咸不嗆不濁，醃味得宜。豬皮炆得鬆軟不散，膠膠黏黏滑滑的，每一口都充滿南乳咸香。底下被蓋著的是彈牙豬肉及筋腱，同樣食得滿心歡喜。最後嚐幾啖濃濃清湯結尾，清清味蕾。早餐食飽一點！辣能賜您無比力量及勇氣，骨膠原能賜您青春活力！粗麵淋上香辣辣椒渣，興奮刺激開胃，三扒兩撥啜啜啜清得一乾二淨。

香菇貢丸墨魚丸河粉加腩汁走蔥，河粉有點散碎不完整，用筷子十分難應付，轉用羮吧。不會一早烚好個河粉底，再等丸煮熟掛？所以搞到河粉散散腍腍，有點失水準喎。墨丸外購麵粉味極重，墨味非常弱，黏黏的沒有墨魚肉，平庸一般。香菇貢丸都非常普通，不過比墨丸好味，爽爽彈彈，菇味香肉味濃，微微肉汁。

鳳城水餃麵走蔥，水餃外觀十分標緻，鳳眼形好靚女。餃皮白滑，入口結實不散。啤水蝦仁爽爽爽，雖然有點假，強烈鹽香重口味。除咸左少少外，有蝦有肉有木耳，味道質素都合格的。爽彈鹼水麵混上大量辣椒油，激香激辣連湯齊齊食，轉眼消滅。

魚角炸魚皮粗麵走蔥，非常爽彈濃味炸魚角，炸過既魚角外皮特別香口。炸魚皮脆卜卜，魚香咸香適中不過火不嗆喉，浸浸湯半脆半脆半滑更加可口。湯底清香甜美，飲兩兩啖順順喉先。自家辣椒油真材實料，夠香夠辣，大愛﹗啜入大量辣椒渣，額頭微微冒汗，爽晒！

紫菜四寶麵走蔥，重量級早餐 ﹗估您唔到勁多丸既，好飽飽喎。餐牌上沒有四寶的，無嗰樣點嗰樣果然非常冒險。跟我食開的紫菜四寶麵分別甚遠，基本都會係係豬肉丸、魚皮餃、牛丸、魚蛋各 1 粒，但眼前竟然 8 粒巨丸！不過真係抵食喎。墨丸質量低下，肉少成口都係粉，無墨味無墨肉。幼牛丸爽滑彈，粗牛丸味濃嚥韌勁多汁，貢丸香菇味濃。紫菜厚韌，紫菜清湯甜美無得頂。

京都炸醬撈麵走蔥，難得食粉麵不添辣椒油，破例一次清清地食原味啦。加入草菇有創意。炸醬味道甜甜的，似有點鮮茄味道，再連肉絲食多次啖，散發少許香辣味道，聯想到五香肉丁及回鍋肉，辣味溫柔含蓄。

牛筋米線加腩汁走蔥，雖然米線裝得滿滿，不過食後始終感到唔夠飽肚，似乎幼麵粗麵份量較多。米線質地太腍，只剩下微弱彈力，阿婆米線唔洗趙，直接啜落肚都可以。米線預先烚好，有訂單再拖拖出貨一定搞到腍劈劈啦﹗腩汁湯汁濃郁香甜，混入大量辣椒油更惹味刺激。跟米線一齊掃入口，味道一流，只係質地欠嚼勁。

牛腩魚片河加腩汁走蔥，考慮段長時間到底比多次機會河粉好無呢？我本善良，就試多一次！有驚喜的完整結實不散碎不過腍，可以輕易地用筷子一束束夾起大啖啜，合格滿意。魚片竟然比魚蛋更可口味美，外皮香口嚥韌，雪白魚肉充滿彈性有鮮味有咸香。牛腩高質鬆化軟滑，牛筋棉棉味香濃。辣椒油夠香夠辣，兩大羹大啖連河粉連肉入口，冒汗刺激。

紫菜豬肉丸麵走蔥，極高質終極肉丸，爽彈無比，幼滑細緻、肉味甜美、肉汁溫柔，竟然比牛丸更好食。幼麵爽彈索索聲，腩汁湯底香濃甜美，掛上大量勁辣辣椒油大注大注地吸啜，辣湯爽麵紫菜同時嘴嚼，美味萬分夠刺激！牛筋腩撈麵走蔥，榮發辣椒油特上頂級，沒有給我挑剔的機會！晨早勁辣醒一醒，順道消一消怨氣！牛筋腩撈麵走蔥，忘記要求走筋，不過筋同腩都同樣美味超出色！

牛腩魚皮餃粗麵走蔥，非常明顯的自家魚皮餃，特大魚皮餃，甜而不腥，嚥韌帶彈，比外購貨好食多倍。鮮牛肉牛筋腩撈粗走蔥，大大碟真的實在太飽﹗仲諗住叫碟油菜食添。鮮牛肉牛筋腩撈粗走蔥，鮮牛跟粥檔滑牛一樣味道一樣質地。滑潺潺假彈，幸好沒有鬆到腍劈劈呢。勁辣刺激辣椒渣，掛在蛋香彈滑粗麵，食得滋味大滿足。

腐乳通菜，翠綠爽甜多汁，平凡合格無特別。腐乳醬味濃偏咸，撈勻再食好好多。紫菜湯走蔥，阿姐唔記得走蔥打回頭叫師傅挑走，莫非求其撈勻睇唔到就算？眼不見為乾淨嗎？還是蔥花一早已經沉底不知道呢？最後都要我襯手兜均勻，檢查清楚續粒挑走。爽爽甜甜，湯底清香不濁不咸，滿意可口，全數一滴不漏消滅掉。