鬼金棒

营业中

休息中

自選麻辣拉麵｜鬼金棒@kikanbo_hongkong 鬼金棒係連日本人都食嘅拉麵🍜嗰晚我去食，好多日本人同場‼️今次已經係我二訪鬼金棒啦，第一次食既時候一試就試佢鬼增辣（見圖），點知食唔到，今次試佢嘅中辣中麻沾麵😋終於食到佢嘅味🥹鬼金棒最大特色就係可以自選無、小、中、大、鬼增等辣味同麻味，好彈性！我唔得姐，但大家可以去挑戰下鬼增辣🤭全日正價餐牌🍽人均：$100-$150🕰時間：19:00（⭕️walk in但記得要齊人先可以入座）🍜 辣麻味噌沾麵（中辣中麻）$100加增量叉燒 $35沾麵口感同味道麵唔錯，但鐘意食辣嘅朋友都係建議揀返拉麵🍜先會令啲麵多啲辣度，同多啲辣湯飲。增量叉燒又肥又厚，真係好好食！🍜 增量叉燒辣麻味噌拉麵 （無辣無麻）$115加味玉 $15朋友唔食鬼辣唯有食無辣無麻，但係都唔係淡味，蒜香味噌都好出！味玉（睇片）係爆出嚟，好高質相信係日本蛋🥚推薦加味玉😋🍖增量叉燒 $35由於佢叉燒實在太好食，我哋忍唔住追加多一塊叉燒🤣大滿足‼️Bible rating: 8/10📍地址：鬼金棒 (銅鑼灣)銅鑼灣謝斐道530號地舖

我地叫左一碗辣麻味噌沾麵，小辣高麻，湯入面有叉燒、芽菜、粟米筍、仲有小量既蔥花。沾麵既麵底比拉麵既麵底係比較粗既，可能係容易令沾麵汁掛上麵啦🤩 叉燒好大塊好厚，大約1.5cm咁厚🤩 叉燒半肥瘦，食落唔肥膩，肉質好鬆不鞋口。湯汁雖然叫左小辣高麻，但我覺得唔算好辣，應該唔食辣既朋友可以試一試。除左食拉麵同沾麵之外，我仲另外叫左3個小食，味玉、增量叉燒、增量粟米筍。除左叉燒繼續發揮出應有水準外，另外2款小食都唔錯。味玉即係醬油溏心蛋，一咬落去蛋黃軟心就慢慢咁流出嚟🤩 雖然粟米筍沾麵同拉麵都有，但粟米筍呢款小食真係唔常見同埋都好爽好好味，所以忍唔住叫多個小食黎食喇！

呢間位於世貿附近既拉麵店相信都唔需要介紹😎，門口就有枝鬼金棒好易認。見朋友幾推薦呢間既拉麵，今日準時放工一於去試下。去到未到7點，唔使等位，食完出黎就排晒長龍😱。位置雖然唔算大，但紙巾、水呢啲都有提供，仲有埋圍裙，好貼心😍。🔅增量叉燒x2 辣麻味噌拉麵 ($135+$15味玉)揀左中辣小麻，唔好睇個湯咁深色，其實啱啱好😝，係日式既辣度同麻度😝。叉燒肥瘦相間，比例啱啱好，比普通叉燒厚好多但好入味👍🏻。麵條偏粗硬身，份量仲好多，正常女仔食量係食唔晒🙈。🔅辣麻味噌沾麵 ($100+$15味玉)呢碗朋友叫左揀左小辣無麻，佢仲怕好辣所以無撈晒啲辣粉😝，可以自己再調較下辣度。沾麵濃而不膩，唔係得個鹹字😎。沾麵既麵最緊要夠掛湯，呢間都唔錯👍🏻，又夠爽口彈牙。味玉好香蛋味，流心好正🤤。🔅無糖可樂 ($15)💬拉麵同沾麵都幾滿意，如果有埋餃子、炸物呢啲小食就好啦🥺。

鬼金棒嘅裝修真係好有feel，好似入咗日本滑畫入面咁，牆上面掛咗一個個鬼頭公仔真係好有氣氛。一行入去就閒到麻辣嘅味道。🌟 特製麻辣味噌拉麵鋪頭嘅招牌拉麵，我哋揀咗小麻小辣，食落的確唔太辣，相信好多朋友都可以接受。用上粗身拉麵，食落好有口感。叉燒真係好出色，夠晒入味而軟身。值得一讚仲有佢嘅溏心蛋，入面嘅蛋黃係橙色架，見到都流口水，而且同佢嘅比較油嘅湯底都好夾。🌟 辣麻味噌沾麵個人比較偏好沾麵，因為麵汁夠晒濃厚。揀咗中麻小辣，但老實講中麻同小麻嘅分別唔太明顯。佢嘅麵汁略帶小酸，食落好開胃，都真係值得一試。我仲追加咗增量叉燒，份量係一股叉燒嘅兩倍，真係大滿足。🌟肉飯除咗拉麵，我仲比佢嘅肉飯嘅賣相深深吸引，食完麵食個飯，特別食到米飯嘅甘甜味。飯面嘅叉燒又係超軟身，送飯一流。

👹過江龍辣辣麻麻地獄時刻👹推介指數 ❤️❤️❤️❤️🤍東京超人氣辣麻拉麵，主打辣麻元素配味噌湯底，嗜辣或麻都可以慢慢自選級別。5款麻度、5款辣度，總共變化25款不同口味。早前新登場的沾麵一直好想食，和朋友閒談間原來對爆茜拉麵有興趣，有腳開餐啦🥳🌶辣麻味噌沾麵 HKD100 (小辣小麻)✨秘製湯汁由日本鬼金棒秘製後直送到香港，自家製麵條爽口彈牙，掛上濃湯汁，忍唔住一口接一口～麻辣度容易入口，下次試下升level 先🤤🌿芫茜辣麻味噌拉麵 HKD110 (走辣小麻)✨和沾麵一樣均附送炒過的豆芽菜、玉米筍及慢煮叉燒，不同的是面層的芫茜。走辣小麻大慨是原味中加一點麻。🥚味玉 HKD15✨玉子經醬油醃製後淺啡色外表，弄開後湧出鮮橙色既流心蛋黃。蛋味香濃滑溜，且味道剛好。💢增量叉燒 HKD35✨和沾麵拉麵一樣的厚切日式叉燒，豬腩肉質地軟腍且滑，豬肉味香濃帶甜，脂肪部份更入口即溶。 #必追加🧊可樂/雪碧 HKD15@總結：-食物 ❤️❤️❤️❤️🤍環境 ❤️❤️❤️❤️🤍服務 ❤️❤️❤️❤️🤍.··🔖鬼金棒 (銅鑼灣)🪑銅鑼灣謝斐道530號地舖