老長沙湘菜館

营业中

休息中

《擂椒茄子皮蛋》$88雖然賣相看上去平平無奇，而且沒有其他菜那麼吸引，茄子和皮蛋非常搭，口感軟軟糯糯，再加上蒜、青椒和其他調味料，非常開胃，讓我們忍不住要叫上一碗白飯。《蛋黃四季豆》$100四季豆被金黃色的鹹蛋黃包裹着，一口咬下去沒有蔬菜的草青味，反而是鹹蛋黃的鹹香鮮味。四季豆脆嫩可口，鹹蛋黃的咸香恰到好處，不油不膩。《農家小炒肉》$128小炒肉絕對是湘菜的代表作之一，肉片炒得剛剛好，肉質鮮嫩，肥而不膩，搭配青椒和大蒜，香辣可口，也是一道下飯好菜。《傻老大農莊沙棘果汁》$28第一次喝，酸酸甜甜，是偏甜版本的酸梅汁，清爽解膩。

天氣開始越嚟越熱，於是都想食返啲開胃辣嘢過下隱😛😛今次就比我搵到一間非常正宗有鑊氣嘅湘菜餐廳🌶️🌶️佢哋嘅出品辣度十足，因此如果唔係太食得辣嘅朋友就記得同店員講要小辣或者BB辣啦！酸辣魚皮魚皮爽脆唔腥，調味酸辣爽口之餘好惹味，作為涼菜來講非常開胃。最尾比較之下發現呢個涼菜竟然係辣到最高嘅一道。爆炒腰花 平時都幾鍾意食各種內臟，但係處理得唔好就會好腥又好難咬。但店家炒嘅依個唔單止完全冇腥味，而且口感好嫩滑。入面配菜都用咗蒜苔，而唔係常見嘅青紅椒，可以見到出品都幾有誠意。農家小炒肉 豬肉有過油鍋輕微炸過嘅感覺，食落好嫩之餘，脂肪嘅部份亦都好香口😌😌入面青椒個份量有啲多，但係好彩食我都唔係辣，可以入口。酸辣雞腎 雞腎處理得爽脆又嫩滑，係第二度比較少見嘅口感。最令人驚喜嘅係入面嘅配菜酸蘿蔔，酸酸嘅味道搭配辣嘅基調好開胃。餐廳嘅面積唔大，繁忙時間都幾full下，所以如果想食嘅話就記得book位啦！

愈來愈常見d 商廈成躉都係餐廳，有時唔知食乜好，流連下呢d 大廈，睇下地下d 水牌，隨時有新發現。呢間銅鑼灣L Square o既樓上鋪，係食中菜的，鋪頭唔大間，間o左三個包廂廂房之後，出面大廳其實也只剩下三張檯，帶有私房菜o既格調。先來點涼菜，手拍青瓜($58 未加一) 同開胃雲耳($58) 用上高身一d o既碟盛載，感覺精緻。青瓜新鮮juicy，汁液有助中和辣度，而d 雲耳都幾爽口。都估到作為正式湘菜館，d 食物辣起上o黎可以非常勁！所以我地都特意同o左店方講所有o野食，bb 辣就ok～農家小炒肉($128) 非常棒，用上豬腩片，口感肥美，同埋個醬汁又惹味，送飯一流……窩窩頭我聽就聽得多，食就真係第一次，之前o係d 紀錄片中提到係熊貓都可以食o既食物o黎！農家窩窩頭($68/8 個)，佢似饅頭，但自身帶甜，啡啡地色，從英文menu 會揭示佢係由玉米粉造，就咁食已經幾好食；包埋d 餡，會多一種梅菜o既鹹味，但係又好鬼夾～鐵板水晶粉($98) 同埋瑤柱蛋白炒飯($88) 都係掠肚仔之選，前者因為比較多汁，實際辣度都幾高！水晶粉類似紅薯粉，佢除左加入椰菜絲同辣椒、肉片，沉低仲有隻炒蛋的。