昌發泰國粉麵屋

营业中

休息中

這家泰國餐廳真的能夠呈現出地道的泰國口味和食材。無論是從餐牌上的選擇，還是味道的表現，都可以感受到餐廳對於料理的認真態度。我們在復活節假期下午光顧此店，對於店內的座位和裝潢感到滿意。即使店面較小，但是店內的裝飾和氛圍卻非常舒適和溫馨。此外，餐牌有提供泰文、中文和英文，方便各種族群的顧客點餐。我們點了船麵，味道非常棒。這道菜的湯頭非常香濃，配料也非常豐富。此外，我們還點了鳳爪沙律和一個椰青，都非常美味。價格方面，我們點了兩碗麵、鳳爪沙律和一個椰青，花費約200元，價格非常合理。然而，我們對於餐廳的服務卻不十分滿意。服務員工並不是很熱情，且下單時需要自行填寫點餐單。此外，店內後面的座位沒有網絡，如果需要上網的話，需要坐在前面的座位。總體而言，這家泰國餐廳的味道和價格都非常不錯，是一個值得推薦的餐廳。但是，店內的服務和後面座位的網絡設施可能需要改進。

-{九龍城泰菜🥘}經朋友介紹試依間泰菜！黎到食個晚飯🙌🤤燒豬頸肉🤤($78)唔算話好燶邊 份量就正常偏少 不過個醬汁超辣😂😂👖褲評: 5/10🤤菠蘿炒飯🤤($68)好多海鮮！味道正常啦 菠蘿係新鮮嗰種有啲酸幾fresh!! 炒得幾香😎👖褲評: 7.5/10🤤遊船河🤤($58)有幾件牛肉片同丸 再配金邊粉超掛湯 湯底好香肉味唔味精🥰牛肉肥瘦適中😋果然係招牌😍🥳👖褲評: 8.5/10🤤泰式炒金邊粉🤤 ($68)入面有幾隻蝦唔算鮮食落普通 炒得乾濕度啱啱好👍😙酸甜味好出 重點係勁大碟😂係平時嘅兩碟好誇張！👖褲評: 8.5/10🤤泰東豬肉生菜包🤤($69)都幾酸同辣好惹味🤣😍生菜都多嘅 不過豬肉仲多🤓👖褲評: 8/10🤤馬拉盞炒通菜🤤($69)都係咁上下嘅味 不過咸啲啲 菜都fresh嘅！👖褲評: 7/10個椰汁珍多冰好好咬又夠椰香係必嗌的☺️仲有個船河真係必試😋🥳性價比: 8.5/10服務: 8/10環境: 7.5/10🚩 昌發泰國粉麵屋 🚩地址: 九龍城城南道25-27號地下 #fuudjai #fuudjai九龍城 #fuudjai東南亞菜

🇭🇰昌發泰國粉麵屋·呢間係我哋睇米紙見谷德昭推介 所以就跟住佢地黎食 估唔到真係幾有驚喜😈😈·乾炒海鮮河$65 l 遊船河$48佢個乾炒海鮮河真係超有鑊氣 炒出黎惹味得黎完全唔會油膩 我自己好鍾意😍😍之後佢入面海鮮既份量都好多 而且出奇地質感都唔錯🦐之後佢個船麵湯底都好濃嘅 而且入面啲配料都唔錯 不過佢呢個default係用一種闊身既卷粉既 我自己覺得唔算話好掛汁 大家可能轉返河粉會好食啲🫢🫢😂·#rbyeat#rby東南亞菜#rby九龍城·📍九龍城城南道25-27號地下

今日lunch過左黎九龍城搵食，黎到大名鼎鼎既昌泰。一入到餐廳已經充滿泰國既特色 — 熱！坐近門口好似冇咩冷氣咁🫠員工之間對話係講泰文既，同埋一坐低係真係聞到有陣泰國既特有香味，泰國回憶出晒黎！🇹🇭🇹🇭星期一至五既lunch set真係好抵食！全部都係$45 仲要包埋泰式凍飲！遊船河 配泰式奶茶 （$45）見到佢既船麵好出色，即刻叫番碗試試先！個湯底好濃郁好出色，真係同泰國食既一樣味🥹 我揀左卷粉，類似港式腸粉咁，第一次食的我覺得好神奇！ 滑係好滑 但略厭冇咁掛汁，所以我攤左左佢地黎食🤣麵仲配左豬肉片，肉丸同豬潤，餸都好爽口彈牙，呢個價錢 呢個份量 真係好抵食！鮮蝦炒金邊粉 配泰式奶茶 （$45）出面叫金邊粉閑閑哋都六七十蚊，呢度$45食到咁大碟真係超值！因為係即叫即炒，所以等得比較耐，但真係好值得！食落有鑊氣 又足料，賣相完全唔馬虎，仲有兩樣算大隻既蝦，推介！泰式奶茶就普通，有啲啲細杯，但呢個價錢真係冇咩好怨言🤣 熱辣辣飲真係透～心～涼～正價加左個炸蝦餅 （$69），外脆內彈牙，好實肉好好食！餐廳性價比高，下次會自備風扇仔再黎😋🤣👍🏻

去九龍城食泰菜必去昌發泰國粉麵屋, 既經濟又好味😋沒一次令我們失望🤗😙😙看完餐牌自行落單遞給服務員, 食物好快就會呈現在眼前😬木瓜絲沙律木瓜絲, 甘筍絲 蕃茄, 蝦乾仔, 花生, 豆角&新鮮生菜. 加埋沙律汁, 青檸汁&魚露撈埋一齊, 好味又醒胃😋冬陰功湯(細)冬陰功湯料, 湯內有蝦&草菇. 味道不太酸亦不太辣. 可以淺嘗辣味的朋友, 應該也可以飲到脆肉炒椰菜苗脆肉我沒吃不能comment. 另外椰菜苗, 我覺得比較硬身. 本人較為喜歡馬拉盞或鹹魚炒菜, 惹味一點😬燒豬頸肉豬頸肉肥瘦相約, 燒得非常好, 香口&爽口, 肉質又淋又多汁, 極力推介😋😋😋遊船河湯底好不用多說, 湯底濃味, 不油, 食完又不渴. 食過昌發粉麵的朋友一定知道😏 河粉是濶身那種, 連湯一齊食絕配👍鮮蝦炒金邊粉這個炒金邊粉就比較失色了, 味道平平無奇, 又沒有鑊氣. 泰式咖啡以泰式咖啡來說, 它是合格的. 若然你對咖啡好有要求, 它未能完全滿足到你我們4人總共叫了9種食物/飲品, 埋單都是$448. 各人食得飽飽, 又滿足😋😋 既經濟又好味用膳完畢, 還可以在店外購買一些食物/甜品回家中品嚐😬😬

想去食果間未開門做生意 唯有去另一間啦！遊船河$45 好多配料 豬肉丸 肉片 豬膶 等等肉片最好食 滑嘟嘟😋份量都ok 每樣餸都有2、3片 湯頭不算極香濃 但都唔差既 因為我偏好食一d重口味一點既河粉係泰國河粉 極寬！成塊手掌咁大片！自己選調味料同辣粉份量～最後就一定要叫返杯泰式既椰汁沙冰🥥 $35真係好smoothie呀！咁大杯既沙冰～飲左好似嘆緊冷氣咁爽！最愛泰國沙冰係唔會飲完d汁得返嚿冇味既冰山，而係成杯都好豐富多汁既smoothie😍係好濃厚既椰汁🥥

話說去到泰國食過一餐正宗街頭泰粉，好好食，返到香港好想搵番果種味道。於是今日同V小姐一齊去搵泰國粉。搵盡open rice 發覺原來香港真係好少泰國粉。但越粉就好多間。冇咩選舉下黎到九龍城呢間香港小有既泰粉店一於就試試佢。地方細細，但都幾熱鬧，叫左遊船河及冬陰公碎肉河。兩款中，雖然只有「遊船河」是比較同泰國既正宗味道。味道是不錯的，鮮甜及香濃，豬血湯補身一流。如果大家食厭了越式粉，不防試試泰國粉。會是另一好選擇。

我好鐘意泰國 年年至少都去一次今日泰國癮發作 當然要去9龍城行返轉啦天氣火辣辣 想食d濕濕地既野 泰粉Lunch time都多人食 佢有2間鋪 滿坐2個人Order左2碗泰粉 鴨肉湯河湯底味道濃郁 少少甜味白蘿蔔好林 好入味 好好食 得一塊豬紅唔會一夾就散 有豬紅既味道 哈哈 好味主角鴨肉唔得 好老 又干河粉就太厚 吸收唔到湯既精華 提議轉金邊粉遊船河湯底一樣好濃味 我鐘意 河粉一樣啦 太厚豬肉丸普通 豬潤好老 豬腩肉都有d老泰式黑咖啡好味 好似係泰國飲緊一樣

依個星期天氣十分之熱，高達35度！天氣熱就諗起泰國菜我叫左“遊船河“, 內有豬肉片，豬肉丸，豬潤，芽菜，通菜，金不換。湯底顏色呈黑色，原來係加左豬血，飲落口帶甜味，正！但豬潤煮得耐變鞋口。一送上即有香濃既咖喱香味，湯底呈紅色，其實係唔辣既（椰汁咖喱味），雞翼有4隻，肉質嫩滑，男朋友大讚成碗都好好味！成張單只係98蚊，好抵食！一定會再來！

接近收工時間收到朋友電話 話過黎同我食飯記得有個朋友同我講昌發既味道唔差難得朋友黎 有人陪 咁我就去試下喇 朋友叫左個遊船河湯底加左豬血所以湯既色澤比較深同埋味道較濃郁，配料有肉丸、豬肉、金不換和芽菜等等，而河粉較厚身!  鴨河味道同遊船河些無幾,但少左豬肉所以無咁濃郁鴨肉亦好入味! 豬頸肉醃好入味燒既外皮有D脆而內裡口感軟彈，沾埋佢地秘製辣醬，非常惹味昌發既選擇都幾多,份量唔少~而且價錢唔貴...低食!

車媽媽從來也是怕搭車,搭船的人遑論去遊船河但都唔係冇辦法嘅一於去昌發泰國粉麵屋吃碗遊船河還是可以啦~如果你們好似車媽媽一樣怕搭船又想玩水那10/4便要到九龍城喇是關那天係泰國的"潑水節"預備了濕身沒有呢haha!這天氣溫高漲先來碟{青木瓜沙律}$45,沙律吃下辣勁十足而且爽口非常作為開胃菜稱職得很~{燒豬頸肉}$78肉質軟淋有彈性沾上伴碟的辣汁好吃到停不了口,記得那豬頸肉汁要加上烤米粉先夠正宗這兒合格了^0^沙嗲(豬,牛,雞)$68試了雞肉串肉質頗淋沒有散收收的,沙嗲汁略帶甜口但我還是愛較辣的口味多點!!{椰青青咖哩海鮮}$108賣相優雅萬分,海鮮有青口,大蝦,魷魚等十分豐富但也未算最吸引,最吸引我係附滿青咖哩的椰青肉軟滑香甜帶幽幽咖哩香味迷人得很^0^{豬什湯河}$38材料豐富得很有泰式燒肉,豬腸,豬紅,豆卜而組成用上我愛食的粗身河粉,湯底深褐色濃香好喝不禁令人輕易愛上它^0^壓軸終於到{遊船河}$35出場,這碗比起豬什湯河更加濃郁的湯底用上花椒,八角,豬骨,芫荽根等多種香料淆製,但最

能在九龍城芸芸泰菜中站穩陣腳的老字號，自有過人之處。星期天專程來個小小泰菜之旅，喜歡昌發性價比高樸實無華，同時感覺地道。到達時已是下午茶時段仍然滿座，在隔壁的新舖兜一圈回來才剛好有位。我與同伴都為湯粉而來，選了必備的遊船河、豬雜湯河、馬拉盞炒椰菜苗和清邁豬肉生菜包。以爲湯粉快到想不到是生菜包先來，不知道餐牌上的清邁豬肉生菜包與泰東豬肉生菜包有甚麽分別，清邁豬肉生菜包除了肉碎，還有一點豬潤和豬皮，加入青檸汁清新醒胃，辣度不強，生菜新鮮水嫰，是個很不錯的惹味菜式。然後是馬拉盞炒椰菜苗，在家弄馬拉盞炒菜總炒不好，不及在外吃泰菜狠狠下重手調味，這裏的椰菜苗比較結實，馬拉盞鹹香配蝦米的鮮美，幾乎每次光顧也會點。遊船河的湯底加入豬血所以較濃郁，配料有肉丸、豬紅、豬潤等，金不換和芽菜等自不可少，河粉滑身連同鮮甜的湯底及滿滿的配料同吃，每一口也很滋味。我的豬雜湯河最遲來，原來是潮洲人愛吃的粿汁，雖然粿看來很像腸粉，不過水份較少，所以比較爽滑及沒河粉油膩，用筷子夾起有時會散開而掛上更多湯頭，更添滋味。而汁，則是滷豬肉和內臟之後剩下的湯。豐富配料有豬脷、豬腸、豬紅、豬潤、豆泡和滷蛋等，滿足感十足。吃飽飽結

看過食評後滿懷希望前來吃泰式粉麵，二人點了鴨肉湯河、遊船河、馬拉盞炒椰菜苗、燒烏頭、芒果糯米飯。先講招牌遊船河不過不失，不能稱得上很美味，只是一般。鴨肉湯河，鴨肉非常硬，又厚身又瘦，好似煲完湯的湯渣完全食唔到，結果我只吃河粉，好像淨河一樣。燒烏頭，魚肉好乾，又係失望之選。馬拉盞炒椰菜苗，最好食係呢味，但細碟。芒果糯米飯，芒果甜，好吃。

因為只係想食碗簡簡單單泰國粉麵所以上網睇下邊間泰國野好食見到呢間食評幾好　遊船河個名又幾趣致好 一於試呢間最近處於減肥狀態不易食濃味野 雖然見到網友大讚遊船河但為左唔破壞減肥計劃 都係清清地 食個札肉檬算lumenu上只係寫左可選河粉,米粉,全蛋麵 就係無我想食既檬粉膽粗粗問下有無檬粉啦 泰國姐姐話：「有!有泰式檬粉」心諗泰式檬粉同越式檬粉有分別咖咩　札肉檬粉送到 依？原來泰式檬粉即係我地食開既米線$23呢個價錢真係唔錯雖然個碗大 米線少 不過對一個女仔黎講都算岩岩好(最緊要係可以留返個肚食糖水啊嘛)札肉都算多喇 有成五塊都幾厚切添 一咬 札肉鎖緊左豬肉既汁而且彈牙 真係唔錯碗野又有芽菜又有類似通菜既物體 真係好喇 感覺健康好多呢個係友人order既遊船河(我鐘意呢個名!!!)點知原來係好多豬潤 友人係唔食豬潤既 所以佢只好夾哂出黎 我見都有幾多片佢話個湯底真係好好味 夠濃夠香河粉比一般食開既粗 口感亦好好係其他配料無乜特別整體都係好既 !果然唔錯見menu仲有幾款都想試彩虹湯河？不得不提係呢間野真細心一坐底就放低兩杯冰水!可能知道有食客會唔受得辣!well done!

上星期一，又好想食泰菜。於是義工過後，就兩個人去九龍城食泰菜。十二點半到，無咩人，有d泰國人。要了一個海南雞飯、遊船河同青木瓜沙律。海南雞飯先來，有個蘿蔔清湯。份量好多，連後面個男人都食唔晒成碟。雞飯同馬來西亞嗰d有d唔同，無咁濃雞油香。但就好香香草味。飯粒分明，可口。雞不會太肥，多肉，好香，好嫩滑。遊船河，好多時都會食。鍾意佢濃底夠濃味，也帶鮮甜，也有香草味。有肉丸、肉片同豬潤。肉丸不錯，豬潤唔太老。河粉粗粗的，但唔係一片片，都不錯。仲有通菜同芽菜。青木瓜沙律，辣到噴火。我地都算食得辣，但都辣到噴火！青木瓜爽口，醬汁酸酸辣辣，但略嫌唔夠酸，可以自行加辣椒醋。