怡紅院火鍋料理

营业中

休息中

今晚約咗好飲得嘅朋友去老蘭happy吓，不過年紀大真係唔敢貿貿然入去，於是就約定朋友喺附近嘅怡紅院火鍋料理打個厚底邊爐先。其實呢度都經過三四次，見到門面好靚，不過一直都冇機會嚟，原來唔單止門面靚，裏面嘅裝修都好有特色。九宮格嘅調味盤排列整齊，我特別鍾意佢嘅沙茶醬真係好香。呢度嘅養顏濃厚花膠雞鍋出名正，入面仲會跟半隻雞，雞肉鮮嫩，雞湯香濃creamy有膠質，我同朋友每人飲咗三碗先肯開始打邊爐。另外仲可以揀鴛鴦鍋冇額外消費，所以我哋就揀咗城寨特濃沙嗲鍋，呢個沙嗲湯味道非常濃郁，最適合做返個沙嗲牛肉麵。打邊爐當然要食牛肉，兩口子選擇咗半份嘅手切本地牛頸脊，其實份量都已經相當豐富，佢嘅油花平均，肉味夠濃，又有趙口，真係好值得俾呢個價錢享用。另外丸類我哋就揀咗怡紅丸麻辣牛丸，紅卜卜嘅牛丸，原來麻辣味都相當濃郁，如果鍾意嘅就應該會覺得幾正。蝦肉粒蝦滑呢個名一啲都冇改錯，彈牙嘅蝦膠入面有大大粒嘅爽口蝦肉，口感真係一流。韭菜餃係佢哋自家製嘅餃子，隻隻飽滿，食材又夠新鮮，就已經係一隻完美嘅韭菜餃。特色菜籃真係各適其適，應有盡有，放入花膠雞湯入面就更加突顯出蔬菜嘅清甜。遍地黃金炸魚皮其實係一個惹味小食，每

早前約左朋友去怡紅院滾 一聽到個名已經相當期待 當日去到果然無令我地失望 裝潢古式古香 一椅一桌 一碗一碟 每個位置都經悉心構思 連餐牌濕紙巾都相當特別 彷如置身古代青樓 特別鍾意包廂既位置 好有私人空間講咁耐 其實怡紅院係一間火鍋店 除左特色火鍋湯底 配料 小菜 亦有供應多款雞尾酒 Like fb同ig仲可以免費換取$38既飲品 (有啤酒有wine)▪️養顏濃厚花膠雞 $438女仔最想就係保持皮膚靚靚 毫不猶豫揀左呢個養生花膠湯底 估唔到花膠都有一定厚度 份量亦唔少 湯底非常鮮甜 大家都忍唔住飲左成碗足料雞湯 同食左好多件嫩滑嘅雞 先開始打邊爐▪️手切本地牛頸脊 $388家姐大力推薦 牛頸脊薄薄一片 質地嫩滑 香濃牛味 就算唔小心滾耐左 都唔會變到好韌 依舊嫩滑▪️自家製黑松露蟹肉餃 $68餃子皮薄有咬口 入口陣陣黑松露香入面加有爽口蝦肉 蟹肉 菇 口感豐富▪️䈑筍蝦滑 $88蝦滑口感彈牙 當中加有粒粒䈑筍 增添左唔少口感▪️爆汁皮蛋貢丸(半份) $48 咬開無想像中咁爆汁 不過餡料份量十足 入口薑味超濃 有些微皮蛋碎粒 貢丸厚度相對較薄 微微彈牙▪️遍地黃金炸魚皮 $88炸魚皮香脆唔油膩

今年生日相約了幾位朋友和我來到怡紅院叫花姑娘！講笑，那裡來花姑娘，不過真的去了怡紅院打過非常美味的邊爐！朋友一早預訂了「含春閣」這個包廂，幾個女仔不斷在這個包廂笑到傻！餐牌的名字也很玩味，非常搞笑！由於我們點了太多食物的關係，我就揀選幾款跟大家說說！sour plum soup，這款名為酸梅湯的酒，飲落去真係好似飲緊酸梅湯，完全好適合女仔飲，非常開胃！養顏濃厚花膠雞湯底，這個湯底非常濃郁而且好足料，足足用上一隻雞和數量不少的花膠，湯非常鮮甜而且好有黏度，雞肉嫩滑，我們每人都飲了兩碗以上才開始打邊爐！你最牛拼盤，包括了多款牛肉，手切騸牯黃牛金花展、封門柳和吊龍，還有澳洲和牛粒，拼盤份量都幾多，而且牛肉都好新鮮，好濃牛肉味！遍地黃金炸魚皮，魚皮很脆，咸蛋黃不會太多，味道剛剛好，魚皮亦不會有好漏的感覺！桂花蚌，鮮甜爽口，感覺都幾新鮮！花甲，份量多但有少少失望，全部都好多沙！還點了不少蔬菜，冬瓜和淮山配上這個湯非常鮮甜惹味！總括來說，裝修佈置以至餐牌都很玩味懷舊，而且食物都算新鮮，味道也不錯，雖然價錢偏貴，但慶祝生日或特別日子食下的確不錯！