道頓堀御好燒專門店 (朗豪坊) (已結業)

21314！好耐以前就好嚮往好似D日本師傅，拎住個鐵剷左鏟右鏟，今次我終於都成為大阪燒達人了依間野開左一段時候喇，佢地有好多款 ，視乎唔同御好燒類型同材料，價錢都唔同 ($78~128)。我地叫左兩份御好燒，再加多份小食同野飲。店員會教你燒熱個爐，比材料同timer你，之後就自己落場整。(朋友笑稱依度店員非常好撈😂)每份材料都好企理地用碗裝住，撈幾撈、倒上鐵板、等一陣就食得，非常方便！我依份 道頓堀雜錦($98) 有齊豬肉、海鮮、雞蛋同Tenkasu，份量其實唔會好大，一人份黎。道頓堀雜錦（其實亦即係大阪燒）製作方法係將材料再倒落去煎，中途要反面，然後再淋大阪燒醬同蛋黃醬。就係正常地好食既味，好食過連鎖間「秀吉」 四成左右啦。因為keep住係鐵板上煎，包保可以熱辣辣咁食，醬料又可以自己調配。話說香港有好多人唔識分「大阪燒」同「廣島燒」，雖然兩者好似差唔多味，但廣島燒既製作方法係比較複雜。首先後者係要加埋「廣島炒麵」整；其次係麵糊同料要分開炒，再層層疊高成餅型。而唔係好似前者一開始就攬勻曬pat糊。叫左平日較少見既 明太子年糕文字燒($78)，估唔到比起大阪燒我更鐘意佢！食文字燒就係食一

記得六、七年前，禮頓道上便有一家自己動手做的御好燒店，當年還是中學雞的我，自然被這個gimmick吸引去玩。翻查資料，原來當時已索價$85元一底，還未計配料，店舖站不住陣腳應該也有原因。想不到七年後，我和朋友仍在吃這個玩意，果然潮流是會不斷重複的。道頓堀御好燒專門店從開店以來都門庭若市，更迅速加開幾家分店。選擇平日晚上聚會的我們，都等了約20分鐘。一行五人，餐廳安排了房間位置，枱中間置有大鐵板一塊，便是今晚的地獄廚房舞台。用餐時間90分鐘，我們馬上點起幾款食物，「急不及待想玩玩了」。道頓堀雜錦、雜錦広島焼正確來說，這叫作關西風御好燒及廣島風御好燒，稱「大阪燒」其實已經不全正確，更千萬千萬不要稱「廣島燒」。廣島被投放原子彈的歷史，大家應該都有耳聞，所以「廣島燒」這個說法像是說城市被燒，正踩中不少日本人的禁忌。回到正題，兩款御好燒的最大分別在於做法：關西風是把材料全都混在一起才去煎，廣島風則分開數層處理。餐廳提供了不同御好燒做法的說明，所以客人可以跟步驟製作，DIY屬於自己的食物。對於不時在居酒屋看師傅做御好燒的我，當然難度不大，在醬汁上拉花還是輕鬆的。材料及味道則沒太大特別，跟平時吃到的