滿記甜品

营业中

休息中

呢間滿記由佢o岩o岩開無耐，到依加，都唔知食過幾多次😂次次都係為佢個宮廷奶酪而來，食過一次就愛上😍今日咁o岩去開附近，所以又來幫襯😏去到餐廳係五點半，時間尚早，未係糖水時間，所以都幾多位~呢度係要去收銀處買左野食先入座~我地今次叫左🍶酒釀宮廷奶酪、🥚熱窩心冰糖燉蛋跟芝麻湯丸~坐低冇耐，兩個甜品就上枱~不過今次有D愕然🤦‍♀️🍶酒釀宮廷奶酪 ($35)之前食開係用金屬碗好靚咁上枱~但今次唔知點解會係外賣膠碗，全無美感🤦‍♀️所以扣左一粒星😂但味道上同之前冇乜分別，一樣咁香酒味同咁滑😍唔會好甜，入口即溶，每一啖都好滿足😍記得之前有次，姐姐有問夠唔夠酒香，洗唔洗再加少少酒😂鍾意酒味重嘅朋友可以試下~🥚熱窩心冰糖燉蛋跟芝麻湯丸 ($37)呢個有凍同熱可以揀，湯丸都可以揀芝麻或者花生餡~我地揀左熱食跟芝麻湯丸~上枱幾靚，燉蛋鮮黃色，再加兩粒湯丸~芝麻湯丸外皮黑黑地色，幾得意👍湯丸皮煙韌，餡幾多，好食😋🥚燉蛋好重蛋香，幾滑~不過略嫌甜左少少，如果冇咁甜就好完美了~兩個甜品加埋 $72~食物上我覺得係絕對高質，如果唔係都唔會不斷幫襯😜服務上，今次正正常常啦~

不嬲都話甜品係放第二個胃，所以食完午餐無幾耐我哋又食甜品喇🤣。我從來無食過「滿記甜品」，呢日終於開齋，皆因佢個麻糬我好想食，二嚟樓面個阿姨幾熱情招待。舖頭環境半開放式，高枱同矮枱都有。如果坐滿人會好逼，但而家下午茶時段直頭係我哋包場咁濟😜。原來佢嘅甜品唔算貴喎，大部份都係$40樓下有交易👍。揀好食乜，再自己走去收銀處落單畀錢，不過甜品就由店員送上😊。我哋叫咗兩份甜品都唔駛$80，抵喎，又可以歇下腳🦶。酒釀宮廷奶酪($35)，奉送糖不甩兩粒。呢個齋講個擺盤已經好正啦😍。餐廳用個圓形托盤放啲甜品，感覺有啲和風。同時，奶酪同匙羹都係金色系，唔通配合番「宮廷」二詞？酒釀奶酪味道超濃烈，又夠冰凍，勁正😋。奶酪食落嘅口感同眼見嘅形象一樣咁滑，質感唔會太水，能夠留在口腔中一陣子。呢個甜品叫「奶酪」，而唔係叫「奶凍」，佢嘅命名十分正確✅，因為甜品帶有一份乳酪雪糕Fro-yo嘅微酸滋味。再者，我亦估唔到奶酪嘅酒味咁出，絕不欺場！糖不甩🍡係送嘅，價值唔高，但就能夠令客人覺得成個感覺圓滿好多。$35一碗奶酪，價錢正常，但加配多兩粒就變得抵！糖不甩口感煙韌，並無內餡，主要靠出面嘅黑糖漿同芝麻花生碎粒🥜帶出味道

趁平日早收工，約左朋友係南昌V walk呢個新商場睇戲。經過滿記甜品，熱情既店員好盡心咁介紹佢地既店舖特色，全鋪得9款甜品，以蛋為主要。又推介比我佢地既必食甜品，所以趁朋友未到，我都坐低試試。今次嗌左個“酒釀宮廷奶酪”，當然呢個係店員特別推薦的，中式燉奶混合左少少既花雕酒，奶味同酒味配合得很好。店員亦提出如果覺得酒味不足，可以添酒試左原味既奶酪，忍唔住麻煩店員添酒，加酒後，花雕酒既香氣四散，奶酪既酒味更加濃郁，不過我覺得原來會更加食得出原來的奶味。食左一半，店員請我食左半隻佢地既溏心醉蛋，每口雞蛋都有少少既酒香味，非常之好味，鐘意食溏心蛋既朋友絕對唔可以錯過呀!

這已是我第二次光臨這店 。因今天是星期日，店內已坐滿人。我點了餐後便往一個企位處等候甜品。今次點了“酒釀宮廷奶酪”。不需30秒甜品便到。 上次那位熱情的店長(?)出現，也認得我。她說如果酒味不夠，可以加一點酒。她說著邊去拿酒。我趁這個時候，先吃一口原味的奶酪。這中式奶酪像西式的奶凍，不過他們的沒有西式的那麼甜。 奶酪口感很滑，還有淡淡的花雕酒香。店長回來為我加了一小匙羹的花雕酒 (10年)在奶酪上面。我再試一口。果然酒味濃了很多，但我覺得額外加酒雖然會增加酒香，但是酒味蓋過了奶酪本身的甜味和奶味，反而不好。我覺得在無添加的情況下的甜味、奶味和酒味已拾到好處。另外我也和店長提議，希望他們可以在枱底下安裝一個掛袋的鉤。事關我今天是游完水過去，企著時拿著大袋吃甜品總覺得有點不爽。希望下次再光顧這店時可用到這些鉤。臨走時，在前台幫忙落單的店員很熱情地 笑著跟我說 “再次光臨”。我覺得這店的店員服務很好，應該是經過專業的訓練。在這樣的環境下吃甜品，感覺很開心 😋