廣麪子

营业中

休息中

行完書展，過嚟食個早飯先返屋企清湯切腩湯麵 $50馳名清湯腩，當然要試，望過食評，知道呢度出品份量足，所以點咗扣底，麵底都仍然唔算少切腩魚片撈麵 $64承傳筲箕灣麵店，魚片亦係日日新鮮炸，切腩少肥得嚟，軟腍重牛味，難怪晚飯時段七點左右已經售罄，想食嘅，要早啲喇～蠔油菜 $26酥炸魚皮 $26標磅每日新鮮製造，酥脆香口，份量唔少㗎，絕對係必點嘅人氣小食消脂青檸 +$18/杯即青檸梳打，推介走甜，每杯半粒新鮮青檸，解膩，消暑又消脂，健康飲品之選西多士 $28最後加多件鮮油西多，即點即製，上枱時目測有5cm厚度，好耐無食過，見到都開心

放工食埋嘢先返屋企，入咗呢間筲箕灣老字號麵店嘅分店，新式枱櫈，傳統風味。切腩四寶撈粗 $70參考過食評，呢度嘅粉麵份量好足，所以我哋嗌咗扣底，轉跟入味而爽脆嘅爽腩，爽腩軟腍入味，四寶有魚蛋丶魚片丶雲吞丶牛丸，魚製產品的確係好味啲切腩墨魚丸麵 $52 墨魚丸較厚實蠔油生菜 $26酥炸魚皮 $26聽聞係日日鮮炸，香口酥脆，件件均稱，一件接一件，唔覺得油膩鮮油奶多士 $16香脆厚切多士，1/2cm厚既鮮油，加埋練奶，必食！凍檸茶 $22凍檸樂 $22

鮮呢個字永遠離不及魚，我覺得係上帝非常成功創造既生物之一，而呢間灣仔老字號「廣麪子」已經有50年歷史，佢地既魚皮、魚片都係每日堅持新鮮炸，加上必試佢地祖傳用上10幾款材料自家製成既辣椒油，一定翻唔到轉頭，係屬於經典既味道。👇🏻📌麵 食 -▪️ 切 腩 魚 片 撈 麵 - $62▫️ 第一碗必試「切腩魚片撈麵」，切腩肥瘦適中，肉質軟腍完全唔韌，而且相當入味，仲有魚片非常爽彈，咬落仲帶淡淡既魚鮮味，好食；粗麵撈左d甜豉油，麵條質感有咬口，鹹中帶甜，仲附上碗清湯減膩，高水準之作！叫左杯凍檸檬可樂，加埋冰底一個字爽！▪️ 切 腩 四 寶 湯 粉 - $60▫️ 第二樣必食就係「切腩四寶湯粉」，話明四寶一定唔少得牛丸、雲吞、魚片同埋魚蛋啦，份量十足，加埋切腩擺底，基本上係相當飽肚，河粉又夠滑身，加埋廣麪子自制既辣椒油，份外惹味呀；餐飲揀左杯鮮忌廉朱古力，面頭厚厚忌廉，加埋朱古力，口感即肯幼滑不少。📌小 食 -▪️ 酥 炸 魚 皮 - $26▪️ 鮮 油 奶 多 士 - $16▫️ 另外招牌「酥炸魚皮」不得不嗌，每日新鮮製造，最精彩係會附上清湯，for你乾濕兩食，乾食好鬆脆香口，濕食帶出更強鮮味，點都好食；而「

香港食粉麵當然唔少得喺筲箕灣東大街嘅安利大排檔，原來喺灣仔開咗間副線，無論價錢定係食物都同安利差不多，店內位置不算多，但都算坐得舒適，而且地理位置都幾方便，距離地鐵站幾分鐘路程。1️⃣ 酥炸魚皮 $26炸魚皮非常鬆脆，而且唔會好碎，會跟一碗湯，拎個魚皮去浸一陣再食，又有另一個口感，完全唔會覺得油膩。2️⃣ 切腩四寶撈幼 $68黎到見到唔止四寶，其實係五寶，包括切腩、魚片頭、雲吞、魚蛋同牛丸，切腩質地非常軟淋，魚片頭非常彈牙，雲吞皮薄餡靚，雖然係幼面但係都非常爽口，配埋個豉油同麻油，香濃又唔會太咸，味道好正🤤3️⃣ 淨魚蛋魚片 $40招牌魚蛋同魚片，彈牙又有魚香，湯底清甜有魚味，配埋佢鎮店之寶自家製辣椒醬，非常惹味，食到唔停口😋4️⃣ 鮮油奶多士 跟餐+$26連飲品見到隔離枱食好吸引，我地又叫咗個鮮油奶多士，厚多士咬落香脆得黎又軟熟，中間一層厚厚嘅牛油，好邪惡呀😈加埋恰到好處嘅煉奶，真係不得了💯