Cafe Paradise (砵蘭街) (已結業)

偶然來到太子區探朋友都會想起到扒房吃飯，可惜這裡原本的”飯堂”早已結業，在心念著西餐的同時，偶然找到這間Cafe Paradise ，眼見餐牌食物頗合心意，於是毅然一試。餐廳內部不大，但相當有格調。食物選擇亦頗多，但主要都是推介晚市套餐，套餐包括餐湯、前菜、主菜及飲品，算是十分豐富。餐湯是南瓜忌廉湯，南瓜味濃厚，但調味稍為偏鹹，略重口味。主菜BBQ烤焗西班牙豬肋排份量比較小，但BBQ醬汁非常惹味，而且豬肋排烤得夠乾身，鎖住肉汁，保留豬肉的甘甜味道，非常美味酥香軟殼蟹牛肝菌義大利飯賣相吸引，牛肝菌醬汁香濃，充滿芝士和香菌味，飯粒煮得好有口感，美中不足的是軟殼蟹略為不夠酥脆。這裡的晚市套餐經濟實惠，味道亦相當不俗，絕對值回票價。

經過Cafe Paradise 好多次，今次終於入黎試純白色嘅門面已經好吸引，加埋入面Tiffany Blue嘅牆身，好鍾意呢兩種顏色嘅配搭Menu有set dinner或者散叫，有選擇困難症既我緊係揀set dinner，因為已經包括晒餐湯，沙律，主菜及甜品餐湯係忌廉湯，忌廉湯裏面加入左薯蓉， 味道都唔錯，沙律菜都好新鮮好耐冇食過軟殻蟹，所以就揀左個酥香軟殼蟹牛肝菌意大利飯$138意大利飯個忌廉汁香濃又creamy，軟硬適中，有原隻軟殻蟹，炸得好鬆脆，整體唔錯套餐包括嘅甜品係芝麻雪糕，但係就可以加$25轉做其他甜品，而我就揀咗心太軟，雲呢拿雪糕再配埋朱古力蛋糕，真係一個天衣無縫嘅組合，而且個心太軟真係流心架

-朋友好醒目咁😎在前一日訂定位， 如果唔係今日happy friday肯定要等好耐先有得入座。因為眼見門口好多人等。 環境坐得舒適、好有情調😍， 好適合情侶💞、朋友、家人聚腳嘅地方。服務態度一流，講解詳盡👍。 Set Dinner：酥香軟殼蟹🦀牛肝菌🍄意大利飯 （$138）有是日餐湯、田園沙律🥗、 是日甜品、 餐飲。 軟殼蟹係成隻上， 炸得好鬆脆。 意大利飯煮得夠creamy，味道適中， 飯嘅溫度夠曬熱。 帆立貝墨魚🦑汁燴意大利粉（$82）🍝： 意粉食物好煙韌，配上墨魚汁好入味。 加埋有蒜蓉粒一齊炒， 入味到暈。黑松露薯條（$43）： 最鍾意薯條係粗薯條，食落口好豐富呀。 黑松露真係好黑松露， 代替茄汁嚟點薯條簡直絕配！！！朱古力心太軟🍫🍧 ［甜品方面可以加$25轉朱古力心太軟 movenpick 雲呢拿雪糕。］：呢個心太軟真係好味得過份！！！😋 出面少少脆、個皮好軟熟，一篤入去，啲朱古力漿湧出嚟‼️‼️ 本身我諗住同個朋友share一人一半，但係真係好好味。 食下食下...... 唔覺意食到只淨一小淡嘅份量留畀佢食👉👈。==========地址：太子砵蘭街412號地舖

今日約咗老母去太子食飯，上一次去咗界限街間cafe paradise，今次就去咗砵蘭街嘅分店，其實兩店只係一條街嘅距離。餐廳左右兩邊靠牆，環境舒適，比界限街較寛敝。砵蘭街嘅分店都有一幅牆貼滿晒即影即有相，呢個算係cafe paradise嘅其中一個特色。我同老母各叫一個set dinner。Set dinner附送餐湯同沙律。湯係牛肝菌忌廉湯，唔會太稀。我叫咗酥香軟殼蟹牛肝菌意大利飯。軟殼蟹炸成金黃色，非常香脆。意大利飯嘅口感非常好，煙煙韌韌，調味亦恰到好處。老母就叫咗烤焗西班牙黑毛豬肋排，擺盤好似一幅藝術品。豬肋扒非常大件，肉質鬆軟，配上旁邊嘅翠玉瓜、薯蓉、燒菠蘿，份量非常足夠。Set dinner加$15就有特飲。我當然唔執輸，叫咗杯凍薄荷朱古力，薄荷味非常清新，加上朱古力甜度適中，而且夠晒大杯，抵飲！老母就叫左洛神花茶，非常寫意。最後仲有豆腐雪糕食！

Café Paradise係一間西式餐廳，鄰近地鐵站，一出站口左轉行幾步就到，超方便時值12月，轉眼就到聖誕，店外店內都佈滿聖誕裝飾，精緻又吸引一踏入餐廳範圍，更見心思，連座椅背都套上聖誕帽，室內播放住耳熟能詳又柔和嘅聖誕歌，成個氛圍充滿濃厚聖誕氣氛~而室內溫度比街外高，入到餐廳後，感覺就好似去到另一個溫暖悠閒嘅空間餐牌都有好幾款，飲品menu仲好靚點咗1份set dinner先上餐湯&沙律沙律係一般雜菜沙律，反而餐湯南瓜湯比較出眾用南瓜打至流質蓉狀，仲加入其他蔬菜粒，飲落有啲質感，每啖都有明顯南瓜香甜，令人飲唔停口主菜係香酥軟殼蟹牛肝菌意大利飯首先一上枱擺盤造型精美，加分炸軟殼蟹的確香脆，不過個人覺得油味略重咗少少，令軟殼蟹嘅味道失色咗意大利飯被醬汁粒粒包滿，味道十分濃郁最鍾意佢有別於以前食過嘅淋身意大利飯，爽身有咬口，連埋帶有獨特香味嘅牛肝菌一齊食，實在每一口都係難得嘅滋味！最後由一份小小甜品作結係一球小而紮實嘅豆腐雪芭上枱時非常堅硬，連容器都係凍冰冰，應該係成份甜品連容器喺雪櫃雪住備用，令甜品保持低溫，減慢溶解速度不過要食嘅話，最好叫侍應提早上枱，室溫擺一陣會比較容易動匙食用雪芭