日喜樓 (已結業)

因為有大肚朋友，為左坐得舒適，所以選擇呢到。除左冷氣凍啲，基本上都好好。招呼都好周到。酸菜班塊超好食，夠酸夠辣，料又夠多(例如：水晶粉、芽菜)，班塊又好食。價錢同味道成正比。醉雞 同 生炒骨 上次食百碟宴已經食過，超正再點生煎包因為上次分唔到無機會食，果然係肉汁滿滿，搞到朋友一身都係菇湯菜苗真係好好食，但佢既好食程度同價錢成正比清炒萵苣有鑊氣服務好好，環境都唔錯，係冷氣勁凍。仲有個廁所好臭，臭到想嘔。

之前一直想食日喜樓鼎鼎大名嘅百碟宴，但今次得兩個人，所以擇日再戰，今次試下其他菜式先。日喜樓位於basement，樓低高，面積大，裝修無乜特別但座位十分寬闊，我地坐係梳化位特別舒服。餐單係ipad入面，與時並進。一開始叫左碗陽春麵，大大碗非常簡單，旁邊有大量翡翠苗。四喜臨門係四種味道嘅小籠包，包括原味、蒜香、九層塔同茴香。整體小籠包皮薄幼滑，蒜香同九層塔最啱我口味。見到電子餐單推介宋嫂魚羹，當然唔執輸叫一碗試試。魚羹非常足料，內含筍絲，冬菇絲等等，口感豐富，整體味道酸酸辣辣，夠晒開胃，作為第二道上菜非常合適。爆汁牛肉餡餅果然名不虛傳。外皮香脆，作為餡料既牛肉非常多汁，一咬開果下啲肉汁噴出黎。女友最鍾意食酸菜魚，所以叫咗酸菜斑片俾女朋友，每一片啖啖肉冇咩魚骨，湯底既辣度同酸度非常平衡，配材亦有冬菇、鴻喜菇同埋薯粉，略嫌班片唔夠酸辣。日喜樓近日出左推廣，以優惠價$159叫半隻北京填鴨加12件薄餅。薄餅口感煙韌，鴨肉嫩滑，油脂味香但唔覺太膩。鴨肉連埋大蔥絲、青瓜絲、甜麵醬，用薄餅夾埋一齊食。下次再嚟將會係我食百碟宴嘅時候。

Wohoo.我哋孖寶最愛嘅星期五終於嚟到喇！習慣性地星期五晚都想盡量留俾對方，搵間好餐廳慰勞辛勤咗一個禮拜嘅自己😈 今晚就專程過海試新野😻發現呢排多咗餐廳用iPad去show餐牌，響應環保♻️ 抵讚！酸菜斑片，嫩滑的魚片，去骨後切成薄片，酸菜鹹度適中，除左魚塊非常好食，湯底亦十分美味，加入菇菌、寬粉爽韌彈牙，一齊食更加滋味。爆汁生煎包，皮薄底脆，湯汁唔會太油膩，令人越食越上癮。雖然店員已經好窩心咁預先提醒我哋要小心爆汁燙到口，但心急嘅我....到家下都仲有d痛😂😂不過咁好味，我下次都係會食嘅🤣 意外地發現餐廳竟然有香酥鴨食，而且人少少仲可以叫半隻添👻 因為聽人講香酥鴨係一道功夫菜。咁我地孖寶又點可以錯過呢😋 果然冇令我地失望，外層脆口酥香，內裏肉質幼嫩，而且鴨香四溢，正呀👊🏻賽螃蟹又係另一門功夫菜！成日聽人講其實只係蛋白模仿蟹肉，咁你就錯喇🤨日喜樓竟然用上真嘅蟹肉伴以蛋白煮成呢一道賽螃蟹🦀️，蛋白炒得滑溜，啖啖鮮味，真係好有誠意！本來仲心大心細叫唔叫呢道菜好😌孜然同羊肉可謂完美配搭，因為孜然粉可以去除羶味，辣得過癮😹今晚呢一餐簡直就好似味遊中國咁，食暈晒中國最出名嘅幾道名菜！以後放假仲駛乜

2019年3月10日。雨。銅鑼灣。呢日有小小雨，凍凍哋，所以放棄食最愛嘅日本嘢，嚟食呢間新開無耐嘅日喜樓～餐廳新開張期間有85折！抵食！位置喺登龍街，正正就喺鵝頸橋對面落一層就到餐廳啦～座位非常闊落～中間有幾張圓枱，側邊嘅就係梳化位咁啱見到其中一枱圓枱客食排場十足嘅百碟宴效果真係幾震撼～坐得好舒服～落單前先用iPad睇餐牌，環保得嚟又唔怕舊～感覺仲會高級啲添～菊花茶，$12每人茶位費$12，咁選揀當然唔止菊花茶啦～仲有各類常見嘅普洱、鐵觀音嗰啲揀嘅～茶壺上面都印咗餐廳logo滲入咗傳統天圓地方嘅哲學～酸辣海參羮，$58酸辣程度唔算高，用料都幾足～會見到一嚿嚿嘅海參，仲有雞絲、木耳絲同筍絲咁～酸酸咁，幾開胃～薺菜雞絲炒年糕，$98年糕有埋咁上下厚度，但口感超級軟糯～鍾意食煙韌嘢嘅朋友一定要試下年糕～因為配料只有薺菜同雞絲，味道較清淡而且店員主動送上桂林辣椒醬，嗜辣嘅朋友撈埋落去個年糕度食，即刻增添惹味～酸菜斑片，$178呢個餸帶少少辣，而且其中一款青色嘅辣椒同酸菜顏色好似，食嘅時候要小心留意下～斑片嫩滑可口～無骨啖啖肉～啱晒唔識吮骨嘅我～呵呵～除咗斑片，不得不讚下啲配料！酸菜故之然好味啦