十二味 (如心廣場二期)

营业中

休息中

從前很少嚐辣和酸菜魚的我，自從認識了男朋友後，吃的範疇擴闊了，今次是我第六次酸菜魚，不過光臨十二味還是頭一次。和男朋友加他的朋友三人行，點了一份酸菜魚和香辣土豆絲，呈上酸菜魚時興幸只點了兩道菜，因為酸菜魚的份量實在是大得誇張。它呈上的碗有十個湯碗那麼大。😆香辣材料充足，很香很麻滋味十足，魚沒有骨，吃得很安心，而且份量也相當足夠。十分喜歡附上的麵，它吸哂整個湯的精髓，每一口也分外享受。另外也點了一客土豆絲，單純是因為很喜歡薯仔。😆炒得很香口，而且十分幼細，很香脆，用來拌飯確實一流。室內環境尚算有空間感，我們被安排於卡位，職員勤快而且有禮，可以有機會再來幫襯一次。

🥢🥣🥄連鎖川菜，質素下降▫️QR code點餐🆗前菜 - 蒜香土豆絲幾香蒜味，薯絲較濕，都仲keep到少少爽口，不會過生。🆗酸菜魚（小辣）配白飯- $73食過甘多間酸菜魚之後，覺得呢到真係變得好一般。可選大、中、小辣，亦可以有走配料嘅選項。酸菜魚雖然都幾大碗，湯底重芝麻香味，但就吾夠酸辣。魚片大塊冇骨，配料有酸菜、萵筍，薑，但冇蓮藕片、薯粉果d，性價比較低。☑️雞翼麻辣香鍋（小辣） 配白飯 -$54以前會用不鏽鋼盤上，而家就轉左用碟。同樣可以選大中小辣，炒得都好香好入味，呢個我都係叫小辣，但係又辣過酸菜魚好多。單骨雞翼有六件，配料有大量薯仔片、蓮藕片、雲耳、芽菜，惹味飽肚。🆗飲品除咗維他紙包檸檬茶，全部都要加錢，慾望酸梅+$8，好大杯，但吾好飲，藥水味。

和朋友一起去荃灣如心廣場食晚飯，專誠來到十二味川菜，因為之前朋友食過話味道唔錯，所以特登嚟試下；入到去坐位舒適門面光亮，也都是用手機點餐！現在真是大部分商店都用手機點餐了！真擔心老人家如何可以自己嚟食晚飯呢！我們坐落就點咗佢出名嘅人見人愛酸菜魚，香鍋，干煸四季豆！因朋友唔食得辣，所以全部走辣，而香鍋自己加配料，我地就選咗五花腩，牛肉，小棠菜等等！話咁快酸菜魚同埋香鍋都嚟到啦！可能因為走辣嘅關係，所以香鍋同平時食嘅好似唔一樣，但味道都仲可以，酸菜魚就有一貫嘅特色，雖然都係走辣，但係啲魚都比較淋滑，內裡重有大量嘅寬粉，所以食落都幾飽肚，至於四季豆就中規中矩啦，最後仲點咗個甜品紅糖糍吧，呢個有驚喜，就算唔點紅糖，都足夠甜味，總括嚟講質量很好！

經過門口，一股辣味撲面而來，魔力沒法擋。對於愛辣如命的我，實在是難忍😬中午lunch set 的價錢相當吸引，一般都是$50左右，已經包括 飯 和飲品，忍不住試一下。很久之前已經聽說 🫠十二味 🫠 出名辣，今日一試，覺得還可以吧，在香港已經不錯了😌酸菜魚🐟 水煮牛肉 🐂 口水雞🐔 每款都是很地地道道的川菜賣相，但可能是為了迎合香港人的口味，麻辣度 個人覺得不夠，但味道整體來說是很好的。所以不太吃辣的朋友是可以一試。

一行三人星期五吃飯，到處都滿座，唯獨是十二味可即入，平日我不吃太辣，心裏都十五十六 ，但礙於肚餓都去試！餐廳是用手機下單，菜色可以選擇辣的程度，結果我很滿意每道菜的辣。1. 酸菜魚片好滑，揀小辣酸， 辣程度適中，有粉條👍🏻必叫。2. 水煮牛，揀了中辣，相對辣少少，麻辣川椒味，牛肉片都不少，味道滿意。3. 類似叫杏仁蜜糖炸蝦球必叫！炸得很鬆脆，味道甜酸鹹，口感脆，好豐富！4. 辣子雞相對普通，雞粒略細粒，但是腰果很好味，味道都不錯。5. 雜菜中和所有的味道👍🏻三人埋單大約$880！我覺得是一個不足的選擇，可以選擇辣度可照顧到不同人的接受程度。

假日難得無落雨 出去荃灣行街自從開左donki 如心就變得好熱鬧仲多左好多食店 一向係酸菜愛好者既我 見到十二味 當然要試下😚一般出面食既酸菜魚 都係一大鍋 呢到可以叫一人酸菜魚 同朋友食 可以叫多幾款菜試 好唔錯 酸菜魚餐本身包小菜同一碗飯跟飲品酸菜魚本身份量都大 又可以揀辣度 小辣味道剛好適合我 魚夠滑無骨 酸菜夠酸 整體味道幾唔錯 推介 之後試埋朋友既雞翼麻辣香鍋 比想像中足料 因為係出面食既香鍋 通常都好多乾椒 但好小肉佢呢到蓮藕 薯仔 都好多 雞翼都好惹味 $54蚊黎講係幾抵食 中午一點黎到又唔洗等位 值得再encore 😋😋😋

想食抵食既酸菜魚，一定要早早在openrice book定下午茶時份，因為全張單6折😉😉正呀！可以點更加多野食朋友將會嫁去台灣啦，台灣無感地道既酸菜魚食，所以帶佢黎一試！因為我食左幾次都覺得好好味，所以都不斷推薦身邊既朋友試下！！由於疫程關係，無得反大陸食酸菜魚，唯有在香港一解相思之愁啦😎我地其中一到餸一定係酸菜魚，走唔luck架啦！！佢可以額外加不同配料落去，我地加左寛粉，係無錯既，d粉索曬d魚汁，OMG😱😱好味道到不得之了，佢d酸菜唔會太酸太甜，魚又新鮮多肉，兩個食完都會飽曬🤩之後再點左個酸🌶️土豆絲，依個就有d失望，唔夠濃味。。同埋十二味d凍檸茶勁大杯，兩個人都飲唔曬，可能佢地預左d客食唔到🌶️，要飲感大杯先止到🌶️🤣🤣

1. 川式口水雞 - 小辣 ($48)份量正正常常，麻香味做得唔錯，雞肉都正常發揮。2. 乾煸四季豆 - 小辣 ($42)四季豆炒得好香，好多肉碎，所以就算一個人叫呢個餐都唔怕變咗好似無肉食咁，不過食到最尾會偏油同偏咸。3. 酸菜魚 - 小辣 ($68)魚塊嘅數量同肉質都對得住個價錢，花椒味好濃郁，酸同辣個比例都控制得岩岩好。4. 麻婆豆腐 - 小辣 ($48)份量足，送飯一流，好夠麻，不過嫌佢無肉碎，如果只食呢個就真係似食齋以上全部lunch set都係包一份前菜(有時係雲耳，有時係土豆絲)，一碗白飯(都唔細碗)，同一盒飲品(最近係維他奶/維他檸檬茶)。因為覺得cp值幾高，而且lunch set無加一(晚市唔知，無食過)，所以都成日嚟食。我地都唔太食得辣，但川菜又要小小辣先過癮，而呢間有得揀小辣，每次辣度都控制到差唔多，所以係食川菜嘅入門好選擇呀！

之前已很想去試 ”十二味” 的酸菜魚，去過兩次都說沒有供應(午市)，今天真幸運，店員說有酸菜魚供應，也難得肥先生也過嚟陪我吃午餐。我們點了川式口水雞配白飯($48)、酸菜魚配白飯($68)、凍柚子茶(+$8)及可樂(+$5)，午餐包紙包飲品，亦可加錢配其他飲品，餐前小食有土豆絲及青瓜，土豆絲及青瓜調味味道正常，口感爽脆。川式口水雞，紅卜卜的外表很吸引，份量正常，因為點了小辣，這個辣度很合我口味，雞本身已經有醃料醃過，再配上鋪滿紅油的辣汁，這個辣汁很有鹹鹹香辣味道，兩者味道很夾很濃郁惹味。可惜這些雞有太多細小的碎骨，吃起來要特別小心。酸菜魚賣相很吸引，湯的表面鋪滿很多花椒、芝麻、辣椒、香料及有少許菊花點綴，以一份午餐來說，酸菜魚的份量都不少，先喝一口湯，有鹹酸菜的酸味，再加上微辣，幾開胃。魚肉有點似鱸魚，很新鮮的，不是雪藏魚，魚肉很滑，亦不會一夾即散。吃多幾口，那些花椒的麻開始湧出來了，滿口麻麻辣辣真的很過癮，因為我叫了小辣，我覺得這個辣度調得很好， 很合我意，有些時候在其他餐廳叫少辣，他們都會調得很辣。在其他餐廳吃酸菜魚的價錢也不平，在這裏吃這個午餐酸菜魚，CP值很高，而且味道亦很好，

已經第三次食呢間十二味～終於決定要寫出黎，因為好東西就是要分享！酸菜魚份量好夠，配白飯一流！酸菜開胃，可選辣度，又麻又酸好好味😋另外今次點左乾炒辣鍋，係自己揀配菜，然後佢用香料炒成一大鍋，類似乾嘅打邊爐😆好好味，腐皮枝竹類配麻辣口味，簡直係一絕👍🏻

見到午市好似幾抵食，平均42至68就有一個餐，唔洗加一。午市套餐係包主菜，酸梅湯，白飯以及一小碟前菜涼拌土豆絲。酸菜魚賣相好一般，食落係夠酸，唔會辣但係真係好油，D油浮晒喺面魚肉唔算新鮮，但分量夠多口水鷄酸酸辣辣，好適合配飯好鍾意呢個汁，應該係秘製鷄肉都好嫩，價錢$48，好值得一試水煮牛肉牛肉完全唔得，好嚡，似豬肉多D個味係ok，有小小芽菜墊底冰粉完全係伏，唔好食得嚟仲要貴面頭嗰幾粒提子乾，又硬又有怪味冰粉個味都有小小怪，唔甜唔酸，奇奇怪怪

門店裝修已經展現出中國式＋現代風格既混合，放左個人咁高既熊貓🐼公仔，係想指食物都來自熊貓故鄉嗎？.💁🏻‍♀️人見人愛酸菜魚 ＋ 粉條 $228＋$28望一望Menu👀, 再望一望隔離枱👀，Bubu已經知道，無理由唔食酸茶魚啦😁～差唔多每枱都有叫一碟。上枱食完你就知點解！ 酸菜魚湯汁酸度夠酸既，叫左辣但唔太辣，魚肉嫩滑無骨，好多塊魚肉同酸菜，仲有蒿荀同菇，加埋粉條吸晒味，仲唔係高級版酸辣粉😂？不！得！了！可惜粉條份量有D少，可惜無叫白飯！不過,如果佢酸度酸多少少就岩晒bubu口味啦～💁🏻‍♀️川式口水雞 $68黃皮雞去骨雞，雞唔會鞋口，好滑，雞皮係有彈性，識食一定連皮食🤭! 雞一入口就食到陣陣既花椒味，好濃，好有川菜味道👍。街邊一般都無咁濃味，要知道花椒味其實唔係辣，反而係有一種獨特既香氣，分泌更多口水，哈哈😜~ 一開頭食第一層既雞以為佢麻而不辣，點知食到底個層先發現佢個汁先係精髓! 香、麻、辣都齊，十分惹味! bubu好後悔第一層無沾到D汁一齊食呀!

平日要諗食咩已經好頭痛，再加上近期疫情嘅問題導致選擇性更加少，令到大家諗食咩就更加困難。不過偶然經過，聞到一股好香嘅味道，吸引左我嘅注意。呢度環境幾好，坐得舒服，嘢食精緻，適合少少人一齊放鬆食。門口有酒精潔手液比客人使用，好體貼。餐廳係用QR code落單嘅，掃完自己上網落單。 一張枱一個Code，唔怕落錯。 當日叫咗一份酸菜魚(加咗薯粉)，由於屋企人唔食得辣，所以叫咗小辣，但係都係好難，而且越食越辣。雖然好辣，但係令到人越食越開胃。價錢便宜，但是份量很足夠，三個人食剛剛好。另外叫咗一份小龍蝦(小份)，由於一份酸菜魚已經很飽肚，所以轉了外賣。雖然食嘅時候已經凍咗，但係都好惹味，辣到適中，內有青瓜，推薦大家試食。

今日見天氣有d熱，想食d開胃刺激味蕾嘅野，即刻諗起十二味。其實之前都食過十二味好多次，味道印象都不錯，所以今次咁啱就去左如心試下十二味lunch set。如心的十二味分店就第一次試，黎到都要等15~20分鐘，都算ok。QR code 落單，好快上菜！酸菜魚一如以往咁好味😋😋，口水雞都唔錯，不過兩碟份量有d 少😛次次都起碼要食兩碗飯，好開胃。不過，美中不足嘅係無豆漿😕。之後，紅糖粑粑超級脆，外脆內軟！未試過既可以試下😊整體都唔錯，午餐價錢算係咁。

嘩真係好耐好耐冇食過酸菜魚😳咁岩知道如心廣場呢度開左間係食川菜🌶，當然要試下😎估唔到星期六日都有午市套餐提供，價錢都好抵啊🙈而餐廳係採用了QR code落單，非常方便！-🎈川式口水雞 $48賣相非常吸引，而雞肉好嫩滑，醬汁又麻又辣～-🎈酸菜魚 $68呢度既酸菜魚有得揀辣或者唔辣，今次我就揀左小辣😎魚肉好鮮甜又啖啖肉，而酸菜好開胃，酸酸辣辣般配上白飯一流，裡面仲加左草菇添😊套餐份量來說還可以，一人食岩岩好👍🏻-🔸十二味📍荃灣大河道98號如心廣場商場二期2樓215號舖