廚十三老壇酸菜魚 (渣甸街) (已結業)

🐟🐟🐟魚🐟🐟🐟全部都係魚🐟🐟🐟🐟一入到餐廳 已經聞到香噴噴～ 店員好快安排入座餐廳唔算大 但位置都好闊落，餐牌選擇唔多 反正大家都係黎食酸菜魚🤭🤭🤭 毫無懸念🐟🐟酸菜魚好香 大量酸菜 又唔會過酸，朋友唔太食得辣🌶️🔥 我地只點了小辣 朋友話岩岩好😋 我地重加左薯粉，不過份量略嫌有啲少。我自己好鐘意佢落左桂花花瓣，望落有顏色💛 好靚，聞落陣陣花香味🌼 入到口重有陣清香～ 真係點精之筆🤭🤭👍🏻👍🏻👍🏻我發覺香港人唔太接受到好重既花椒味，呢度既花椒味都係比較輕手，貼近香港人口味 唔錯！而且酸菜魚有分不用size 即使係2人 或者一班朋友 都可以去食，店家好貼心😌

今次係第二次去廚十三度食酸菜魚，食物保持到質數。魚肉香滑彈牙入味，湯汁辣度適中醒胃，再加埋寬粉，其實都ok夠份量。女朋友相對細食，食呢個細份的酸菜魚加粉真的夠哂。

食過好多間唔同嘅酸菜魚，始終最喜歡這裏的，啲魚肉比較滑幼嫩，好鍾意食午餐肉再加扁粉我覺得辣到適中，如果你有試過麻辣派對嘅酸菜魚，我都係覺得廚十三比較美味除咗銅鑼灣我仲經常去荔枝角D2果間，大致上水準相同

我有一個朋友成日都會食酸菜魚仲成日會放上網，咁我見到之後就同佢講我應該都係會一個人食，佢就話你可以搵我食㗎 ！咁兩個人食又好似冇咩話題咁，於是就叫多以前跑會嘅兩個friend，就促成左今次嘅酸菜魚小隊啦！一上到間餐廳（其實你係唔會覺得呢一棟大廈入邊會有食肆😂）就見到有好多人喺度等位，好在我之前係OpenRice book咗位，安排咗一陣就已經可以入座！坐多咗一陣就已經齊人啦！咁我哋嗌左個大嘅酸菜魚同埋四樣前菜，個酸菜魚確實係好大兜，d魚好滑，夠酸，但佢就就咗香港人嘅口味整得冇咁辣，不過同枱都有啲朋友仔唔係好食得辣，上到菜嘅時候都要夾晒啲辣椒出嚟！但其實都係大陸嘅酸菜魚比較好食，喺香港始終都未搵到一間同大陸嘅一樣好食😔其餘果四樣前菜份量都好大，但其實係得面果一層，下面全部都係青瓜絲😂，萵筍夠脆，有少少麻味！皮蛋配埋啲油泡青椒個口感幾好！個手撕雞都唔錯麻麻辣辣咁！豬耳都好食，但係我本身對豬耳就麻麻哋！大家咁耐冇見，當然就有好多話題啦！風花雪月，講吓大計咁，咁就過咗兩個鐘！開開心心咁食完場飯啦！

夏日炎炎口淡淡就最啱食啲酸酸辣辣嘅嘢，行開銅鑼灣記得中國一間好出名嘅酸菜魚嘅美國班底開咗一間酸菜魚專門店，一直都好想試吓～佢嘅二人午市套餐$168加一，包一份酸菜魚兩碗飯或者面再加兩罐飲品，比起晚餐三百幾蚊一份酸菜魚抵食好多，如果大家想試吓個口味啱唔啱自己嘅話我都建議大家可以試咗午市先✨坐低點完菜10分鐘到個魚就嚟左喇，上菜嘅時候雖然個魚唔係好熱，但係已經聞到好香嘅酸菜味～酸菜魚梗係飲一飲湯先啦，酸度適中，又唔會死鹹，配飯一流！魚嘅質地略嫌有啲散，同埋唔知係咪因為午市嘅關係佢嘅配料都比較少，得幾條金菇同埋幾舊豆腐😕 不過百幾蚊都要求唔到咁多，整體嚟講都係抵食同埋好食嘅，下次會嚟試埋嗰晚市睇下會唔會有驚喜！

口痕又想食酸菜魚，今次趁晏晝食飯時間，就去銅鑼灣食個chill office lunch🥰 餐牌選擇都唔少，晏晝飯就有lunch set ~ 不過聽職員講午餐嘅酸菜魚會少啲，所以我哋都係照揀返小份酸菜魚食上枱有嚇咗一跳，真係好大兜呀！我哋仲要加咗寬粉 同其他分店嘅質素差唔多，都係咁好食，夠辣得來又有帶麻，好過癮 魚嘅份量明顯比較多，配埋煙un嘅寬粉係冇得彈今次算係我第一次食夫妻肺片，呢個仲要係麻辣版，啲牛肚夠爽，個醬汁又夠辣，兩者配合好好味呀～ 呢個我應該係由糯米糕再煎香左，配黃豆粉同埋甜醬汁～ 炸得啱啱好，外脆內黏，雖然有啲痴牙，但係配埋黃豆粉同埋醬汁好香，食到停唔到口店員推介我哋叫咗呢個特飲，味道唔算好甜呀

菲兒是超級喜歡吃酸菜魚的！可惜往往酸菜魚份量是挺多的，要與朋友家人一起吃才能吃光。有次去做facial 搜尋下附近有什麼好東西吃，竟然比我搵到一人份量酸菜魚！立即衝去吃呀！🤩以一人份量來說，是滿多的，材料豐富，除了主角魚肉，配角酸菜都十分好吃，裏面還有豆腐和粉絲，辣得來很惹味，加碗白飯，配上少許湯汁，真係一流🥰環境頗舒服的，一人吃酸菜魚的價錢不算很貴，約一百元，真的很飽(飽得我做按摩時不停吐胃氣)，且材料豐富，不會令你失望！如果多人吃，可以試試小菜呢，樣子挺吸引～

好少何有食肆令我由坐低冇耐開始就diu媽炒蟹到食完！我地一行4人.睇餐牌嘅時候我先生杯水入面有隻蚊滋仔.叫侍應換過個杯啦.佢好快拎過隻杯過黎.但個杯明顯係倒咗d茶再比返你用個同一隻杯.我地見到冇出聲.亦都冇再用個個杯.直接嗌野飲算！我地嗌咗3人份量嘅酸菜魚..見到餐牌有配菜個欄多口問句本身個酸菜魚有咩配菜啦.侍應一句答乜都冇..我呆咗..我以為酸菜魚好似大陸咁都會有d配菜.例如寬粉.....咁我地加咗青筍片.土豆片同鮮腐皮.另外嗌咗一份麻辣牛展.一份避風塘魚柳.酸菜魚d魚肉好滑..酸味都OK..但3人份量另外加配菜都唔係好夠.避風塘魚柳真係把鬼..冇味至於d魚柳肉梅梅地.麻辣牛展都真心一般3碟嘢.3個飯.一杯酸梅湯.一杯橙汁.盛惠你$953蚊..唔好食..服務又差真心冇下次！

突然興起想食酸菜魚喺港島區之前都試過幾間酸菜魚最好味都係呢一間廚十三環境光猛又闊落，全部都係卡位無論你係四個人定兩個人都係坐一張卡位唔使迫好舒服餐廳額外提供每人一個透明膠袋係枱面起初以為用嚟裝手機的點知原來用嚟裝口罩😂😂😂好貼心嘅一間餐廳喔👍🏻（加分）今次兩個人黎叫咗一份小份酸菜魚+金針菇（配菜）嚟到一見到隻碗超大酸菜魚嘅份量亦都非常之多勁好食！夠酸又夠辣，魚肉無骨又嫩滑（押韻咗😂）食極都仲有魚肉先神奇望落好似好辣平時食開小辣嘅我都頂得到另外餐廳有免費提供茶茶味似係花茶唔熱唔凍，太辣嘅時候可以飲來解辣另外仲叫咗一份清炒土豆絲（又係唔記得影相😂）賣相普通冇咩特別，但係味道又係好好味！兩個人份量食得晒，可以叫埋試試呢一間餐廳值得推介，會食下一次👍🏻👍🏻

話說最近內地好HIT食酸菜魚，而香港亦開始有主打做酸菜魚既餐廳，今次同男友係尖沙咀買野既時候留意到附近有間樓上鋪食酸菜魚，所以決定一試！🥰上到去一打開門就已經聞到一陣微微既花椒同酸菜味，有同我返大陸食酸菜魚既環境一樣！最重要係地方夠新又乾淨，又唔會好大陣油煙味，好舒服😌坐低後，店員送上免費小食 - 涼拌青瓜 🥒又麻又爽口!😛我地叫左小份既酸菜魚，加兩款配菜，包括係午餐肉同藕片。酸菜魚🐟好正宗，夠麻夠酸😋而午餐肉同藕片既份量都好夠，最緊要夠爽脆！餐肉口感都好，又唔太索汁，有啲酸菜香又不失肉味，好好既配搭！而且鱸魚🐟本身肉質好滑，好解味，呢個份量兩個人食岩岩好!🥘豬油椰菜鍋 - 好香豬油🐷味，椰菜🥬切到一條條，口感好好，出色既小炒飲品方面我地分別叫左荔枝風味梳打特飲 及 柚子特飲，一樣都夠大杯，一邊食酸菜魚一邊飲凍野，正!食到個咀都不禁麻麻辣辣地，叫返個冰粉涼下🤗雖然唔係話好大碗，但佢改良左加啲雜果🍧又清涼又夠甜，中和返，舒服又滿足🥳

之前已經吃過廚十三的老壇酸菜魚很多次了，但一直遲遲未執筆寫食評，這次我終於決定要把我在香港吃過最好吃的老壇酸菜魚寫出來。為什麼在我心目中廚十三是香港最好吃的酸菜魚呢？主要有以下5個原因：第一：少魚骨。有留意我食評的朋友們都知道我以前很討厭吃魚，開始吃魚主要也是因為酸菜魚沒什麼魚骨。廚十三的酸菜魚大多都沒有魚骨，我去過吃這麼多次也只是兩次有一、兩塊魚肉中有魚骨，大部分在廚十三吃魚的經歷都是正面的。第二：麻酸程度恰好。我自己是一個很喜歡吃麻辣的人，喜歡又麻又辣的感覺。雖然廚十三的老壇酸菜魚主打的不是麻辣味，但魚吃起來還是有酸酸、麻麻和辣辣的感覺，很惹味！細心留意酸菜魚的碟子中，不難會發現裏面除了一般的酸菜和魚外，也加了花椒、辣椒等這些調味料等，不會讓人吃到過份的麻和辣，也不會蓋過酸的味道，但讓酸菜魚的味道多了層次，完全是我喜歡吃的味道。第三：酸菜和魚一樣好吃。很多時候我吃酸菜魚時，都只是吃魚，不喜歡吃它配菜，皆因很多時配菜都沒什麼味道，像湯渣一樣，但廚十三的酸菜一點也不比魚遜色，酸酸辣辣的，非常開胃。菜單上容許客人另加錢加酸菜，但我認為碟裏的酸菜已經很足夠，不需要追加，倒不如加錢點其他的配

自從喺中國大陸唔同地方食過聞名嘅酸菜魚，便一試難忘，希望都可以喺香港搵返類似祿鼎記、太二嘅味道。最近留意到原來【廚十三】係太二美國班底到港開嘅分店，當然要一試。因為只有兩人襯嘅關係，實在叫唔到其他小食，所以只係叫咗兩人份嘅酸菜魚同埋三份配料（豆腐、粉絲、午餐肉）。整間餐廳同太二嘅裝潢如出一徹，都係以黑白漫畫為主。酸菜魚嘅底味其實同太二亦一貫，但魚應該唔係用中國大陸一貫嘅新鮮鱸魚，而係斑類魚（食落似石斑），不過鮮味唔足，亦有唔少碎骨。而酸菜則有少少似香港街市買到嘅咸酸菜（當然更加香口，酸味唔太突出），入口都唔錯。反而配料同白飯都係平平無奇，麻辣香味亦幾適合香港人口味。整體嚟講，【廚十三】係香港能夠食到嘅酸菜魚中質素上佳嘅，但味道仍難媲美太二，價錢亦高大約3分之1至一半。如果大家有興趣亦不妨一試。味道 ⭐️⭐️⭐️⭐️服務 ⭐️⭐️⭐️⭐️環境 ⭐️⭐️⭐️性價比 ⭐️⭐️⭐️

星期一晚上需要食火辣辣嘅嘢刺激神經，今晚試咗早前評價甚高嘅酸菜魚餐廳酸菜魚有三個份量，今晚我哋兩個人叫咗一份細嘅，雖然份量係小份，但無論係魚片同酸菜份量十分充足，魚片經過油泡非常鮮嫩，酸菜魚喎裏面有大量嘅泡椒，酸菜同榨菜片。如果覺得唔夠亦可以加配菜，今日加咗腐竹覺得非常之夾。另外再點左一個清炒萵筍絲，可惜味道略嫌較淡，冇咩特別下次可以唔需要再叫。飲品方面，竟然有意外驚喜，我點左杯紫貝天葵百香果茶，甜度適中而且裏面亦有一啲啫喱珠珠，非常有咬口。整體而言，驚喜一般，相比於起深圳食嘅酸菜魚質素比較普通。味道 2/5環境 2/5價錢 2/5

新年過後好想食酸菜魚🐟，今日再黎食lunch之前都黎過幾次，覺得好好味😋午餐得一款，$88有酸菜魚同一杯酸梅飲品🍹酸菜魚係好大碟，可以簡跟飯🍚或米線🍜魚🐟幾入味，冇乜骨，dd辣，送飯好正😋除左酸菜魚肉，仲有好多配料包括粉絲😍、豆腐、金菇等次次都食到好飽好飽，下次要記得嗌少飯酸梅飲品係跟餐既，其他飲品要加錢杯飲品我覺得好甜，所以飲左少少姐午餐黎講$88我覺得都好抵尤其係午餐都份量咁多😆晚餐我都黎食過一次，如果係想試下，午餐黎食抵d👍🏻

朋友知我鍾意食川菜 特登帶我嚟食呢一間喺香港都食過好幾次酸菜魚 但好多時都唔太滿意一係就唔夠酸 一係就啲魚有腥味 但係呢間我真係十分滿意啲魚好滑 而且完全冇腥味冇骨 酸菜醃得好入味所以煮出嚟嘅湯底都好夠酸同香唯一嘅缺點就係冇得揀辣度唔係太食得辣嘅人會好辛苦另外，佢嘅飲品都做得好出色我叫咗百香果藍蝶花 大大杯又夠晒凍 飲落唔會太甜 仲有啲難香子係入面增加口感 解濟又解渴餐廳入面嘅環境都好舒適 可能因為係平日 所以夜晚都唔係太多人 唔使排隊就入得總括而言，非常推薦呢一間餐廳！