餃掂手工餃子雲吞專門店

呢排收工搭巴士番屋企時，巴士總是會經過景隆街方向，平日小妹搭巴士都非常喜歡坐窗邊睇風景、望吓有咩新餐廳咁😆，近日望吓望吓發現有間叫做《餃掂》嘅店，印象中又好似冇食過，今日細妹難得放假，於是一齊去試吓呢間位於銅鑼灣景隆街嘅餃子店～《餃掂》 😃小妹二人叫咗一份煎餃🥟（8隻）、一份雙拼湯餃（10隻）、兩款小食及兩杯飲品，份量全部都啱啱好，仲好好食添🤤🤤🤤🥕酸蘿蔔（自家醃製）▫️▫️食餃子前，先食幾顆酸蘿蔔先，酸酸甜甜好開胃😚🥟龍鳳松茸雙煎餃（黑白松露）▫️▫️個名望落高級，食落更有驚喜添😍 煎餃香噴噴熱辣辣，要襯熱食先好食😋，黑松露味香濃（小妹形容為西式菇餃）；白松露則少少🤏🏻似中式松茸，松露味比黑松露較為輕，兩者都好好食，喜歡黑松露嘅朋友一定會非常高興😊！🥟粟米豬肉+椰菜雲耳雙拼湯餃（跟狀元九鼎湯）▫️▫️湯底好似阿媽煲嗰啲湯🤭因為無味精，同用咗九款食材熬製而成，材料有粉葛、順德活鯪魚、香山活鲫魚、紅蘿蔔、扁豆、赤小豆、新會陳皮、蜜棗、鮮排骨等，非常美味；▫️▫️除咗湯頭出色外，兩款餃子都好有特色🫶🏻 餃子大大隻、外型🥟同emoji一樣樣架😙而且豬肉彈牙，粟米大粒新鮮超甜，椰菜雲耳爽口，令口感層次更豐富❣️

今日跟同事去公司附近食餃子，款式都幾多喎，有湯餃和煎餃可選。至尊松茸豬肉餃（中碗8隻$72），跟狀元九鼎湯（單點要$20碗），個湯用粉葛、鯪魚、赤小豆、扁豆、紅蘿蔔等材料淆成，可以提升免疫力、温腎益氣等功效，味道唔濃，淡淡的唔會搶咗餃子味道。松茸豬肉餃煎得香口，聞到淡淡的松茸香氣，豬肉肉汁還在！另外叫左個雙併，大白菜豬肉餃拼元貝豬肉餃，同樣配狀元九鼎湯上。元貝味略嫌唔夠突出，而大白菜餃都ok，白菜和豬肉Mix埋，口感相對清爽啲。仲有個香煎軟心芝士餃（七隻/ $42 ），我本身鍾意煎餃香口啲，而呢個有芝士同粟米豬肉喺裏面，溶咗嘅芝士好好味，配粟米豬肉又好夾，好推介！我仲驚死淨食餃唔夠飽，叫咗個淨麵（ $20 ），份量都唔少。結果我發現，其實唔食個麵都好飽了！呢度仲免費提供酸蘿蔔，成樽拎黎俾你自己夾，又幾好喎！

係銅鑼灣街穿梭搵食時，見到 餃掂，好耐無食餃喇，所以一見到就轉左入舖。餃掂主打松茸餃，芝士軟心餃，亦有其他豬肉餃選擇。除左煎餃及灼餃，仲可以外賣生餃留屋企😍等食中，見到鄰台有一大瓶酸蘿蔔，要叫樓面特登拎樽過黎。可能太好食定太肚餓，食到唔停口。酸酸的，有微辣味，爽脆，食完好開胃！好吃到，餐廳可以出售此款自家制既 酸蘿蔔！😋我兩人叫左「龍鳳松茸雙煎餃」、「四川涼麵」、「重慶鮮肉雲吞」及「上湯松茸時蔬」四款：-龍鳳松茸雙煎餃 $86/ 8隻首先食白松茸煎餃，第一口已經有淡淡松茸，餃皮煎得金黃脆口。再試黑松茸，松茸味幾倍增加，食完香氣仲停留係口腔。四川涼麵 $30叫左小辣，但感覺似微辣的。麵條彈牙，灑上花生及蔥花，再加麻汁撈勻，好吃！重慶鮮肉雲吞 $38/ 12隻雲吞皮薄又滑，餃內豬肉結實，餃皮沾上辣油，感覺比涼面更辣。上湯松茸時蔬 $32上湯加上松茸、杞子，不是平時茶餐廳/雲吞麵店可遇上的。當然湯底唔同，價錢更高。總結： 餃掂 係值得encore!!👏🏻👏🏻👏🏻👏🏻

如果唔知食咩既時候，通常我腦海第一樣浮現既都係餃子！所以我經常周圍搵有咩好食既餃子，今次就比我發現到係銅鑼灣既「餃掂」身為餃子控既我緊係要黎食啦～呢到既設計同擺設都幾得意～呢間「餃掂」主打健康食材：松茸，咁我地緊係要試下啦，仲有呢個狀元九鼎湯，用鯪魚、粉葛、鰂魚等等材料煲成，一定要試下！咁我地一行4人就叫左好多野黎食🤣至尊松茸豬肉餃（灼）中碗8隻 $72。一咬開好香松茸味就知好足料，仲配左松露醬可以點～松茸好處多多，出街食都要健康d!狀元九鼎湯，朋友話唔飲鯪魚湯，佢都覺得好正，無魚既腥味但就有哂果種鮮味！一睇碗湯既色水就知超足料啦，餐廳一早已經隔哂湯渣，所以直接成碗飲都無問題🤣粟米豬肉餃（湯）中碗7隻$42。餃子浸在狀元九鼎湯內，個湯幾好飲唔洗再多講，每粒餃子在粟米同豬肉比例好岩，所以每啖咬落都有粟米既清甜，其實唔洗點任何汁都已經好好味！四川涼麵（小辣）$30 有花生、蔥花，麵底下亦加了一些類似香油的東西再拌上芝麻醬，實在岩哂呢個天氣食！好清爽上海淨麵$20 麵底好彈牙，煮得剛剛好，湯底亦剛好不太咸麻辣松花皮蛋$25 個麻辣汁偏淡，可以再麻d～回味手拍青瓜$25 拍青瓜見到都幾乎會叫，

平時食飯食得多，悶悶地今晚就試吓食d平時好少食既嘢今晚同朋友係銅鑼灣睇吓找唔找到想食既嘢先，行行吓見到呢間想試好耐既食店居然在銅鑼灣開左分店就入去試吓先，一坐低未叫嘢食，侍應就送上一樽酸蘿蔔免費享用睇menu有很多唔同味道既餃子、雲吞、麵和前菜小食，我和朋友選左幾款餃子和前菜小食。在未有嘢食既時候，我哋就開樽酸蘿蔔來食，蘿蔔好爽，酸甜度啱啱好，越食越想食好開胃，正！餃子未整好有得食，就食住前菜小食先：黃金原味皮蛋，賣相好靚，晶瑩通透，入口好軟滑甘香回味手拍青瓜，入囗清新爽囗，香辣美味餃子終於送上，可以即刻試吓：至尊松茸豬肉餃（灼）跟狀元九鼎湯：有淡淡既松茸香味入囗皮薄豬肉餡唔覺肥膩，跟住試吓個狀元湯，唔覺味精味，飲落好潤喉暖胃元貝豬肉餃（煎）：煎餃比湯餃香脆可囗，但就比較熱氣，個皮煎得幾脆色澤金黃，咬開餃子都見到有d元貝絲韮菜豬肉餃（湯）跟狀元九鼎湯：味道適中，但我覺得韮菜味唔夠濃另外叫左兩杯，自家制山楂雪梨水（熱）：酸酸甜甜幾潤喉開胃，飲完解左食餃子既油膩和調味醬既辣度題外話，呢間店提供既：陳醋和辣椒醬幾好味下次唔想食飯，又可以再試吓其他款式餃子，真係幾好食。