忘不了拉麵小籠包 (已結業)

唔去鱷魚裇大廈, 行落一個街口搵野食, 到達挺新的寧晉中心東廣場. 是晚選吃二人套餐$198+10%, 包括一前菜一湯兩主菜兩主食, 肉絲兩面黃賣晒所以選了雞火炒飯(忘記拍照), 整體味度ok, 但店內比較狹窄.前菜: 麻辣肚絲, 夠辣, 好味!酸辣湯-酸辣味道適中, 亦足料.小籠包: 朋友大嘆一人一隻唔夠喉!糖醋魚塊: 推介!奶油津白: OK!

本來諗住喺銅鑼灣食埋野先返屋企，但真係超多人，都係出番九龍再諗下啦之前聽朋友提過LEE間《忘不了》，所以就來試試喇我地5個人叫左個四人餐雞絲粉皮~~~個麻醬有D"傑"，但味道不錯蘿蔔絲海蜇皮~~~醬汁調得不錯，海蜇好爽口，配合蘿蔔絲好GOOD喎酸辣湯~~~唔太酸又唔大辣，味道剛好，湯料都好足喎，又夠熱，GOOD三杯雞煲~~~濕左D，味道好味的，雞肉"鞋"左D清炒蝦仁~~~真係好清，蝦肉好爽口而且都有蝦味本幫黑醋骨~~~酸左D，又濕左D，乾身少少會好D囉！排骨都算煮得唔錯，唔韌韮黃肉絲兩面黃~~~又係太多汁了，味道係冇問題的LEE間野每味餸味道都OK，但每味都係太濕太多汁......金牌蟹粉小籠包~~~充滿肉汁的小籠包，皮真係做得好薄，好味城隍胡椒餅~~~個皮好厚，冇肉汁，唔好食 高力豆沙~~~唔油做得好輕身，GOOD成個餐咁多野食都係$428，真係好抵食呀！

今日老公嚟接我放工,佢話想食上海野, 觀塘有兩間我哋成日去,一間係觀廣上海一品香, 另一間係忘不了,上海一品香自從轉咗手後啲野好似油膩咗同埋我一路都覺得佢食LUNCH 抵食過晚飯,最後老公揀咗忘不了今晚無乜人, 我哋想坐卡位, 個門口姐姐話有人BOOK 咗枱好, 我咪又到走嗰刻都無人嚟下次唔該用另一個藉口老公想揀魚香茄子.....NONONONO,我實在唔想食....次次同佢一齊都唔係食魚香茄子就沙嗲肥牛最後揀咗蟹粉小籠包, 四川肉末炒飯, 酸辣湯, 回鍋肉酸辣湯 - 保持水準, 酸辣度都啱啱好回鍋肉 - 我鍾意個肉質, 啲椰菜都唔太林身四川肉末炒飯 - 唔算辣, 我食開小辣既都覺得唔辣, 但炒得好乾身, OK蟹粉小籠包 - 明明熱熱地食最好, 老公係要我等多陣, 搞到暖身唔夠好味 呢間係OK 之選,如果想好食啲, 呢區就係家傳滬曉

原想同女友人星期五晚去試的, 但細閱下, 不能用在19:30的繁忙時間, 結果就同老公星期六lunch去試食, 賣相大致同團購的相差唔多, 不過其賣點的小籠包就唔多好食啦, 皮溥但易穿,似是蒸過籠了      

是日往APM睇戲，趁未夠鐘入場快快趣去附近醫飽個肚。「忘不了」位於觀塘廣場附近既東廣場，由APM或者觀塘地鐵站行過去大約五至十分鐘度。餐廳位於商場一樓，對正電樓梯既舖位，基本上唔駛搵就會見到。由於趕時間既關係，點菜時已經叫店員「快手快腳」，而佢地亦都好醒目地配合，所以食完飯重有時間去買野飲添！Anyway，由於驚趕唔切既關係今次都係order D大路上海野，小籠包呀酸辣湯呀咁。雖然係咁但係佢地都交足功課。首先上枱既係小籠包，坦白講呢味菜毫無技術可言，唯一要讚既係肉既肉質真係好有肉既鮮味，一口咬落去既時候D汁剛剛好，唔會一pat野「必」晒出黎咁。不過，包既皮就略為厚左少少，食落口既時候粉既味到有少少over左，令到我喺呢個環節扣左D分。黃金炒飯︰同一般炒飯唔同，佢地用左鴨蛋去炒，一方面可以令到飯既色澤更加搶、更加奪目之外，亦可以同炒飯既飯香混埋一齊令到個味道更加出，呢度一定要俾個讚佢！至於蝦既用料方面，雖然要控制成本，但係佢地一定喺處理蝦既過程方面落左心機，一D雪味都感覺唔到，重食到少少僅餘既鮮味添！酸辣湯︰最喜出望外既係佢既portion。本來諗住幾十蚊貨仔都係果D一碗白飯咁大size