金滿庭京川滬菜館 (時代廣場) (已結業)

有返晚市堂食, 周末就最好係出街搵食啦,  去開銅鑼灣, 又唔想食太普通, 但又唔想太貴,  又要坐得舒服, 唔太嘈, 即時諗起時代廣場上面既食肆, 雖然商場人流唔多,  但上到 13樓時 呢度時都有人等緊位, 好彩都係等左 15分鐘左右就有二人枱, 印象最深試過係度等成粒鐘等位期間見到門口有 promotion 既菜, 最顯眼就係 , 咁當然要試一試 ! 另外再點左必食既一口小籠包, 同埋酸辣湯, 呢兩樣都算係招牌菜, 每次上來都一定要 order, 雖然無左夜市咁耐, 一口小籠包一放低就要趁熱食, 入口果種熱呼呼既感覺, 再加埋入面既湯, 真係好正, 皮薄咬落去入面肉汁係口入面係好甜美, 另外酸辣湯既酸辣程度岩岩好, 雙拼冷盤同炒什菜都係不過不失, 到主菜醬炒龍蝦年糕, 好明顯就係好似上海粗炒既味道, 但主角就換成龍蝦同年糕既配搭, 雖然係醬炒, 但依然係食到龍蝦既香味, 而年糕軟硬度剛好而且入味, 再加少少豆板醬味道就更出 

其中一位朋友讀書時已經成日話要來金滿庭食飯，果陣成日就佢，幾乎食到厭，但事實係佢嘅食物一向都保持到水準，唔敢講頂級好食，但一定唔會令人失望跌眼鏡。今次有朋友即將遠行，正好食中菜告別。四喜烤麩烤麩應該係豆製品，配合冬菇等4種材料來炆，好典型嘅濃味中菜冷盤，烤麩吸晒d 汁都幾好味開胃叉子燒餅一開始我一野就咬左個燒餅一啖，先覺得咩味都無，仲問點解，先發現要配埋果d 炒左嘅肉絲一齊食，即刻放d 落口，又真係好夾喎。鱔糊其實我唔食lee 樣野，寶寶話ok.酸辣湯正，夠晒辣，酸味又恰到好處，好開胃。雖然我覺得入面d 蝦唔好食，但放落去出味確係會提升，但有d 朋友話太辣。砂鍋雲吞雞鎮店之寶之一，好濃郁，足料，雲吞都做到皮薄餡靚，同埋d 菜都吸到d 湯，湯渣幾乎成隻雞上返俾你。小籠包唔記得影，但都係小籠包咁嘅樣，好正，唔算好易夾穿。片皮鴨喺你面前切埋，出晒煙，夠晒熱辣辣，油份都好足，d 餅皮連埋個蒸籠上，保溫，誠意十足。上海炒年糕正常，年糕可以再淋d。唯一差少少係d 服務好怪，8人枱坐滿，但有一個朋友遲到，幾個侍應都輪流好想收走佢d 碗碟。d 菜都未食晒又想收碟...細個其實覺得金滿庭都貴，但今時今日

是日突然好想食d上海菜之類既野，所以去左呢度。可能閒日關係, 唔係等左好耐, 20-25mins左右。2個人仔，竟然叫左咁多野食:1) 2隻燻蛋 - 我好少食燻蛋, 但係原來我都幾中意食, 雖然佢有陣好煙既"火羅火羅"地既味, 但係出奇地好中意食。2) 醉雞 - 雞好"鞋", 個汁搞到d雞好苦, 唔好食。3) 酸辣湯 - 我好中意飲酸辣湯, $26細細碗, 多料, 唔會好辣, 正!4) 小籠包 - 好得! 皮薄多湯, 好味!5) 炸饅頭 - 呢個真係可以用難食黎形容, 好硬又唔熱, 似係已經煮左好耐咁...所以食唔哂! 千萬不要叫!6) 賽旁蟹 - 好美味呀, 好多好多蟹肉, 如果拎黎送飯都會好好味。叫左咁多野, 勁飽, 但埋單都係$308。下次會再黎, 只要唔叫醉雞同炸饅頭就得架喇! 下次都係叫番雲白肉呢d穩陣d既菜色囉!