酒鍋 (天文臺道) (已結業)

今晚同舊同事gathering，見呢排天寒地凍，去打邊爐就最啱啦！我地一行六人揀左去呢度暖暖胃～打邊爐個湯底真係好重要。呢度既選擇有好多，我地叫左醉生夢鍋，有五種湯底：龍蝦芝士、花膠雞、肉骨茶、四川麻辣、沙嗲，實有一款岩心水！而個人比較鍾意肉骨茶既味道，好有食緊藥膳既感覺。食材質素都不錯架，本地手切肥牛肉質軟滑；手打芝心墨魚丸雖然外表平平無奇，但當放進口中便知道與別不同；墨魚丸口感彈牙，要小心有燙口既芝士餡！之後仲專登叫多個烏冬，可以用嚟撈芝士鍋入面嘅芝士，煙韌既烏冬同香濃既芝士都真係幾夾。另外，我地叫左期間限定既黃金炸魚皮，上菜既時候已經聞到陣蛋黃香，食落口脆卜卜，一邊等緊火鍋既野食，一邊食住佢等同fd吹水就最岩！最後，飲品都係d滋潤下火既竹蔗茅根、檸檬薏米、洛神花茶等，不過用一個燈膽型嘅杯裝住，幾別緻。整體來講，質素環境服務都好好，但係價錢當然有番咁上下，不過一分錢一分貨，所以推薦俾大家！

之前在銅鑼灣試了一間樓上火鍋店的點心午飯，很有驚喜，回味至今，一直也想試一下這店晚飯火鍋的質素，及至最近，終於約齊飯腳到了該店的尖沙咀分店大快朵頤一番。這分店位於尖沙咀天文臺道的一幢華麗商廈之內，全新裝修的大堂加上樓底夠高，一貫甲廈的裝潢氣派，予人高級銀座食府的感覺。乘電梯上到餐廳，店內以懷舊的東方韻味為主題，紅黑兩色為主調，配上柔和昏暗的燈光，形做出神秘典雅的氣氛，而當中加入了色彩鮮艷的壁畫作點綴，突破傳統之餘同時亦注入了時尚的氣息，在中國風的氛圍下新舊色彩 融合起來。高闊的樓底加上座位亦算寬敞，予人充足的空間感，落地玻璃門透現出外邊露台的景色，讓人更覺舒泰。入座之後，好奇的筆者當然第一時間望望餐牌，想不到這裡提供的食物種類也算很多，而且組合新奇，很多名字還挺特別的，例如七星報喜、心肝寶貝等，不看旁邊的英文解釋敘述，可能會估不到是什麼類的食物，很有心思，有別於一般的火鍋餐廳。就以這裡的湯底為例，足有十八款選擇，口味眾多之餘，用料亦很講 究，名字更改得十分獨到，就像是"酒火入鍋"、"醉生夢鍋"、" 揚名四海"、"蝦兵蟹將"和"美人鍋"，全部名字都讓人摸不著頭 腦，但當看到內容之後，又頓

之前已去過銅鑼灣嘆中午點心，景靚食物更靚，味道好有保證，所以見尖沙咀開新分店，今次同朋友來食火鍋，原來湯底除左有特色，用料講究之外，仲有很多口味選擇。呢度比銅鑼灣分店更大,，最岩一大班朋友來食火鍋,，另外設有多間VIP房,，私人度更高。點完食物就可調醬油配料,，有成11款之多,，比較特別的是蒜泥, 有生/熟/炸蒜,，另外，xo醬也做得幾好，有原隻大蝦乾及香料煮成，好香好惹味，不過當食完火鍋湯底就知道不用醬料已經很好味。最令我驚喜係有雞尾酒，估唔到食火鍋唔一定配啤酒、紅白酒、竹庶水之類，配cocktail一樣很夾，很爽口順快。而家6:00PM - 8:30PM Happy hour cocktail, 仲有買一送一優惠. Begger So , The Brillant Begger $98（happy hour buy 1 get 1 free)蘇乞衣這個酒名同中國風的碗都好襯，用左Rum酒、Mancini Bianco甜苦艾酒、自家製甘庶涼茶及西芹等調成的雞尾酒。味道也很有中式，有花香帶點橘子清香味，餘韻的甘庶及西芹味後來帶出，味道清爽易入口。The Dancing Fairy $9

上網Bookmark左酒鍋好耐，今日終於約齊腳去試～本黎有所期待既，但食完之後有少少失望店員首先奉上林林總總醬料，大家就開始混醬啦！XO醬唔錯，爆香左蝦米同辣椒油，高質醉生夢鍋　$368各人興奮混完醬後呢度就係少少失望既開始啦唔係話唔好食既，味道係ok，可惜唔值呢個價。有GIMMICK既就係特別啲果一兩款湯底，例如肉骨茶同花膠雞等，但點解我話唔值呢？睇落去揭曉～龍蝦黑松露芝士鍋(正中間)：見到龍蝦突左隻腳仔出黎～大家都好興奮咁想撈黎食吓，點知全部都係殼，係好多殼喺入面，一舊肉都無。同埋係零黑松露味，如果衝著黑松露而來既定必好失望啦。芝士就交足貨既，夠味但唔會太膩。沙嗲湯(左上)：沙嗲湯基本上唔會做得太差，都幾香花生醬味，但就係一般既沙嗲湯底。麻辣(右上)：佢既麻辣係幾香花椒味，食到舌尖同嘴唇麻麻的，過癮！湯底有豬皮同豆卜索汁，係幾惹味既。肉骨茶(右下)：肉骨茶都足料，好重藥材同胡椒味，仲有啲金沙骨喺入面，個人幾鐘意呢個湯底。花膠雞湯(左下)：湯底較淡，同埋無餸，得一舊半花膠，有啲失望。成個鍋最大賣店就係啲特色湯底，我認為龍蝦同花膠雞可以落多少少材料，$368一個鍋底比市面上貴，但交唔足

春初津潤始萌，良朋結伴，以鍋代酒，一樂也。吃火鍋不像平日用餐一式一份，而是一鍋分甘同味，正是一種分享。多種配料可供調配，讓客人隨喜好配出最佳美味。醉生夢鍋多重味道，猶如人生不同滋味，此鍋包括酒燒龍蝦黑松露芝士鍋，花膠黃油雞鍋，肉骨茶鍋，四川麻辣鍋及潮州沙嗲鍋。肉骨茶褐色的湯底，飄出中藥杞子、紅棗熬煮所混合的風味，原以為以藥材為主軸的湯底照理來說會很苦，沒想到一點也沒有，取而代之的是一種溫和，清爽細膩的味道，而且鮮味十足，排骨上的肉不難啃咬，邊啃著肉邊吸吮浸到骨髓的精華。利用黃油雞熬煮後，再加入花膠一同熬煮，湯頭非常濃郁，滑順柔嫩的花膠吃起來頗有彈性，含豐富膠原蛋白，加上鮮美的雞湯，讓人吃完相當滿足。雞肉雖用作熬湯，但依然嫩滑，雞油雞汁豐富。四川麻辣鍋味道不馬虎，它的麻辣是那種讓人吃上癮，不會辣到吃不消，但是又充滿著麻辣香氣，爽脆的豬皮口感都是水準之上，豆卜完全吸麻辣湯汁，刺激得很。潮州沙嗲鍋細嚐之下椰子與花生味豐富，整個湯底互不嗆口，在配料還沒來前，我就忍不住喝了兩口，喝起來很順口。大塊新鮮的龍蝦肉，以濃郁芝士及酒調味，味道絕不膩味，加上清香的黑松露，更引發出龍蝦的彈牙鮮甜，一口咬下，