日熹樓 (已結業)

日熹樓出名在佢個百味菜宴，100樣餸盛惠4888，咁我就梗係食唔起啦，亦都唔夠人腳食，就咁食個晚飯小試牛刀先。醉雞不過不失啦，有酒味，雞肉夠實有咬口，雞皮唔肥，但係比起唐宮小聚嘅醉雞，尚有距離。四色小籠包係全晚水準最高嘅，有茴香，孜然，原味同埋唔記得咗四隻味，好食在於皮薄肉汁豐富餡料新鮮之外，呢啲茴香，孜然同埋唔記得咗唔會太過濃味，唔會喧賓奪主，值得一讚。至於冇鑊氣嘅清炒河蝦仁，其實係好新鮮彈牙，味道適中。睇落好似細細兜，其實份量亦都好夠，可惜身為一碟炒餸，佢係完全冇鑊氣。喺呢方面表現緊貼蝦仁嘅蔥爆羊肉，肉質其實亦都唔差，食落亦都頗為惹味，可惜亦都係完全冇鑊氣。最後碟炒年糕亦都有心爭奪全晚最冇鑊氣嘅寶座，本身上海年糕係有分現成切定同埋餐廳自己切兩款嘅，後者會彈牙啲立體啲好食啲，而呢度本來係屬於後者，但係好遺憾地喺全晚最冇鑊氣比賽入面三碟參賽者係打和啦super。

日熹樓用西方 Tapas 小碟形式，精心製作京川滬經典菜式，尤其適合多人分享，獨創「百碟宴」，配上紅白酒、啤酒或雞尾酒，意念創新，價錢合理。一行十多人到來日熹樓，先來多款涼菜，薰蛋煙燻味幽香，溏心度剛好，加了蟹籽增加口感。涼拌海蜇爽口，七里香醉乳鴿賣相靚，但我認為醉香味道不及醉雞。 宮保蝦球辣度夠，蔥油雞嫩滑，蔥爆羊肉、回鍋肉、雪菜毛豆百頁及碧綠的炒窩筍絲也有水準，醬茶鴨則一般，或許因為冰鮮鴨鴨味遜色有所影響。 菜肉末配叉子燒餅是我其中至愛，肉末不會死鹹而餅做得新鮮脆口，灌湯小籠包及生煎包也充滿湯汁，最後麵食點了羊肉麵及排骨上海粗炒，味道一樣好。 甜點選了足料芝麻卷及荸薺餅，以馬蹄、椰絲、花生及奶黃作內餡，像煎堆的外型十分討好。 老闆是源記第二代，日熹樓順理成章供應馳名糖水，六款糖水包括桑寄生蓮子蛋茶，陳皮紅豆沙，陳皮綠豆沙，杏仁糊，芝麻糊，核桃糊，用祖傳秘方烹調而成的，一定有款合你心意，好滿足。

早幾日朋友提議上來呢到食飯, 話係佢boss新飯堂, 話一定要試吓.上到嚟 “嘩” 一聲, 因為成個場完全唔似一間京川菜館, 全部牆身都畫晒熊貓嘅圖案加埋一個好靚的酒吧, 未食已經俾個環境吸引咗.我地睇餐牌, 見到D出面未見過嘅野, 都揀咗一兩款試吓.好似呢個水晶翅咁, 開頭諗唔明佢係咸定甜, 問咗侍應先知原來係用高湯+翅然後凝固而成. 好好味!! 個jello 入口即溶,成個口都係高湯的味道! 口感好特別!!諗唔到翅都可以咁樣食! 佢地配埋一個酒糟一齊上, 個搭配好match!再嚟就喺呢個京城伴三鮮, 原來係涼拌蝦, 海參, 帶子, 下面仲有的海哲鋪底! 樣樣都好爽口!再試個醉雞, 個酒糟個味好濃,D雞都好滑!叫咗幾個熱食, 等個陣我地幾個酒鬼走咗去個酒吧撩個bartender傾計, 佢介紹咗幾杯cocktail 俾我地飲, 全部都係用中國酒去調較的. 佢知我地點咗碟水煮魚, 佢話呢D cocktail 可以幫助解辣! 又學多樣野! 同埋D cocktail 味道都幾有層次感!水煮魚 - 完全唔似出面其他餐館咁油淋淋, D魚好滑,底個D薯粉係精髓! 我唔係好食辣, 但係都想要多碗來食