醉鮮靚湯特色粉麵

营业中

休息中

💪🏻 鮮鯇魚腩魚湯米線 ($58)呢間小店嘅魚湯係做得好鮮甜，魚湯係奶白色，魚鮮味十足，飲落好舒服☺️ 而且飲完係唔會覺得口渴，無味精魚湯😋 鯇魚腩都好大舊，肉質柔滑，有魚油香😛 整體都好配合！💪🏻 醉雞魚湯醉鮮麵 ($56)醉雞嘅花雕酒突出，亦有微微藥材香味😚！雞肉亦都浸得好入味，如果雞肉更滑就仲正！ 而醉鮮麵係類似瀨粉，不過再幼身啲嘅麵。💪🏻 香煎咸魚肉餅 ($35)煎咸香肉餅咸香味十足，而且煎得外皮好煎身🤤 味道亦都唔會太咸，就咁食都覺得好正😋 💪🏻 醉鮮撈起 ($24)撈起主要有海藻絲，萵筍絲等等，食落好清新！而且亦用咁特製醬汁去制作，味道幾特別😆 少少似中華沙律，但又唔太同。💪🏻 鮑汁生菜 ($24)味道：8.5/10性價比：7/10 食住瘦指數：💪🏻💪🏻/5

呢間餐廳主打酒醉系列、鮮鯇魚等主食，麵食湯底供選擇強調新鮮熬製，不加味精🍲💗醉牛豬骨湯醉鮮麵 ($58)用紹興酒浸泡鮮牛肉，牛肉新鮮嫩滑，略嫌酒過重蓋過牛肉鮮味🐃最特別係醉鮮麵底，口感介乎米粉同米線之間，麵質爽滑彈性🍜豬骨湯底清淡，記住將自家製櫻花蝦放落湯底，可以令整碗湯提鮮🦐💗椒鹽魚腩 ($41)椒鹽鯇魚腩即叫即炸，香脆熱辣辣，魚肉新鮮而且魚味濃，一啲都唔腥，不過椒鹽醃得未夠惹味🍤💗醉鮮撈起 ($21)其實係涼拌素菜，有齋鮑魚、青瓜絲、木耳絲、紅蘿蔔絲、中華沙律，食落爽脆開胃🥙💗鮑汁生菜 ($22)生菜新鮮脆嫩，淋上濃郁鮑汁🥬

屋企附近開左間新餐廳,叫醉鮮。由細到大都鍾意食醉雞同有酒煮嘅食物，決定一試。入去睇完餐牌, 發現價錢合理。所以除咗點我平常鍾意食嘅醉雞配米缐同魚湯㡳,仲叫咗個叫醉鮮撈起嘅小食。不得不提呢個醉鮮撈起，除咗價錢便宜（只賣8元），味道亦非常好，材料包括青瓜木耳（定雲耳?）紅蘿蔔同中華沙律，mix and match之下味道好夾,係一樣我覺得非常適合夏天食嘅開胃小食，價錢同味道均有驚喜。另外，對醉雞有要求嘅我亦覺得有此處醉雞有水準，因為有酒味之餘，最重要係做到雞肉夠嫩滑。除此之外，魚湯亦夠鮮味，感覺是家𥚃落了很多魚煲的魚湯味道。整體是次光顧經驗良好，會再幫襯。每日在沙田工作吃厭了哪些連鎖店，這次吃到了清新的味道。值得一讚是此處的服務，店員會介紹食物之外，亦會盡快回應客人。已期待下次試店員推介嘅生死戀泡飯(生死戀原來係指鹹魚同鮮魚,我仲以為係豬戀上牛嘅韓式愛情故事添!)