Angry Oppa Restaurant & Bar (已結業)

前幾日食完「OPPA」 ，今日要食發左怒火既Angry Oppa～兩間主打既野都係芝士，果邊食熔岩蛋漿飯，呢到就食熔岩披薩，身為芝士迷既我當然要黎試埋佢個熔岩披薩！店內外環境位於山坡位置，雖然都係係有香港「韓國街」之稱既金巴利道，不過金巴利道都斬開左幾Part，行行下個金巴利道會斷左，要轉個彎繼續行，再上山，呢間位置就比較遠啲，要多少少腳骨力。店舖設計簡單，望落去舒服，店內都有好幾部電視，一部播緊餐廳上電視既節目，一部就播緊韓文歌，比較早黎到所以位置較多，之後餐廳都愈黎愈多人。餐牌因為大廚黎自釜山，所以菜式都會有釜山口味，例如深盤薄餅、芝加哥薄餅等等，選擇有拉麵、湯鍋、炒盤、韓式煎餅、熔岩薄餅、薯泥薄餅等等，仲有DIY既煎餅比你自己落手落腳整添！蒜香雞肉熔岩披薩  $198黎到點可以唔點招牌熔岩披薩！大玩玩味PIZZA，睇落唔大份，但其實都有成8吋，PIZZA入面有九成都係用芝士整成，所以點解拉芝拉得咁西利，拉極都唔斷，仲愈拉愈高，絕對高過兩部IPAD高度。而味道，一入口好豐厚既芝士口感， 而且味道濃郁，最特別係芝士帶甜味，有啲似蘋果味，好岩我口味，我好中意！而蒜香雞肉就蒜香味欠奉，雞

因為同老公仔去開金巴利道～ 諗住去啲韓國超市買韓國嘢 跟住就見到一間咁特別嘅餐廳～ 一入門口就畀大大部電視機吸引～ 不斷播住 芝士瀑布無限loop～～loop~~lopp~~ 我心諗知啦！知啦！知你叻啦～～～ 陣間俾人妻睇下係咪真係咁*長*條芝士~~~~~~~人妻好快畀簡約清新嘅木器傢俬吸引～ 除咗畀人乾淨嘅感覺～ 仲成個人平靜咗！！首先當然要叫咗個海鮮湯啦～ 因為呢排小鮮肉老公做野好辛苦天氣又熱 男人唔補好易老～～ 雖然呢個係一人份但千祈唔好睇小佢～ 啲湯料足足夠兩個人食～ 有時啲湯水煲乾咗仲可以叫佢加返 當然如果太好飲 飲曬就唔好做啲傻豬嘢啦 海鮮材料非常之多～ 蜆肉和青口 極之新鮮～ 蝦蝦彈牙 配上椰菜翠玉瓜冬菇等等一齊淆製上湯～～ 令海鮮湯更鮮甜，更有層次！！呢個飯除咗賣相好靚 仲好好味㗎～最正宗嘅食法就係冚埋個蓋係咁搖係咁搖！！ 牛肉唔會太乾～ 入味的牛肉配泡菜仲有其他配料一齊食 佢喺大滿足呀呢個牛肉拉麵真係不得了～ 食之前整穿上面嘅蛋黃～ 撈勻來食！ 令到個湯更加濃厚～正～正～由於兩個人驚太飽所以叫咗迷你版嘅熔岩pizza～ 條芝士真係成條瀑布咁長～ 雙面配上辣醬同埋脆卜卜

自從與表姐美國旅行回港，大家各有各忙，說好的聚會，也一再延期，再次見面，如今她已經是一個待婚小女人了。她的生活雖然忙碌，但竟比以前更明艷照人！戀愛的魔力真厲害呢！行經金巴利街，街道兩旁盡是琳瑯滿目的韓國餐廳，我們選了一間韓式小餐館，店鋪小小的，座位不多，裝潢也十分務實呢！翻開餐牌，餐廳的招牌菜是韓式披薩和薄餅，也有鍋物，還有韓國便當呢！⭐️HITE$35吃韓國菜少不了啤酒，配泡菜特別開胃呢！⭐️韓國果肉果汁$25粒粒果肉，喝起來甜甜的。⭐️海鮮湯鍋$99這湯鍋雖然份量不算多，味道清甜健康，配料很豐富，有青口、蜆和蝦仁，還有很多蔬菜，例如娃娃菜、金針菇、紅蘿蔔絲、蘑菇、年糕等等。年糕很好吃，軟軟QQ的，很棒喔！⭐️泡菜海鮮煎餅$168韓式煎餅將泡菜和麵粉搓成麵糊，然後煎成金黃色。泡菜煎餅有點辣，但煙煙韌韌，有嚼勁，辣中帶甜，吃起來很惹味呢！⭐️醬牛肉金便當$129.9我最喜歡就是這個看似平平無奇的便當，以金色鐵飯盒盛著，十分懷舊呢！裡面有菜瓜、泡菜和芽菜，最好吃的就是牛肉，一般吃韓式飯的牛肉都是厚厚一片，沒有肉味。這份洋蔥牛肉薄薄的，肥而不膩，灑上芝麻，更突出濃郁的肉香，令人允指回味。▫️菜式不算特

耐不耐就想食韓國菜，於是去左金巴利道搵食，行下行下見到有間 Angry Oppa Restaurants & Bar , 門口擺放左 menu, 餐廳食物有別於一般，冇炸雞、燒肉, 有pizza , 燒餅及韓國傳統金便當⋯⋯海鮮湯鍋（鮮蜆湯底）滿滿材料放滿整鍋，有鮮蝦、蜆肉、青口、什菇、靑菜、年糕等，十分豐富、吸引湯底有少少胡椒味，令到蜆湯味道更加提鮮蝦肉爽口彈牙，蜆肉及靑口，鮮甜幼嫩追加魚糕串不同形狀魚糕新鮮，又唔腍，有咬口，一啖一粒，更有風味不愧為韓國街頭美食醬牛肉金便當便當用一個金色盒子盛載，十分貴氣牛肉甜甜地又唔靭，雖然材料比較簡單，但是，所有材料混合了一起食，又幾好味喎

新年特別多飯局，要約朋友出來拜年食飯吹水，一諗起食野就諗起食韓國菜，唔知系咪近排食韓國菜食上隱。韓國炒年糕年糕好煙韌，魚糕又索晒汁又好夠味道甜甜地辣辣地泡菜炒五花肉泡菜辣辣甜甜地，五花肉又不會太肥半肥瘦炒到好入味好香。海鮮湯底（鮮蜆湯底）：蜆好鮮甜肉又肥美，又有青口，蝦，魷魚，冬茹，年糕又有菜等。。。湯底好鮮甜。韓式海鮮薯泥比薩批，pizza底是薯仔好香好滑，中間有些千島醬好美味，上面舖上芝士和海鮮，芝士好香好濃郁。醬牛肉金便當，牛肉煮到好入味飯又好軟熟撈埋配菜，牛肉和白飯一起食非常美味。

呢排凍冰冰食得太多打邊爐&BBQ等的食物！所以今日想食下其他的美食！就上網揾到一間個名好特別叫Angry (憤怒）的韓國餐廳！好耐都無食過韓國野lu!仲要近排勁多朋友都去左韓國食好野，而我就為有在香港食！都是不錯的選擇！入到去，店員原來真係韓國人來的要用一點點英語去溝通，好在老公係到，加上menu上有埋文字同圖片睇！入面裝修周圍都貼上韓國電影poster，還播着韓劇同音樂感覺唔錯！蜜桃🍑泡泡氣酒，味道少甜，好香蜜桃味，3%酒精濃度，適合女仔飲！喜愛韓式牛肉拉麵，麵質煙韌彈牙，湯底有點像辛辣麵！裏面有些紫菜，年糕，魚糕，生蛋同牛肉，感覺好豐富！醬牛肉金便當，金便當食法是要輕輕shake一shake，將入面配料混合在一起才食的！醬牛肉肉質鮮嫩，味道唔錯！韓式煎餃子，外脆內軟，肉汁鮮味，好juicy!!迷你大醬五花腩熔岩比蕯，即叫即整，熱辣辣新鮮出爐，芝士既拉絲效果一流，味道濃郁！係有少許咸，但都好好味！

尖沙咀條韓國街真係花多眼亂，但每次一想食韓國野就會諗起呢度~見到呢間有得free style pancake好似幾特別咁，一於試下啦…一坐低店員就送上前菜，醃洋蔥蘿蔔，酸酸甜甜的好開胃!餐廳裝修同埋用品以木為主，加埋韓式餐具，好有置身韓國嘅感覺。韓式傳統便當，好有特色嘅鐵盒，好彩嚟之前做定功課先知咩玩法合返蓋shake幾下就可以成功將所有配料同醬料混合好多人都覺得係餐廳食韓式拉麵都只係平時係屋企煮嘅辛辣麵，但呢度一飲湯底就知道絕對唔係咁簡單，內裡仲有大量芝士! 真係越食越想食~ 泡菜偏辣，店員好細心問我地使唔使分開，就算同行朋友唔食得辣都食到熬辣辣!! 每一啖食落去都有芝士，最誇張係多到溶出黎呢個size一人一舊份量剛剛好!有得食又有得玩，配料足料，可以freestyle自己鐘意嘅口味! 蛋漿每次薄薄地落少少就足夠，可以整到9-12件架!製成品🙌🙌🙌🙌🙌2個人黎講份量有點太多，但基於我地太餓嘅關係…都叫做食得哂, 哈哈!下次又想handmade下野食一定會再嚟~

嚟到尖沙咀金巴利道嘅Angry Oppa Restaurant & Bar,呢間賣嘅係比較新派嘅韓國菜.入面用咗韓國燒酒同米酒做裝飾,仲不斷咁播住K-POP MV.餐牌封面簡約得嚟都幾靚.呢次嚟試係因為俾佢哋嘅熔岩芝士系列吸引,目標非常明確.叫完嘢食之後店員就拎咗碟前菜嚟,醃製過嘅洋蔥少咗份辛口感,食落酸酸甜甜,醃甘筍就爽脆,都幾開胃.韓式鮮蜆湯,當日鍋入面大約有十六隻鮮蜆,另外仲有蘿蔔片,洋蔥絲,蔥段同蒜蓉.湯味鮮甜,總算唔錯.佢哋仲有幾款韓國傳統金便當,睇落幾得意咁,於是叫咗醬牛肉金便當試試.拎上手感覺暖暖哋,打開便當蓋,盒入面嘅翠玉瓜,泡菜,大豆芽,醬牛肉片同紫菜飯排列得好整齊,都幾吸引.之後就閂埋蓋,用雙手揸實便當再用力搖勻,不消一會入面嘅食材就混埋一齊.醬牛肉片咬落鬆化,同埋甜甜辣辣咁,米粒又夠煙韌,其他嘅翠玉瓜,泡菜,大豆芽又經醃製過,睇落平凡但幾惹味.韓式熔岩芝士原味比薩批,呢個係我最期待嘅菜式,雖然只有八吋大,但批底比一般嘅意式比薩厚非常非常非常多.輕輕拉起其中一塊,入面嘅芝士份量極多,就好似熔岩瀑布咁,拉絲效果非常強勁.因為芝士太癡纏,食嗰陣顯得有啲狼狽,不過都幾好玩

周日走過尖沙咀金巴利道，發現有間主打韓式煎餅、Chicago Pizza、Deep Dish Pizza 、Spoon Pizza和各式韓式便當的新店，叫Angry Oppa。店主聲稱出品保持韓國特色，又融合香港人口味 ，那就當然要試試。店舖佈置簡潔，有三十多個座位，啡色枱面，白色枱腳，帶點韓風朝氣。餐廳有各式批薩、煎餅、傳統韓式湯、韓式果汁和汽水。坐下即點了醬牛肉金便當($99.9)、韓式醬牛肉煎餅($138)和韓國果肉果汁(提子味及橙味)($25)。醬牛肉金便當由長方型金色鐵盒盛裝，外型賣相吸引。便當材料有牛肉、荳牙、紫菜、泡菜和脆瓜。店員提點，韓式食法是先把盒子蓋好，再出力搖晃，直至各種材料均混混合。便當份量十足，牛肉鮮嫩，肉汁充沛，配上荳牙、脆瓜、紫菜和泡菜伴食，惹味好吃。韓式醬牛肉煎餅，煎餅煎好後切成小方塊，放在藤籃上枱。煎餅煎得金黃香口，中層有香蔥，再配面層嫩滑牛肉，一口咬下，蔥味肉味湧進味蕾，開胃好味。飲品是大路的韓國果肉果汁(提子味及橙味)，味道清甜解渴。