阿詩瑪壹菌 (已結業)

在香港吃到正宗的雲南菜機會不多今天有事來到太古必要嚐嚐這家店家設計走中國古典風長在長長的吧枱上靜候美食先送上一壺糯米香茶二人點了一鍋大的野菌山珍氣鍋雞氣鍋雞用上傳統的土陶鍋用蒸汽蒸熟保留原汁原味雞湯呈誘人的金黃色雞肉豬肉牛肝菌等配料也相當美味建議點大份的才喝得過癮滇醬肉絲餅緊接送上用薄餅包裹肉絲青瓜京蔥一口咬下有點北京填鴨的感覺如果可以配上白飯食用也是不錯選擇今晚主角是火爆牛肝菌牛肝菌有著一種獨特的味道用青椒蒜頭辣椒爆香後味道更突出雲南的好山好水今夜都能一一品嚐

今日老婆放早到太古接我放工, 我地6點半已經係太古城中心集合, 時間咁早未係好肚餓, 老婆話想食中菜飲燉湯, 我係Openrice搵到呢間係太古城二期地下嘅阿詩瑪壹菌。阿詩瑪壹菌係一間雲南菜館, 雲南菜係香港比較少見(如果米線店唔計的話🙈),。晚市二人套餐除左氣鍋雞, 兩個小菜, 頭盤同甜品之外, 仲有一份蔬菜, 同老婆食飯佢最緊張有冇菜食, 呢個套餐啱哂。👍 由於我地到餐廳時間尚早, 客人未算多, 不過7點半之後就開始多人。餐廳裝修好有雲南風格, 以紅白黑三種色調為主, 餐廳都幾大間, 卡位座位寬敞, 坐得好舒服。😚晚市二人套餐$428好豐富, 不過老婆睇到Menu有佢好鍾意嘅雲南過橋米線, 結果我地冇叫套餐, 點左一客雲南過橋米線, 一盅氣鍋雞, 酸菜魚片同老婆一定要點嘅浸時蔬。餐前小吃有兩款, 其中一款炸黃豆超香口, 如果唔係老婆怕我熱氣唔俾我食咁多, 我一定會食哂成碟。😝氣鍋雞我地點嘅係小鍋, 不過份量都唔少, 二個人分剛剛好, 湯料非常豐富, 湯頭好鮮甜。😋因為老婆唔太食得辣, 所以我地揀左唔太辣嘅酸菜魚片, 魚肉非常嫩滑, 酸度剛好, 底層除左芽菜仲有薯粉, $118好大盆

M佬：講起雲南菜你會諗起咩？A姐：酸辣米線！！我要3小辣！！M佬：……中國嘅八大菜系，分別有川菜（四川菜）、魯菜（濟南菜）、粵菜（廣東菜）、淮揚菜、閩菜（福建菜）、浙菜（浙江菜）、徽菜（徽州菜），數嚟數去都無滇菜（雲南菜）嘅，唔通滇菜真係得米線？因為雲南嘅地理位置鄰近四川，所以菜式都好相似。而雲南屬於中國西南地區，氣候温和，雨量充足，物種豐饒，所以滇菜講究鮮嫩，選材以山珍、菇菌為主。今日就帶A姐去太古城阿詩瑪壹菌，試吓除咗酸辣米線嘅滇菜啦。雲南過橋米線A姐話食雲南菜，無米線佢真係接受唔到，所以嚟到阿詩瑪壹菌，佢話一定要食過橋米線。店員會先上一碗裝滿滾湯嘅大碗，再即時放入米線、薄豬肉片、薄雞肉片、菜等配料，所有食物都好新鮮，米線爽口細滑，湯底鮮甜，雞味濃郁，仲可以自行加入酸菜，令味道更醒胃。野菌山珍氣鍋雞作為滇菜嘅名菜，呢個氣鍋雞真係一啲都唔簡單，用上傳統嘅雲南燉鍋，再加入野菌、雞肉同瘦肉，而煮嘅過程唔加入水，所有湯汁全靠食材自身嘅水份同水蒸氣而成，絕對係夠晒珍貴又原汁原味。一打開蓋就聞到好香濃嘅菇菌味，湯汁香濃，鮮味十足，好好味呀！水煮魚片雲南版嘅水煮魚片，同四川嘅好唔同，湯底相對較清

講起雲南菜，相信雲南過橋米線一定冇人唔識。最近全城熱話，譚仔變龜丸既主角譚仔就出晒名。而雲南菜好多時比人感覺都係平凡，餐廳裝修簡單樸素。最近因為要上堂既關係來到太古城，雖然知道太古城好大，但原來係度搵食都有d困難。呢度餐廳雖然多，但大多是高級食肆，價錢要番咁上下。要平就只有連鎖餐廳，但又食到厭，不過行行下又搵到一間岩心水既餐廳。從門外已經見到幾靚既中式裝修，甚有氣派，果然是太古城質素。望望餐牌，都有好多大眾化既選擇，是價錢合理的雲南菜。其實以這個地段嚟講，我認為是抵食。前菜兩碟，一個是涼菜，另一個脆口，都幾開胃既小食。金奬涼白肉 $68白肉薄身又夠腍，醬汁豐富，而且辣味恰到好處，令白肉惹味又開胃。野菌山珍氣鍋雞 $78氣鍋雞係雲南菜中另一道名菜，用左中心有嘴的紫陶氣鍋，隔水蒸熱。湯中用料十足，湯汁由蒸氣凝成，味道香濃，營養豐富。牛肝菌小籠包 $48牛肝菌小籠包雖然唔似普通小籠包般豐滿，但包中的湯汁更香濃。中間的豬肉餡中夾雜牛肝菌粒，基本上不加醋吃也可以。手製鮮肉韭菜餃 $55韭菜餃皮唔會太厚，内裡有豐富鮮肉餡，咁大隻既韭菜餃一啖都未必食得晒。雲南小窩米線 $68雖然價錢略高於平時食既米

本身一直都好少到太古，記憶的太古就只有停留在讀書時候，今日因要見客，就舊地重遊一番，有許多新商鋪，而環境十分舒適，一點也沒有擠擁的感覺客人提意到阿詩瑪壹菌相見，位置從商場找確是有點困難，但從外圍就十分顯眼易見，紅紅的餐廳，十分有中國風味道侍應端上熱熱的茶，味道甚為獨特，細問之下原來是雲南糯米茶野菌山珍氣鍋雞 $140湯水是我喜好之一，點了野菌山珍氣鍋雞，雞湯都是清清的，一點也不油膩且，濃濃的菇味道也很特別，滋潤過後人也特別開胃大理香辣雞 $108外皮的炸粉特別簿，而且很脆口，配上汁後也沒有減低香口的口感，實屬難得牛肝菌小籠包 $48特意沒有點上醋，只想品嚐十分香濃的牛肝菌味道，而小籠包的皮也特別簿，加分!

大除夕無出外倒數, 想早點吃完晚飯早點回家休息, 始終在家千日好... 外面人太多, 有點恐懼, 我是不是有自閉症呢?!! 哈哈...幾個月前見到阿詩瑪舊址正在裝修改為咖啡店, 仲以為佢從此消失, 後來睇報紙見到美食前局長去咗新店試食, 原來又係太古城開翻, 不過就唔係好清楚係邊個位開...今日口淡淡又想食酸辣米線, 就諗起阿詩瑪, 上網搵下佢的新地址, 雖然唔確定, 都決定去試下搵...係太古城商場入面有2個出口可以去到, 第1個係阿詩瑪舊址(現為連鎖咖啡店)與Apita玩具部之間的出口, 一行出去轉左就係... 第2個係百X匯與歐FA之間的出口, 一行出去轉右係銀行, 再轉右, 行多幾步就到... 哈哈, 我一向都係會揀錯又遠又耐的路, 今次都係, 揀咗第2個, 好彩只係多幾步路...行到去阿詩瑪, 嘩!!! 大紅+大金, 好土豪Style呀!!! 2個出入口都係要行4級樓梯, 對行動不便者如老人家及坐輪椅的人士有點不便...外面望到入來的地方係較為自成一角的大枱...再往內行, 一排4人枱, 一排2人枱, 再入頗迫的4人卡位, 再入都好似仲有... 坐下後Honey話外面望入來就