椒點

营业中

休息中

見OpenRice評語唔錯，襯早放工就試一試。餐牌都有唔少選擇：水煮、乾鍋等酸菜魚控嘅我專一唔難選擇金湯酸菜魚價錢睇落唔貴喎$62，自選主食 & 2個配料，配普通凍飲都只係加$7。送到黎樣都唔錯嘅但原來魚係最普通嘅鯰魚柳☹️（之後睇餐牌先知生魚片要加錢）份量唔算少嘅，正常滑&軟不過有幾舊非常腥…湯唔油、夠酸但無咩特別米線分量足，係偏幼嘅果種幾索湯嘅最好食係萵筍，鮮甜無渣嗯…凍檸檬茶少甜少冰..茶同檸檬都無咩味😅😅

🌕🌕🌕🌕🌕 金湯酸菜魚🌕🌕🌕🌕🌑 乾鍋牛肉 食酸菜魚唔使上大陸嘅，大埔都有唔止一間，今次想介紹下椒點。 疫情前，好多人都會返大陸食酸菜魚，我當時純粹因為唔鍾意食酸菜，所以一次都無食過。由疫情期間直至而家，我幫襯得最多嘅酸菜魚餐廳就係椒點。 🐟酸菜魚方面我唔係專家，不過椒點嘅酸菜魚係即叫即煮，滾熱辣咁樣拎出黎，淨係個態度同溫度都贏曬。 份量方面都唔會吝嗇，我最愛嘅配菜係萵荀同薯仔片，保守估計每款都有6-8片。如果想食豪啲可以加少少錢（唔記得$10定$12）配生魚片。 個乾鍋乜乜都幾惹味，一樣可以配飯/米線/薯粉，甚至一齊炒埋個薯粉都得。

🍴金湯酸菜魚 ($60)之前已經食過呢間既酸菜魚 覺得幾好食 所以今晚叫外賣都係再點酸菜魚😋呢間既酸菜魚除左辣度可以選擇之外 仲可以選擇加酸、加麻、少麻、走麻、少油、走油、走辣、走辣椒、走花椒👍🏻 因為今次係經外賣平台叫既 所以淨係揀到微辣 我覺得酸辣度岩岩好 仲帶有輕微既麻味 好開胃👍🏻魚塊 豆卜同娃娃菜既份量都好足 雖然睇落唔大碗 其實都好夠飽魚塊好入味 嫩滑得黎唔會一夾就散 加上無骨 啖啖肉好正😆 薯粉係分開另一個碗既 唔會驚浸淋哂 薯粉既口感好彈牙煙韌☺️

去太和找朋友後要去醫肚，朋友推介我去椒點食酸菜魚，一人一碗，那就可以按個人喜好的辣度點餐啊！餐牌分類清晰，水煮類菜式有魚和牛選擇，另有乾鍋及小食供應。今次點的兩份主食都是魚，金湯酸菜魚，配扭紋薯粉，配料可選兩款，要了萵筍及金菇。微辣的酸菜魚，辣度都足夠，帶微微椒麻感，酸辣平衡。魚片大片而且份量充足，嫩滑得來帶點咬口。萵筍爽脆，金菇吸湯，整碗酸菜魚夠惹味。扭紋薯粉分開上，粗身的薯粉好煙韌，份量看似不多，但足夠令人飽肚。完全不能吃辣的話，可選蕃茄魚或蕃茄肥牛/牛肉。蕃茄魚加豆卜，娃娃菜，配米線，湯底的蕃茄味香濃，魚片與豆卜盡吸湯汁，每一啖都帶蕃茄味。米線麵質不會太過軟稔，分開上令米線不會吸太多湯而發漲。不吃蕃茄魚，其實酸菜魚也可以走辣，能吃辣或不吃辣的都照顧得到，那就可以隨時結伴去吃酸菜魚啊！

☄️五花肉乾鍋$63首推這個鍋🤣，五花肉乾鍋炒米粉真係出乎意料嘅好味，米粉一定要炒埋落去！！！唔好湯上，啲炒米粉吸收晒日月精華、中式香料、辣粉辣椒🌶️、香菜洋蔥🧅蓮藕青瓜薯仔，😍🥰香濃入味！🎣金湯酸菜魚$60見OpenRice個個都叫酸菜魚，所以叫嚟一試，係正常好食嘅酸菜魚，配合薯粉真係冇得彈，但係未到驚喜，配料兩款揀左木耳同萵筍🤤不俗☺️🥦乾鍋花菜$45(叫咗大辣🌶️🌶️🌶️)花菜煮得硬度剛好，亦唔會太油👍🏻花菜加乾辣椒一齊炒好香口，大辣都唔會太辣，感覺係清清的帶點椒麻香辣，份量就兩個人左右，唔會太大碟，我哋都好鍾意食菜，如果人多就要叫多碟‼️1️⃣乾鍋炒米粉‼️❗️2️⃣酸菜魚薯粉❗️呢兩個配搭真係唔錯，大家可以參考下三道菜都唔會太辣，花菜 同 米粉都有驚喜😆！主食幾大兜，以我嘅胃口最後都係食唔晒🙈眼闊肚窄🙈

位於太和火車站附近嘅椒點，沿路行讀過已經見到好多間餐廳。呢間椒點，燈光足夠，雖然舖位唔係好大，坐嘅枱都比較狹窄，不過都有好多客人，相信一定有好大嘅魅力今次叫咗招牌金湯酸菜魚，佢喺裏面可以配兩款配菜加埋一個主食我哋就揀咗萵筍同埋金菇仲有同酸菜魚最夾嘅紅薯粉。雖然話係一人嘅份量，但係嚟到黎好大份，十分足夠金湯酸菜魚湯底濃厚，淨係飲湯都停唔到口，加上辣度可以調校辣到魚嘅份量都唔少，以呢個價錢絕對係VIP嘅選擇萵筍，仲有金菇絕對係同酸菜魚天作之合嘅配搭唔使另外收費就可以加上兩種配菜，CP值簡直爆燈另外仲揀咗醬香味雞肉乾鍋配米線，裏面已經包括有蓮藕金菇、青瓜、洋蔥同薯仔，配菜10分豐富最推薦嘅配菜係金菇同埋薯仔粒，炒到好香脆，連埋醬香汁完美配搭加上雞肉唔會話炒得老，肉汁鮮嫩仲有加埋麻辣海帶絲，雖然只係$28，但係份量10分足夠，俾料絕對冇手軟椒點絕對係可以一試再試嘅高Cp值餐廳小店

大埔站📍椒點-酸菜魚係女朋友至愛，所以又去食啦🐟一人份：金湯酸菜魚（$58）女朋友叫左個金湯酸菜魚，套餐包兩款配菜，分別簡左薯仔片同豆卜，主食簡左白飯。湯底有得簡辣度，未食過就先叫小辣小試牛刀。今次食魚柳，夾起唔易散開，啖啖肉，岩晒食肉獸😜湯底幾清香，唔會太油膩，食落先知原來可以叫多酸，如果再酸d仲正😋小辣黎講，平時唔係食開辣嘅朋友都可以試下，都幾易入口，唔會太嗆。如果想轉生魚片，加$11就有🤪一人份：水煮麻辣肥牛（$65）我就試下水煮牛，一上台已經聞到好麻好香！配菜簡左萵筍同娃娃菜，主菜簡左薯粉，同樣係要小辣。試咗一啖湯底，花椒辣椒嘅麻香令我流晒口水，雖然係水煮，但又唔會覺得太油膩。我自己就覺得呢一個水煮牛有驚喜，配埋薯粉一齊食好惹味😋薯粉同配菜都索晒湯底🤩如果份量再多d就更加好😛女朋友都爭著食我個碗😭女朋友好玻璃肚但食完都冇唔舒服，下次可以挑戰中辣/大辣，等佢有d衝擊💥🧨我地7點左右到，現場都座無虛席，仲有人排隊！環境黎講都坐得幾舒服，唔會太迫。

有冇酸菜魚愛好者🙋🏻‍♀️😆 今次去大埔呢間餐廳就係主打酸菜魚嘅餐廳🤤金湯酸菜魚🐟($58)轉生魚片+$9雖然我哋冇轉到生魚片，不過魚片都好厚身，如果鍾意爽口啲嘅就可以揀生魚片，我哋叫咗小辣，鍾意食辣嘅朋友可以再叫辣少少，套餐可以揀米線、薯粉或者飯，會另外上，而魚片嘅份量都幾多，好新鮮嫩滑，酸菜好開胃，不過個人鍾意再酸啲，套餐仲包括兩款配菜，我哋揀咗萵筍同埋娃娃菜~麻辣青瓜🥒($22)青瓜爽脆，辣油啱啱好，唔係好辣，而且青瓜都幾大塊，都幾抵食！飲品方面我哋揀咗鹹檸七同鹹檸樂，最啱食辣野嘅時候飲😆除咗酸菜魚系列，餐廳仲有水煮牛同干鍋可以試吓，小食亦都好多選擇，例如有花雕醉雞卷、麻辣土豆絲、麻辣豬肚、腎片，如果經過大埔大家可以試吓🤤

🥢大埔新開 抵食金湯酸菜魚干鍋五花肉套餐🥢今日去開大埔區搵食，見到一間專食酸菜魚套餐的小店好似幾抵，裝修到似文青Cafe 白雪雪又光猛乾淨，店內係套餐價錢包括飯麵飲品，一於入去試試🥢金湯酸菜魚，跟兩款配料$58 / 轉生魚片小辣 $69 (配飯/米線/薯粉）凍飲加$6酸菜魚套餐本身跟兩份自選配料，我哋揀咗金菇同豆卜，索曬湯底精華，金黃的酸菜湯味道微酸帶辣比較溫和，所以小辣剛剛好，可以連湯飲埋，我地轉了生魚片，入口滑滑的完全無骨，加入米線後變成酸菜魚米線，啱晒鍾意食米線的朋友，變了一碗勁正的酸菜魚米線🥢五花肉干鍋 $62 凍飲加$6 (配飯/米線/薯粉）五花肉又係一樣令人又愛又恨的東西，干鍋五花肉除左爆炒得乾身夠香辣，仲有好多唔同配菜如薯仔，蓮藕，金菇，青瓜，洋蔥，啱晒我哋最鍾意食配菜嘅人，由其係薯仔特別好食，入口表面脆脆入邊柔軟，帶點點孜然粉嘅香味非常惹味，值得一提既係呢到的白飯用了珍珠米更香口好食🥢無骨口水雞 $55已經事先去骨，上面舖滿麻辣口水汁，雞肉嫩滑無骨啖啖肉，辣辣的感覺送飯一流🥢一間環境舒適又乾淨的小店，幾鐘意呢個環境，而且套餐非常抵食又美味，非常推薦佢地家的酸菜魚同干鍋套

金湯酸菜魚(轉生魚片+$9)， 賣相望落幾吸引架，一碗入邊生魚片份量算多，有大概十塊，全部都係完整嘅一塊黎架✨生魚片肉質柔軟嫩滑，真係好好食！好推介加錢轉生魚片🐟酸菜魚湯喺酸度方面要留意返~略嫌未夠酸，酸菜可以再酸啲，我食開啲重口味嘅酸菜魚xd😗今次叫咗小辣，個辣度正常。食食吓都會辣左架～另外，會跟一個主食可以揀螺旋薯粉，米線同白飯，食完都夠飽㗎！.雞肉干鍋 ，有得揀蒜香同麻辣嘅味道，干鍋入邊有大概四五舊雞肉，仲有幾多嘅配菜例如蓮藕薯仔洋蔥椰菜花等等，食落甜甜地又有啲辣。小菜會配埋一個主食可以揀白飯或者米線。今次叫咗米線，個湯底係清湯。.麻辣青瓜叫咗小辣，食落都幾辣🥸辣油唔會太多，唔會太油膩。青瓜食落幾爽脆，算大舊，不過有啲青瓜食落有啲淋身。.麻辣腎片，見到腎片小菜價錢好抵，梗係叫返一個試先～份量好多！腎片食落好爽脆，麻辣汁味道偏溫和，有啲少。呢度仲有醉雞捲！！！見到隔離枱叫咗，個賣相幾吸引，今次太飽了，下次可以試試～～

來一試大埔新開小店！酸菜魚叫左小辣，喜歡辣既可以再叫辣d 應該會香口d！白飯係扣底既份量，但係都食到好飽。只係上菜時間略嫌慢咗啲。無記錯應該係$68 一個餐。整體而言唔錯，魚片無腥味，爽口。可以再黎😆