食神麗宮

营业中

休息中

朋友多年沒回香港，想跟他品嚐中菜，今晚特意邀約他來「食神麗宮」晚飯。室內裝潢即喚起他舊日在港的回憶。當然要嚐嚐這裏的食物。他打開菜牌，各樣也想吃，難以下決定。店員耐心介紹他們的招牌菜，終可决定下來。❣️ 食神醬燒乳鴿 $48以特製醬料醃製的燒乳鴿，非常入味，皮脆肉多汁，味道甘香。❣️ 印度皇室咖哩牛腩 $168印度皇室咖哩牛腩跟香脆長城饅頭。送來時香氣十足，已讓人垂涎欲滴。除了牛腩，也有牛筋，牛腩軟腍惹味，咖喱醬汁辛香味鮮帶微辣，層次豐富。配上香脆鬆軟的炸饅頭。炸饅頭不油膩，不管是單吃還是沾咖哩吃都很好吃。越吃越美味❣️ 金絲脆蝦球 $188薄脆漿裹著原隻厚肉大蝦酥炸而成，表面再鋪上以蛋切成的金絲。金絲脆蝦球外皮口感酥脆，內裏是爽口彈牙的蝦球。❣️ 上湯海味什菜煲 $108用上不同的海味，如吊片、大蝦乾、瑤柱，還有菇菌、杞子、數款時令蔬菜和粉絲而成的上湯海味什菜煲。口感豐富，嚐到鹹鮮的海味味道，真的不錯。❣️ 紅豆沙店員最後送上是日甜品 --- 紅豆沙。朋友說已很久沒嚐中式甜品，真的有回到老家的感覺。這裏的食物令他回味非常。

成日行過都被招牌”食神”吸引到，位於酒店G/F. 今次終於來試下有幾”神”. 特醬燒乳鴿-本身諗住叫食神雞但原來要預訂，餐廳話乳鴿都係招牌菜一於試下-乳鴿好肥美！坊間的好多都係冇咩肉食，但呢間係食到啖啖肉！-個醬汁十分入味但唔會太鹹-燒到剛剛好，入面仲好juicy 金絲脆蝦球-有6大隻，蝦肉十分爽口彈牙，好新鮮-岩岩炸完就上菜，熱辣辣好滿足, 餸飯餸酒都一流。紅燒大排翅-好耐冇食過翅了見到食神有就即叫-份量十足！叫左一碗，姐同朋友一齊食都好夠-完全唔係碎翅，係有質素的大大塊魚翅，好似扒咁厚肉-芽菜另上，加埋食夠哂口感金銀蛋上湯豆苗-豆苗份量好大，有2-3人的份量。-湯底唔鹹，金銀蛋好足料

下班後約了朋友到西環的一間中菜館吃個晚飯。中式酒樓格局，店內的一邊有包廂，包廂內似乎很熱鬧。點了一隻特醬燒乳鴿($38)，乳鴿皮脆肉嫩，外層的薄皮香脆而不油膩，能沾上惹味自家調製的醬汁。鎖著內層的肉汁，把脆皮和肉同時吃下，便能同時嚐到乳鴿的肉香和脆皮。雲腿螺頭鮑魚燉雞($88)，燉湯非常香濃，燉的時間足夠，所以湯有各種食材的味道之餘，湯渣也十分好吃。鮑魚入口夠嫩，入口有嚼勁，底下有大量瑤柱碎，肉也被燉得軟腍。金絲脆蝦球($188)擺盤精緻，每一隻匙盛着一隻蝦球上桌時能聞到頗香的油炸味，趁熱吃口感更佳。毛茸茸的金黃色大球，咬下去嚐到兩種不同的口感，大蝦球多肉爽口，金絲酥脆可口。山楂汁咕嚕肉($128)，山楂的酸甜味令咕嚕肉變得更可口。這道菜還附上一碟山楂汁，喜歡吃更濃味的人，可把汁澆到咕嚕肉上，但本身這道菜的味道對我倆而言已非常足夠，不用再加額外醬汁。咕嚕肉的外層也煮得入味香脆，是一道很開胃的菜，很適合拌飯吃。金銀蛋浸時蔬($88)，份量和用料十足，頂層鋪滿幼滑的蛋白絲，混着大量皮蛋粒和咸蛋黃粒，配上新鮮嫩滑的菜特別入味。不論單吃還是拌飯吃都很適合。絲苗白飯($13)，點了兩碗，配山楂汁

若要盤點香港最具代表性的美食電影，總離不開一部周星馳的《食神》，內裡的的菜式多年來成為飲食界的話題作，由當年為電影擔任飲食顧問並客串一角的戴龍師傅所主理的食神麗宮，主打傳統經典粵菜。店內走舊式酒樓的傳統格局，面積寬敞，加上樓底夠高，座位之間留有空間感，坐得頗舒服。門外見到多個大大小小的魚缸，保証食到生猛海鮮。酒樓由電影《食神》的原型食神－名廚戴龍師傅主理，有好多自家製和懷舊菜式，所有小菜均保證絕無味精雞精等食品添加劑。茶錢 $12 一位，餐前小食收費為 $12一碟。金絲脆蝦球 $188金絲外型別具貴氣，其實是用蛋黃再以慢火溫油將蛋炸成縷縷黃金蛋絲，造工細緻。一口一件放上銀匙，與同桌分享時更衛生方便，而且炸得乾爽不油膩。外層酥脆無比，粉漿亦不會過厚，緊緊包裹著大隻肉厚又鮮味爽彈的原隻蝦肉。山楂汁咕嚕肉 $128每次點晚飯小菜時，咕嚕肉當然是必點的，夏天吃尤其開胃。咕嚕肉的精萃是醬汁，濃稠紅潤的山楂汁酸度更高，不會過甜，即時令人胃口一醒。與醬汁分開上也可避免外皮被芡汁浸軟浸腍，肉質鬆化柔嫩，一口咬下充滿肉汁。原隻龍蝦炒乳酪 $188以原隻龍蝦入饌，一上枱就已是霸氣盡現，視覺上效果搶眼而震撼

食神入面戴龍師傅既皇帝炒飯，依家喺西營盤食神麗宮都食得到喇～ 📍食神皇帝炒飯 ＄188嘩佢一上到黎大家都嘩嘩聲，成條鯉魚造型出現，都真係幾霸氣對炒飯品評，我地姑且套用返星爺句對白：「食神炒飯表面上看起來呢，是平凡無奇的炒飯，其實是精雕細琢，高深莫測，不愧是有‘炒王’的稱號。」係，個炒飯材料超足，飯粒分明賣相更加一流📍金絲脆蝦球 ＄188呢個擺得靚而且好香口好足料，蝦球外面有香脆口感嘅金絲包裹住，外皮炸到金黃香脆，香口非常~~📍戲棚粥 $68/碗依家好少地方會食到，係舊陣時戲棚賣嘅粥。今次食神版泡飯，用左龍蝦湯做底加埋魚肉球冬菜同香芹等，成個泡飯都好鮮味～📍特醬燒乳鴿 ＄25呢度嘅乳鴿用秘製嘅特醬所醃製再加埋即點即炸，隻隻都新鮮熱辣好惹味📍原隻龍蝦炒乳酪 $188龍蝦大大舊而且肉質彈牙爽加埋乳酪一齊炒兩者非常之夾～📍火龍果蜜豆牛柳 $138因為無火龍果，最尾換成蜜桃，味道更甜更香口，女仔會好鐘意～牛柳肉嫩多汁配埋蜜桃甜味一流📍千本漬蜜豆炒帶子 $128帶子份量好多，而且粒粒煎到微焦更香口有口感，再加埋荷蘭豆一齊，係完美不敗配搭～📍小炒王 $138 呢度嘅小炒王有小魚乾魷魚乾豆腐乾材料超多