百味鮮辣蟹專門店 (已結業)

\\ 出色鮮甜水蟹粥🦀!! // °. * 𝗧𝗮𝘀𝘁𝘆 𝗮𝗻𝗱 𝗦𝗲𝗮𝘀𝗼𝗻𝗮𝗹 𝗥𝗲𝘀𝘁𝗮𝘂𝗿𝗮𝗻𝘁 百味鮮辣蟹專門店 .:* 星期六同屋企人食飯，諗起呢間喺西環不時門口堆滿人嘅中菜。已bookmark會再去，同試埋今次未試嘅菜色♡ ⋆ • ⋆ ✦ 🦀水蟹粥 $168 ✨ 最推介就係水蟹粥，好鮮甜同足料，粥煮得好綿！另配榨菜蔥粒，隨意配搭～ 唔洗去澳門都食到高水準水蟹粥，價錢又唔貴🫶🏻🤤✦ 🧄金銀蒜蒸蟶子皇 $48 ✨ 呢個招牌菜冇令我失望，蟶子大隻肉厚又爽口～作為蒜同粉絲lover，一隻唔多夠喉，但留肚食其他🫡 ✦ 🔥當紅炸子雞 (半隻) $148 ✨ 半隻上菜擺盤雖然無咁好睇，但食落去塊皮脆到真係似薯片咁，又夠味，正🤍 ✦ 🍍百味咕嚕肉 $138 酸酸甜甜，亦做到外脆內軟😌 另見到有招牌冰鎮咕嚕肉但要早2日預訂，下次要再試，可能更有驚喜～ ✦ 🥦蟹肉扒西蘭花 $98 另外想叫左個菜，味道適中，蟹肉亦多，好味🌞 ✦ 🥣另有送糖水 環境舒適乾淨，職員亦好友善👍🏻 有興趣嘅話記得book枱，同部份特別菜色要2天前預訂～ 👀 回頭: 5/5 ♥ ♥ ♥ ♥ ♥ ⋆ • ⋆📍 西環石塘咀

百味鮮呢間餐廳係我哋同學每年食生日飯都必定嚟嘅地方，加上平時一、兩個月都會同其他朋友嚟食一次，可以算係常客😆所以對佢哋餐牌同埋預訂嘅菜式都大概知道晒🤪但係食評就真係第一次寫🤣🤣，因為掛住食同傾計，所以有好幾樣餸菜都冇影到~但呢度真係好多嘢都好好食，特別係凍螺，蟹，水煮魚😋😋~仲有個叫黑松露蝦多士嘅特式菜，不過唔記得咗訂，所以食唔到😅服務方面比起其他餐廳已經算好好，而且仲要唔收加一，如果真係要講嘅話，我只能說收加一嘅地方都冇未必有呢度嘅服務質素，呢個真係純粹個人意見~

7-1 回歸日，港島北一帶的交通比較混亂。為了避開車龍人潮，特意避走西區享用晚膳。「百味鮮辣蟹專門店」是一間以辣蟹作招牌美食的中菜館。即日午膳時間訂枱，準備晚上七時入座，獲告知要 90 分鐘內還枱，並鼓勵提早抵達。小編明白小店難處，也不介意接受這些條件。不過，當小編提早半小時到場後又未能安排入座，實在令人有點不滿！ 返回正題，小編一行六大兩小，共點選了七餸一湯。飯菜以海鮮為主，先來的「胡椒酸菜骨腩湯」，味溫辛辣，有點胡椒豬肚湯的影子。湯中投入了魚骨腩，雖不太適宜直接享用，但對湯汁添甜有一定功效。 「金銀蒜蒸蟶子皇」用上的蟶子都算大隻肉厚，口感爽彈，只可惜金銀蒜汁調味稍鹹，影響了最終評分。「砵酒酥炸蠔」是全晚最佳之作，蠔肉飽滿，經炸煮後食感外脆內軟，蠔味濃鮮。再加上點滴酒香，令人回味。到訪辣蟹專門店，小編當然對其招牌「避風塘炒蟹」有點期待。只可惜蟹肉肉質很「削」，不論鮮味及避風塘風味也力有不逮，評分不及格。 桂魚片本味清淡，所以不要寄望「濃湯泡桂魚片」有濃香的魚味，單論軟滑感都算對辦。「冰鎮咕嚕骨」聽聞是餐廳的招牌菜，以冰鎮配以乾冰煙霧方式呈上，富不俗的視覺效果。吃這道菜最緊要盡快享用

放假前，食餐好既，係FACEBOOK 知道有啲預訂既菜，早2日已經訂左龍蝦，蟶子，由於訂左位，去到都唔係使等。 我地只係得三個人，開頭只係叫左啲，但真好好味，樣樣都想試下，叫下叫下三個人食左8個餸，真係有啲誇張，食完真係飽到想再去食糖水都食唔落芥香雲耳，好開胃既前菜，酸酸地加埋WASHABI，都幾過癮上湯龍蝦煎米粉底，呢個餸預定既，不得了，龍蝦食得出好新鮮，彈牙爽甜，伊麵底食得多，煎米粉底都係第一次食，我覺得仲好食，米粉煎到脆香，加埋啲汁，正到爆濃湯桂魚片，桂魚滑得黎無泥味，我地連個湯都飲埋，有小小胡椒味，下面仲有啲粉絲同豆卜，吸晒啲味，更加入味。呢度食既蟶子皇比我之前食既大隻，粉絲都比較多，金銀蒜蒸係我覺最好食既，蟶子鮮甜爽口，無蒸過籠，食完真係想ENCORE 多2 隻因之前有煎米粉底又有粉絲，本來無諗住叫既，但因為見到隔離叫，聞到好香，問下係乜東東炒飯，原來係黑松露蛋白炒飯，係已經好飽既情況下，我地每人都再食多2碗仔.....仲有個菜樹菇雞湯無影相, 哈哈食埋個飯，真係飽到上心口啦，好滿足，攞左咭片，見到有好多預訂菜式都好吸引，下次約多啲人一齊再黎食過。

訂位時已FULL, 話要試試walk in, 7點黎到，等左差唔多十分鐘，店內光鮮企理乾淨，入到去侍應有禮貌地主動問茶同介紹食品，選左苿莉綠菜，又幾香喎~ 先黎2 個前菜小食先芥香雲耳，好開胃，有陳醋既味，仲有小小日本芥辣，感覺好似好健行康涼伴三鮮，青瓜，皮蛋，蕃茄，三樣好似唔啦更既嘢放埋一齊，後果出其地好喎，好清新，加埋一個撈乜都好食既日式芝麻醬，幾好食。主角係避風塘炒蟹，個侍應一攞黎已經聞到好香，隻蟹好新鮮，啲蒜炸得夠乾身，我地只係叫左小辣，最後都忍唔住落手食，值得一讚細心位係當我地食到隻手油淋淋時，店員主動攞左一兜檸檬水俾我地洗手，我個人好buy 呢個服務用左避風塘啲劣炸蒜炒左個二食新竹米食，好得，加左蛋絲，唔會太咸，一陣就清晒。金銀蒜蒸蟶子皇，超大隻，好新鮮，岩岩好，唔會蒸到太老，食落口爽口，$48一隻，抵食，記得上次係佐敦樓上鋪食，都要$78隻，相比下呢度抵好多。嘩，呢個直係今餐既驚喜，冰鎮咕嚕骨，原本唔知的，店員話呢個只係閒日先做，咁岩今日係星期四，所以有出，一上枱，不得了，淨係個勢都嬴晒，賣相好靚，用左碎冰粒做底，放左隻招財貓係度噴煙，好迷幻，應該係乾冰，全部人即刻相機先