名館 (已結業)

🍚點心質素中，任點任食，賣相精緻，適合打卡，即叫即蒸，環境寬敞。👍🏻推薦必叫

位於銅鑼灣希慎廣場14樓佢個景觀本身已經好壯觀，望到成個銅鑼灣鬧市呢間茶樓嘅環境幾骨子，適合同屋企人一齊靜靜飲茶食飯-兩點後入席有下午茶點心放題~$120就可以嘆到多道精緻點心其實真係抵食嘅-我地叫左3 rounds最impressive嘅係佢個「泡椒魚皮絲」非常彈牙爽口，而仲有一陣淡淡嘅麻香味上面撒左啲芝麻同芫茜-佢個蝦餃同鵪鶉蛋燒賣都好好味其實各叫兩籠已經抵翻曬啦！-最後要推薦嘅係個天鵝酥個外相好吸引裡面嘅餡料係紫薯蓉，好香口唯一嘅缺點係食放題嘅時候，食呢啲比較油膩嘅食物就會好快滯左所以如果要精明地利益最大化嘅話，就建議淨係叫一籠天鵝酥啦留胃食其他點心！

朋友升職加薪請食飯，約我到銅鑼灣的名館，位於希慎廣場地鐵站上面非常方便， 店內環境都算大， 最驚喜是晚上時分也可以食點心， 我們兩個人點了幾款菜式加點心，濃湯鮮蠔仔肉碎泡飯$88， 懷舊鵪鶉蛋燒賣$58， 銀湖天鵝酥$58， xo醬小瓜雜菌炒螺片$88， 風味口水雞$68。風味口水雞～ 這個是我朋友點的，他喜歡吃辣， 但對於我來說實在太辣了， 只吃了一兩件。銀湖天鵝酥～ 非常鬆化的天鵝酥， 入面是紫薯餡， 好好味，這個是我們當晚的甜品。xo醬小瓜雜菌炒螺片～ 很喜歡食翠玉瓜， 用xo醬來烹調非常惹味。懷舊鵪鶉蛋燒賣～ 現在很多舊式茶樓才有的鵪鶉蛋燒賣， 所以每次見到都會點， 雖然$58價錢比較貴， 但大大粒夠份量， 味道還不錯。濃湯鮮蠔仔肉碎泡飯～ 蠔仔脹卜卜，但可是鹹了一點， 如果味道可以淡返少少會比較好。多謝朋友的晚餐， 希望他快些再升職加人工，我又可以食多一餐。 第一次到名館， 感覺食物種類都幾多選擇， 啱曬我成日都三心兩意的人。

今日是我的悠長大假的第一天，平時都係老公接我收工，今日要去銅鑼灣接他收工給他一個驚喜。老公好開心，我仲陪佢喺希慎廣場shopping，行到攰，係時候坐低食餐飯，望一望水牌，發現有好多餐廳選擇，真係眼花撩亂，突然看見名館兩字，醒起朋友話明館好食，不再多想，直接前往名館。位於14樓嘅名館，裝潢新穎，地方闊落，位多但不侷促，尤其喜歡雙人座位的窗口位，景觀一流。Menu既設計非常出色，走中國風路線，古色古香，令人滿有期待打開看看。首先先來冷盤 ~ 胡麻醬鮮淮山($52)淮山爽而無渣，配合風味醇厚既胡麻醬，在這炎炎夏日，食此冷盤，份外醒胃。再來一個點心 ~ 銀湖天鵝酥($58)造型非常別緻美觀，其高貴、優雅，美麗既形象，尤其會得到女士及小孩既歡喜 ; 內餡更是現流行既紫薯蓉，未食之前，影咗好多張相放上社交平台，絕對係會俾like的，當我一啖咬下，口感酥脆，香甜味美。前菜也要一個 ~ 紅燒嫩滑妙齡鴿($58)妙齡鴿表皮香脆，醃得入味，肉質嫩滑多汁，細細隻，啱晒我兩口子。小菜當然唔少得 ~ 蜂蜜柚子蝦球($88)蝦球飽滿彈牙，炸得金黄，色澤亮麗，香脆怡人，味道清新酸甜，而且柚子蜜有豐富營養及美容功效

人大了，原來口味都會轉變，最近身邊朋友愈來愈多喜歡吃中菜，所以今天選擇了這間特色中菜餐廳—名館。名館有三間分店，今次來到銅鑼灣希慎廣場的分店。店面相當闊絡，座位舒適，適合大班朋友聚會，還有二人窗邊座位，自成一角，私隱度高，談心好地方。碗中小魚很是可愛。胡麻醬鮮淮山賣相雅緻，鮮淮山被切成圖柱體，就像一粒粒整齊疊起的象棋，上面淋上一層胡麻醬。鮮淮山冰凍，清甜粉嫩，全靠胡麻醬調味，沒有多餘的味道，肅清口腔，是一道健脾開胃的前菜。蜜椒土豆安格斯牛柳粒蜜椒土豆安格斯牛柳粒有驚喜，牛柳粒配上三色椒及炸薯仔粒。牛肉軟腍不會韌，牛肉味香濃，炸薯仔粒不甘當配角，外皮煎得香脆，內餡薯不簡單，配上蜜汁黑椒醬料，有點像咕嚕的味道，甜甜的，卻多了黑椒的香辣，不經意地一口接一口便把全部吃光。翡翠淮山炒素遼參素遼參配上翠玉瓜及淮山，加上紅黃椒，色彩繽紛，素遼參乍看與真海參相似，造型可以假亂真，吃下去不失彈牙，初時朋友還以為是真的。脆肉瓜及淮山亦爽甜，與海鮮醬一起炒，爽口惹味，送飯一流。金黃球泡飯金黃球泡飯將飯炸成黃金色球狀，半浸在上湯中，加上為泡飯保溫的小火爐，看著就像火鍋上的生根。吃金黃球泡飯，首先要將金黃球拆散

今日同男朋友去左銅鑼灣希慎行街，男朋友話想食下中菜，咁我就帶左佢去呢間名館啦之前都食過其他分店，鍾意呢間餐廳既中菜有點新潮又好味今次都冇令我失望銅鑼灣分店都做得好好入面分了幾區，每區既位置都不少裝修得好新同環境乾淨呢度既餐具都好講究，個碗上面仲有條魚仔好得意筷子都有寫上餐廳名字，水杯呈鑽石外紋，閃閃發光的今日叫了呢道鮮淮山，我都係第一次食。同煲湯既淮山口感完全不同，呢款鮮淮山口感會腍身點，鮮甜一點，而且淋上了胡麻醬，味道好香好滋味完全比了我一種好清新好唔同既感覺呢款都可算是招牌菜之一，見差不多每檯食客都有點呢飯搓成一個球形，再經過煎得外皮香脆，之後放到湯上泡飯仲以特別器皿放著，下面會有蠟來加熱，所以隨時都會飲到暖暖的湯跟熱熱的泡飯把黃金球打碎再慢慢拌勻，之後會見到好多又綿身既飯粒出現，呢個泡飯又可以食到綿身飯粒又可以食到外皮焦香既飯焦湯料中材料都不少，有菇類、菜類等，每啖泡飯都好惹味好足料呢款蝦球都係我既至愛把蝦球炸得香脆再淋上了蜂蜜柚子汁，味道酸酸甜甜，超醒胃中間蝦球又大大粒同彈牙，味道跟口感都絕對一流食左咁多野就返道菜類清一清呢款翠肉瓜好爽脆，好好味而且仲配上好多件既素遼蔘味道彈牙

朋友一直都好想食呢間中菜館，終於夾到日子黎食！京川汁秋葵其實我唔喜歡食秋瓜，但友人好鐘意，所以決定一試，呢道凍食的秋瓜帶辣、好惹味，一反我對秋葵的不喜歡！和風櫻花蝦炒飯，蝦仔調味令整個飯非常香，而且又唔會很油！讚👍🏻蜂蜜柚子蝦球，係我全晚最鐘意的菜式，酸酸甜甜，非常開胃，而且蝦肉係爽口、唔係平價梅蝦！！翡翠淮山炒素遼參，食遼參即刻覺得好高級，所以我們一試，清清地，有口感！ 銀湖天鵝酥賣相100分！！超靚😍😍入面係紫薯蓉，好鐘意佢的甜度好適中，唔會令人覺得太「流」！ 名館的甜品其實好吸引，仲有款棋子、麻將甜品etc，但因為我地太飽，無再叫到較大份的特式甜品！ 下次大班朋友食的時候，一定要試！每道中菜都好有特色，唔係集團式中菜館的款式，而且價錢非常合理

今晚同媽媽黎到食這間名館，環境好好！好舒服！好光亮！好乾淨！餐牌好靚好有型！好有feel京川汁秋葵：好爽口好清新又涼爽！黏液好多好補胃！微微辣好香好野味，夏天食健康美味之選銀湖天鵝酥：好靚呀！好生動的天鵝！鵝頸是餅干！酥皮一層層，熱騰騰又香脆脆；下面是芝麻底，香味濃郁！原來紫薯好香好軟滑！最愛的！超超超好味！黑金流沙包：好有型的黑色麵包配上金色橫文，好特別的設計！奶黃好香好滑好重蛋味、咬落去要小心流沙流出來（熱辣辣）！麵包結實飽滿！好有水準蜂蜜柚子蝦球：柚子配上青檸，酸酸甜甜好開胃！是我最愛的味道，好適合熱熱無胃口的天氣啊！食完好開胃蝦球好爽口好新鮮！用料十足、炸皮唔會過厚！金黃球泡飯：這個賣相好得意又特別！中間圓圓的是外脆飯焦、內面軟軟白飯；湯中有唔同的材料，豬肉、紅蘿蔔、粟米、香蔥粒，美味清甜又健康的湯飯，配上飯焦，口感好豐富多元化

這𥚃的點心和小菜都很有特色，無論在擺盤和造型都很有心思。令到客人在享受美食之餘，亦可以欣賞廚師的創意。這裏的座位設計，除了適合小家庭、一大顆朋友外，還有特設二人的望窗位，最適合兩口子甜蜜用餐，一面望著窗外風景、一面享用美食。茶位（@$8）👍👍👍👍高原野生蕎麥茶，有一陣陣清香的蕎麥味道。其好處可降血脂、降血糖和降尿糖。胡麻醬鮮准山（$52）👍👍👍👍這個前菜是胡麻醬鮮准山，准山切成棋子狀，並層層堆疊，淋上日式胡麻醤，令清淡的鮮淮山成為一個醒胃的前菜。厚切义燒皇（$78）👍👍👍👍👍厚切的义燒，肥瘦相間，面層還有少少焦香，肉質鮮嫩，加上甜甜的蜜汁，味道惹味。鮮肉一口小籠包（$58）👍👍👍👍小籠包的皮剛剛好，不太薄也不太厚，饀料的豬肉碎幼滑多汁，配合黑醋令味道更突出。㰖角肉鬆蒸秋葵 （$58）👍👍👍👍秋葵，一種不是人人都喜歡的蔬菜，但把秋葵開邊並以欖角肉碎來蒸，鹹味的欖角把秋葵的味道加添鹹香，亦令到這款健康的蔬菜更美味。自製菌皇醬蒸鮮腐竹（$58）👍👍👍👍把鮮腐竹切成條狀，加入自家製的菌皇醬一起蒸，就成為一個清淡的素菜。金黃球泡飯（$68）👍👍👍👍👍金黃的波波，其實是一個白飯波波。把白飯的外層炸

小米十分抗拒到中菜館／酒樓，終於得知原因：熱茶。所以這一年來，有小米同行外出時，也没有去中菜／籠籠點心。今天就在小米極餓之時，成功品嚐中菜。首先：小米午餐食量很少，加上剛踢完波，在極餓之時，小米不會抗拒任何食物。第二：餐廳門面中西合壁，內裡没有龍鳳大禮堂，没有傳統酒樓的金碧輝煌，所以小米不知是什麼菜系的餐廳。第三：小米踢波後，十分疲累，只想盡快坐下休息。店內有大量座位，可馬上就座，所以今天成功進入中菜館，食中餐！我倆在內堂接近廚房的位置就座，特地為小米安排淸水一杯，自己則享用熱茶。這杯茶，似玄米茶。小米因為十分肚餓，只專注地看著不同的食物來來回回，已經不管點選了什麼菜餚了。私房黃金球泡飯　　泡飯整鍋呈上，以燭台加熱。彩色的湯底，有蕃茄，唐芹，蔥，菇，肉末，火腿，毛豆，粟米，只是這几款簡單的配料，造就了清甜的味道。圓形的黃金烤飯糰，浸在湯內，没有散開。要多用力，把烘烤過的飯糰壓碎。這鍋波波浸飯就變為粒粒分明的七彩湯飯了！小米一碗接一碗，最後這個七彩湯飯，一滴不留。大良鮮奶脆網卷        大良炸鮮奶的網形脆皮版本。又脆又甜的，小米很喜歡。不過中間白色軟棉棉的東西，味道似椰汁。　銀湖天

是日同老豆兩個人撐枱腳，老人家比較傳統比較鍾意食中菜，幾經挑選揀左銅鑼灣希慎樓上呢間名館，由於要就番放工時間所以book左7:30去到發現人流唔算多，但都係book左枱安全啲裝修比較清新簡潔，完全唔似一般傳統式既中式酒樓，感覺係似新派現代中式菜，所以都好適合一家大細老中青入到去無問飲咩茶因爲佢只有一款熱蕎麥茶，幾特別，飲落去清清地幾重蕎麥味，唔錯唔錯連平時只飲中式舊茶既老豆都仔細啲睇原來隻碗有條錦鯉menu整得幾靚，封面好似道門咁打開，款式好多有點心、小炒、海鮮、燉湯、甜品等等⋯⋯最後我叫左個炒飯，一個燒味，一款點心同燉湯。先上一個厚切叉燒肉質好幼嫩有肉汁多又唔乾甜甜地味道適中。糖心黑蒜燉響螺：一個黑鐵茶壺上，用品茗個啲小茶杯慢慢品嘗，一壺兩人份量岩岩好，入面都好足料，有黑蒜、響螺、雞腳、豬肉。味道好濃黑蒜味但又唔覺得油膩，燉得岩岩好連啲湯渣都食埋。再上一個和風櫻花蝦炒飯：飯炒得夠乾身一粒粒咁面頭鋪滿好多櫻花蝦，食落味道唔會太咸適中，食得岀廚師個炒功了得最後甜品：銀湖天鵝酥。入面係紫薯蓉，唔會太甜，好濃紫薯味鍾意紫薯既朋友一定會好鍾意，外形真係幾似天鵝，個頭用面粉整都食得。真係內外都咁

今日同屋企人出去搵食，search 左好耐最後找左呢間餐廳，老人家都係偏好中菜，見佢d 食物又幾有特色就決定試下。而且屋企有老有嫩，起希慎呢個位置貪佢夠方便，又可以坐得舒舒服服。入到去環境都幾大，可能人多又有小朋友所以被安排坐到餐廳轉角位置，可以自成一角夠晒爽。蕎麥茶味道清清地唔錯, 仲有成大壺~超方便!個碗好別緻😍, 有條好可愛既魚, 睇到都開心。推介👍鑊仔生煎蓮藕餅($36): 說好的鑊仔呢?😂 蓮藕餅煎到金黃色, 厚身得黎魚肉夠彈口。加埋 爽口蓮藕條同埋蔥真係好好味!!推介👍銀湖天鵝酥($58):  本身諗住用黎TUM 小朋友, 點知又幾好食喎😍入口超鬆化, 入邊仲有紫薯蓉, 天鵝PATPAT 位沾上左芝麻超可愛,食落非常香口 。推介👍水蜜桃咕噜肉($78): 咕噜肉好香脆, 食落啖啖肉!正!推介👍柚子蜂蜜蝦球($78): 蝦肉彈牙鬆脆, 最鍾意佢D 柚子醬同芝麻, 甜甜地好清新好滋味!!😋石鍋鮑魚雞粒炒飯($108): 夠晒熱辣辣, 入邊仲有 BB 鮑魚添, 加埋D飯焦脆卜卜都唔錯鮮肉一口小籠包($58): 皮夠薄,肉夠大舊。不過湯汁唔夠多嫌賣相參差, 比較普通。厚切叉燒皇($