海安咖啡室 (已結業)

呢排疫情開始緩和，打工仔門都開始要返返公司，亦都係再出嚟搵食嘅機會了。今次， 近近哋，就喺公司附近食呢一間懷舊嘅香港冰室！環境：呢一間冰室認真歷史悠久，已經屹立香港六十年，入面可以見到擺放咗唔少歷史照片，從而見到冰室由電車路對出就係海皮慢慢演變到而家填咗海嘅信德碼頭，一路食仿佛一路回味緊香港呢六十年嘅變化。食物：入到嚟呢間老牌冰室，食嘅當然係香港特色，今次我就試左冰室其中一個招牌，鍋仔公仔麵。呢個麵果真吸睛，一個麵竟然有六個餸， 分別係腸仔、餐肉、五香肉丁、叉燒、鮮牛肉同埋剪蛋，一次過滿足你六個願望。不過老老豆豆，食落味道普通，唔算話太特別， 不過我估係香港普遍都冇乜地方可以有咁嘅選擇，來食下情懷都冇壞！

上環一帶有好多老食店，海安肯定係老中之老。睇個門面同大廈外圍就一清二楚。環境：入到裏面反而感覺唔算舊得好誇張，可能有翻新過。格式絕對係老香港茶餐廳設計。兩邊窄卡位，中間細圖枱，開放式水吧。門口有個古董收銀機。可能有好多人從來未見過。服務：以主婦為主。可接受。食物：香葱碎牛炒蛋多士大量葱+滑蛋+少量碎牛。算幾香口。但有點油膩。鍋仔公仔麵無咩特別。純粹係用鍋仔出。整體食物其實係普通茶餐廳食物。無咩特別。但歷史痕跡就唔係其他茶餐廳可相比。

上環有間舊式冰室裝潢內外都很舊一看就知道已經經營了很多年頭今天中午來到幾乎滿座幸而立即安排到位置與人拼桌鍋仔公仔麵留意這個並非跟餐，所以不含飲料公仔麵有煎蛋，香腸，五香肉丁湯有點過多麵偏軟，要趕快吃不然很快就會發脹煎蛋有點過熟不過其他都合格另外點了叉燒拼午餐肉撈麵蔥油做得不錯叉燒不會硬麵條充分吸收蔥油很香午餐肉味道還好但外皮不夠香脆份量很多，絕對能飽肚這餐2人共90多正常合理價錢整體不過不失有不少可改進的空間茶餐廳尚算整潔服務一般，不要期望店員會親切的對待不過我想不少人也是主要來感受懷念一下舊有特式

久唔久要放縱下自己食茶記超邪惡食物😈我地一行5人Lunch time都唔使等位 有卡位坐 坐得比想像中舒服 雖然冷氣唔夠但都還可以接受非常古舊傳統式茶記 別有一番味道 食物走麻甩路線 我鐘意邪惡食物1號 - 薑蔥香油叉燒撈麵叉燒半肥瘦 比例啱啱好 薑蔥好香 落足料 全碟都充滿薑蔥油唔會過多 食哂都唔覺好油膩(雖然其實超高熱量🙈)個人覺得好味過蘭芳園蔥油撈麵另一出名的邪惡食物2號 - 鍋仔公仔麵雖然只係一碗公仔麵用鍋上但裡面有好多邪惡配料 午餐肉腸仔煎蛋叉燒五香肉丁鮮牛肉直程係將所有平時公仔麵配料一次過配哂俾你 啱哂選擇困難症的我而且應該起碼有兩個麵底$45超抵食! 包你食飽講真 公仔麵都唔係度度煮得好味軟硬度要適中 都有技巧架呢度就整得好好食啦!最後係邪惡食物3號 - 奶油脆豬焗到脆bokbok的豬仔包上面加上牛油同煉奶邪惡度極高!!! 但超好食 唔理得咁多美食當前 食完先算

前陣子同Mr.K已橫掃了中上西環一堆的小餐廳，發現中上環是一個小寶藏，好多好特色的小店，生日後第一個工作天，竟然又打風！不過我都知應是沒米粥吧！老闆們補回生日飯，帶了我到海安咖啡室一遊，老實說我自己不會走到這麼遠！但的確門面是吸引的，白底紅字的五個標楷大字，簡單易明不會錯，推門入來由門外的餅櫃，吊扇，卡位全部都是古董般，那種是有年資的舊氣氛，裝不出來的。點了鍋仔公仔麵$48，入面有齊小時候打風必備的垃圾食物，包括五香肉丁，叉燒，煎蛋，餐肉，就是大大鍋的堆頭！如果叉燒賣光就用煙鴨胸代替，上枱都幾震撼，個鍋好高好大而且係放到滿晒。唔知幾大可以望下呢張相，真的好大好大鍋！不過味道真的好麻麻，先是公仔麵不夠熱，湯是微暖，而且吃落沒麻油香，蛋都太熟了，整體好有家的味道，算不上好特別吧！成個麵最好食係塊煙鴨胸，厚身又啖啖肉！眼看老闆點的脆豬仔包同埋多士都好似正好多！呢鍋野50幾蚊真係有點浪費左個Quota！下次黎都係試下多士啦，兩點半後的下午茶應該好正，不過呢度賣完食材就會落閘收工，最好三點前！今次對食物真係有點少失望，卻要讚好店員的服務態度，D伙記好好笑容，唔該前唔該後，我跌左張單想去執返，佢見