丼瀛 (已結業)

觀塘真係好多高質既餐廳,依一間丼瀛都好近APM,而且餐廳大又有好多選擇,講得出既日本食物都會有,今日點了店員介紹既食物,依度既店員好有禮貌同耐性。刺身:北寄背及三文魚腩: 三文魚腩真係好正,好肥美而且鮮甜精選熱食及串燒甲羅燒:好夠蟹膏、足料、好味海膽包天婦羅:海膽真係好正,而且熱食都不差三文魚鰭:香脆可口而且好新鮮其他仲有:羊肋串、鍋燒烏冬、芝士焗蠔,真係超級豐富同滿足。最後仲食左個甜品泡芙,真係好完美,好開心。餐廳既選擇真係好多,真係好想試多點不同款式,不過真係太飽了。下次再來。

好耐都吾敢出去食飯，更何況食日本嘢呢，幾星期前夜校同學話約食飯……選定話想試呢度……今晚我第一個到，呢度吾係放題，要逐樣點，我同心心到咗先，又覺得肚餓，點咗個吉列蠔同牛油果軟殼蟹卷先……後來另外兩位都到，就再點咗刺身盛、鹽燒鷄翼、燒鷄皮、燒牛舌、壽司盛合、魚皮蝦餃同湯烏冬……啲食物整體都ok...服務也OK，眼見個地方吾算大...吉列蠔同牛油果軟殼蟹卷--夠晒熱、脆口，好好食牛油果金龍卷--好食特選6點刺身--新鮮吾錯鹽燒鷄翼--夠熱好食燒鷄皮--初初都怕好膩，食完都吾知係鷄皮，哈哈燒牛舌--我沒有吃十二壽司盛合--吾錯魚皮蝦餃--感覺似食炸餃子鍋燒烏冬--OK的因為今晚係心心請，4人食，好似共$1300幾...

第一次去到中海日升中心覓食，原來呢度都幾多嘢食，係一個好好既觀塘覓食點。環境唔算高級豪華精緻，係普通到唔普通，餐具都係普通黑色膠碟膠筷既日式餐廳。不過!!!食物高質喎!!!絕對媲美高級豪華既壽司刺身店!大推佢呢度d刺身。我地叫左:季節空運5點刺身盛 $398(廚師發板空運魚半條，油甘魚2切，三文魚2切，帆立貝1隻，赤蝦2隻)赤蝦大大隻，超級鮮甜，好味到連個蝦頭都食清埋。油甘魚、三文魚、帆立貝全部都好厚身，超級新鮮。最正就係廚師發板空運魚。切得好靚，仲要砌到成隻鳳凰咁，個presentation好得!!另外一讚就係呢度既service，店員特登介紹今日既廚師發板空運魚，係魴鮄。(仲好nice寫畀我哋睇個字點寫lol)特登拎出黎俾我哋睇本身條魚係咩樣，又細心介紹。魴鮄屬於白身魚, 粉紅與白色交集的魚身肉質紮實、富彈性，軟滑緊緻，味道唔算好濃，但清清甜甜好好味。另外仲叫咗芝士焗蠔，同銀鱈魚乾，送啤酒一流!!!所以千祈唔好睇店面裝修普通，食物高質，絕對值得一試!!

在觀塘工業區覓食不是第一次🏭除工廠大廈之外，觀塘近年來興建了不少新商場，吸引不少各式的食肆進駐，對打工仔而言更方便😌晚上偶爾不想回家煮飯，所以來到中海日升中心，內裡有一間環境不錯的日式料理餐廳，其食物的款式和質素之吸引，令人精神為之一振🥹🥹環境🌴門口的餐廳招牌用霓虹燈裝設而成，鮮艷奪目，在遠處均可見到顏色鮮艷的招牌💡內裡的裝修簡單，是典型的日式餐廳格局：長條形的壽司bar枱，旁邊有數十張座位和卡位，空間寬敞；門口有「麵包超人」的公仔和心意牆，可供人填寫心意紙仔📝食物🍱提供小食、壽司🍣、刺身、燒物、飲品等🍺，都是一些很常見的日式居酒屋菜式🏮1. 季節空運五條刺身盛🐟（$398）🔸 刺身盛的各款刺身非常豐富：當中最矚目的，是餐廳廚師發板的日本空運魚，師傅把空運魚切至薄身，把刺身裝飾至雀鳥的形狀🕊其刀工之出色，令人讚嘆；加上由餐廳提供的專用醬油，鮮中帶甜，口感一流🤤🔸 其他的刺身亦相當出色：當中帆立貝刺身，師傅在帆立貝表面加上檸檬片，令少量檸檬汁滲入刺身，故鮮味中帶有檸檬香，清爽開胃🍋赤蝦刺身亦感覺彈牙，不錯😋2. 牛舌🐮👅（$96）🔸牛舌溫度剛剛好，不會燒至過焦；外表佈滿黑椒粒，吃下去稍辣

去APM 行下新開嘅🇯🇵日本藥妝店，行完日本藥妝店就想食日本嘢，朋友帶咗我去呢間日本餐廳，由APM行過去大概5分鐘，平日大概6:30左右唔使等即刻有位。我哋都想食刺身壽司，見有個🔸十二道風味🔸有多款時令刺身唔駛稔即點，另外加咗個沙律同主食。🥗溫泉蛋松葉蟹肉野菜沙律（$40）以呢個價錢嚟講份量都唔少，流心溫泉蛋🥚配新鮮沙律菜+和風醬汁酸酸甜甜好開胃。🔶十二道風味🔶（$398）12個小杯呈上好似12碗迷你丼咁，賣相精緻，種類豐富。三文魚魚腩同蔥吞拿魚腩油脂豐富；貝類如鮑魚、赤貝鮮甜有口感；大蝦大大隻好鮮甜。🍲鍋燒烏冬 （$98）鍋燒烏冬熱辣辣，湯底香濃，烏冬滑溜彈牙，份量足夠兩個人一齊分享。💡餐廳仲有串燒、天婦羅、丼飯等多款日本菜式供應，另見到門口外賣自取午餐性價比高，喺附近住或返工嘅朋友可以試吓💁🏻‍♀️

第一次試呢間日本野，鍋燒烏冬都幾多料，除左炸雞同炸蝦浸湯浸到好淋，個人黎講唔太鍾意跟餐仲有茶碗蒸，另加小食，小食就揀左三文魚，估唔到刺身好新鮮，整體野食係唔錯既，下次會再試其他野

💛好耐冇食過日本嘢喇😍 今日收工同屋企人嚟咗呢間位置方便嘅丼瀛食🥰 呢度有各式各樣嘅日本美食，由壽司刺身，至鍋物串燒都有，一次過滿足多個願望🤩🥗 香桃蟹籽沙律 （$45）首先食個沙律清新口腔🥰 呢個沙律用咗原個蘋果切絲，加上青瓜絲等整成，仲加入香桃，美觀之餘非常健康，比經常外出食飯嘅人攝取返多啲水果、纖維，仲好清新好好味添🥰🦀 甲羅燒 （$68）呢個甲羅燒特別在於佢放好晒滿滿嘅蟹肉蟹膏蟹籽，仲比咗一柆奄春蛋比食客自己撈勻，睇得出真材實料🤩 不過要記得襯熱撈同食呀，會好味啲㗎👍🏻 成個甲羅燒超rich超美味😋🍳 明太子醬燒玉子 （$26）🍢 牛舌 （$48）呢兩串串燒都非常有驚喜🤩 明太子醬玉子咬落有creamy嘅感覺，燒得剛剛好，份量都啱啱好唔會膩😋 牛舌有三片，夠惹味又煙煙韌韌好滋味☺️🐉 天龍卷 （$98）好架勢嘅壽司卷！炸咗個天婦羅「龍頭」、「龍尾」都可以食㗎～ 而中間嘅壽司卷都非常足料😚 上面嘅炙燒三文魚仲好肥美添🤤🥟 雞皮餃子 （$48）第一次食雞皮包嘅餃子！個皮好香好脆，唔錯！🥘 鍋燒烏冬 （$98）呢個烏冬性價比非常高😙 鍋內有超多烏冬、雞球、蝦棒、菜、菇、蛋等等🥰 撈勻

店舖大約距離觀塘地鐵站十分鐘路程，穿過apm行幾步就到。海之幸丼，$178，舖頭叫得做丼瀛，相信呢味菜係呢度嘅主打菜。裏面配搭咗八款唔同嘅海鮮刺身，每款都好新鮮，特別欣賞油甘魚，好重油香，回味無窮。溫泉蛋松葉蟹肉椰菜沙律，$68，無論賣相定係味道都係清新嘅感覺，絕對係健康之選。清酒煮時令貝，$98，清酒嘅味道都唔會太搶，每一隻都大大件，另外仲配搭好多蔬菜配料，非常抵食。鍋燒烏冬，$98，配料有天婦羅炸蝦同埋唐揚炸雞，湯底係豬骨濃湯，配搭烏冬食落真係唔錯。

觀塘分店嘅丼瀛重開啦！星期二既丼𤅗仍然座無虛席，加上網上評論讚多過批評，身邊朋友都讚好，尊重民意既我決定試一試丼瀛。餐廳非常闊落，燈光十足。- 焗帆立貝我哋叫左明太子味同芝士味，特別之處在於丼瀛將帆立貝切粒後再焗，並非原隻焗，食落非常爽口彈牙。明太子焗帆立貝味道比較豐富，芝士焗帆立貝比較膩，但滋味程度爆燈🤤- 燒大蝦頭蝦頭好大，不過蝦身肉質麻麻，相比焗帆立貝變得普普通通。- 鍋燒烏冬份量好足料，入面有炸雞同炸蝦，撈勻蛋黃後湯底無咁鹹，烏冬就好滑溜。- 甲羅燒松葉蟹肉丼賣相十分豪邁，松葉蟹肉同三文魚籽鋪滿丼飯上面，加上兩支飽滿蟹腳，鮮甜無比。更誇張既係仲有甲羅燒，蟹膏香濃，鹹甜適中，送飯可謂絕配。整體嚟講，焗帆立貝同蟹肉丼好出色，味道提升咗一個層次，真係強勢回歸。